Hechos 26:25 - Triqui de San Juan Copala

²⁵ Ga̱a ne̱ cataj Pabló rihaan Festo a: ―Festo si̱j uun chij, ne snu̱j ꞌu̱nj maꞌ. Tana̱nj ya̱ vaa nana̱ natáꞌ ꞌu̱nj, ne̱ nana̱ veꞌé vaa no̱ xcúún níꞌ cuno̱ níꞌ me nij nana̱ yoꞌ a.

Hechos 26:25 ပူးပေါင်းရင်းမြစ်များ

San Lucas 1:3

Ne̱ ꞌu̱nj nihánj me síí tucuꞌyón uxrá, dan caꞌvee narij cunuda̱nj rasu̱u̱n yoꞌ, ne̱ cheꞌé dan vaa cheꞌé cachro̱n nica̱ ꞌu̱nj cunuda̱nj rihaan yanj nihánj naya̱a̱ so̱ꞌ si̱j cuꞌna̱j Teófilo si̱j sa̱ꞌ ndoꞌo, raj ado̱nj.

San Juan 8:49

Ga̱a ne̱ cataj Jesús a: ―Taj va̱j nana̱ chre̱e nuû nimanj maꞌ. ꞌO̱ se aráj co̱chróó ꞌu̱nj rihaan Réj Yaꞌanj, tza̱j ne̱ ne aráj cochro̱j soj rihanj a̱ maꞌ.

Hechos 23:26

“ꞌU̱nj si̱j cuꞌna̱j Claudio Lisias roꞌ, ꞌyáá ꞌu̱nj yanj cartá nihánj caꞌne̱j ꞌu̱nj rihaan so̱ꞌ si̱j nica̱j suun gobernador cuꞌna̱j Félix si̱j sa̱ꞌ ndoꞌo a. Veꞌé ca̱yáán so̱ꞌ á.

Hechos 24:3

ne̱ cunuda̱nj núj me síí taj se vaa ina̱nj sa̱ꞌ uxrá ꞌyáá so̱ꞌ, Félix si̱j sa̱ꞌ ndoꞌo a. Ne̱ me maꞌa̱n güii do̱ꞌ, me maꞌa̱n rej va̱j núj do̱ꞌ, ne̱ taj ta̱ranꞌ núj “Guun niꞌya̱j níꞌ” rihaan so̱ꞌ a.

Tito 1:9

Raan canoco̱ꞌ nij soꞌ snana̱ Yaꞌanj nana̱ tucuꞌyón núj rihaan nij yuvii̱ a. Da̱nj quiꞌya̱j nij soꞌ, ga̱a ne̱ gu̱un nucua̱j nij soꞌ nago̱ꞌ nij soꞌ stucua̱nj Yaꞌanj tucuáán sa̱ꞌ man ꞌó nij yuvii̱, ne̱ gu̱un nucua̱j nij soꞌ quiꞌya̱j nij soꞌ se vaa ca̱nica̱j nimán nij síí tucuꞌyón tucuáán ne̱ na̱nj ado̱nj.

1 Pedro 3:15

Cara̱a̱ cochro̱j soj ni̱ꞌyaj soj man Cristó Si̱j ꞌNi̱j Raꞌa man níꞌ á. Xca̱j soj cuentá da̱j ga̱a̱ caꞌmi̱i̱ soj ga̱ me maꞌa̱n síí xnáꞌanj man soj me cheꞌé me uun ya̱ rá soj se vaa cavi̱i̱ sa̱ꞌ soj quiꞌya̱j Yaꞌanj vaa güii a. Veꞌé nata̱ꞌ soj rihaan nij síí xnáꞌanj man soj, ne̱ se̱ naquiꞌyaj xta̱ꞌ soj nimán soj asa̱ꞌ nataꞌ soj snana̱ Yaꞌanj maꞌ.

1 Pedro 3:9

Caꞌve̱e se quiꞌya̱j chiꞌi̱i̱ yuvii̱ man soj, tza̱j ne̱ se̱ quiꞌyaj chiꞌi̱i̱ soj man nij yuvii̱ maꞌ. Caꞌve̱e se caꞌmi̱i̱ chre̱e yuvii̱ cheꞌé soj, tza̱j ne̱ se̱ caꞌmii chre̱e soj cheꞌé nij yuvii̱ maꞌ. Tana̱nj cachi̱nj niꞌya̱j soj rihaan Yaꞌanj quiꞌya̱j soꞌ se lu̱j ga̱ nij yuvii̱ yoꞌ á. ꞌO̱ se canacúún Yaꞌanj man soj, cheꞌé rej quiꞌya̱j soj da̱nj, ga̱a ne̱ caꞌve̱e quiꞌya̱j Yaꞌanj se lu̱j ga̱ maꞌa̱n soj chugua̱nj.