Hechos 26:13 - Triqui de San Juan Copala

¹³ Cu̱nó so̱ꞌ nana̱ caꞌmi̱j rihaan so̱ꞌ nihánj, na̱nj rey. ꞌO̱ se caxu̱j me yoꞌ, ne̱ va̱j ꞌu̱nj chrej, ne̱ rej xta̱ꞌ roꞌ, cuchuguu̱n ꞌo̱ yaꞌan nu̱ꞌ anica̱j rej nicu̱nꞌ ꞌu̱nj ga̱ nij síí va̱j chrej ga̱ ꞌu̱nj, ne̱ nucua̱j doj yaꞌan yoꞌ rihaan naán güii ado̱nj.

Hechos 26:13 ပူးပေါင်းရင်းမြစ်များ

San Mateo 17:2

Ga̱a ne̱ ꞌo̱ cunuu ino̱ cunuda̱nj man Jesús niꞌya̱j nij síí tucuꞌyón snana̱ soꞌ, ne̱ dan me se chuguu̱n ndoꞌo rihaan soꞌ ase vaa chuguu̱n güii na̱nj á. Ne̱ nuu catzi̱i̱ ndoꞌo saga̱nꞌ soꞌ, ne̱ ase vaa yaꞌan chuguu̱n vaa saga̱nꞌ soꞌ a.

Hechos 22:6

’Dan me se va̱j ꞌu̱nj chrej, ne̱ caxu̱j me ta̱ꞌ asuun, ne̱ nichrúnꞌ ꞌu̱nj chumanꞌ Damasco, ga̱a ne̱ ta̱j niꞌyo̱n cuchuguu̱n nu̱ꞌ xta̱ꞌ nu̱ꞌ anica̱j rej nicu̱nꞌ ꞌu̱nj a.

Hechos 22:9

Ne̱ nij síí va̱j ga̱ ꞌu̱nj roꞌ, ya̱ queneꞌen nij soꞌ yaꞌan chuguu̱n rej nicu̱nꞌ ꞌu̱nj, tza̱j ne̱ ne cuno̱ nij soꞌ me taj nana̱ caꞌmii Jesús rihanj a̱ maꞌ.

Hechos 26:12

’Dan me se ga̱a quiꞌyáj da̱nj, ne̱ ꞌo̱ güii me se va̱j ꞌu̱nj chrej caꞌanj ꞌu̱nj chumanꞌ Damasco, ne̱ a̱j rqué nij xrej ata̱ suun noco̱o rej nucua̱j mán ꞌu̱nj, ne̱ caꞌnéé nij soꞌ mán ꞌu̱nj qui̱ꞌyáj da̱nj chumanꞌ Damasco a.

Hechos 26:14

Dan me se quinij ta̱ranꞌ núj rihaan yoꞌóó, ne̱ cunó ꞌu̱nj caꞌmii ꞌo̱ soꞌ rihaan ꞌu̱nj, ne̱ se‑xnaꞌa̱nj maꞌa̱n nij síí hebreo caꞌmii soꞌ, cataj soꞌ a: “Saulo, me cheꞌé ꞌyáá so̱ꞌ sayuun manj ga̱. ꞌO̱ se me rá so̱ꞌ qui̱ꞌyáá so̱ꞌ sayuun manj, tza̱j ne̱ man ma̱ꞌán so̱ꞌ ꞌyáá so̱ꞌ sayuun ase ꞌyaj scúj oꞌ tacanj rihaan chruun siha̱a̱ nica̱j síí ꞌyaj suun ga̱ yuntá na̱nj á”, taj síí caꞌmii rihanj a.

Hechos 9:3

Dan me se nica̱j Saulo yanj, ne̱ va̱j soꞌ chrej, ne̱ nichrunꞌ soꞌ chumanꞌ Damasco yoꞌ, ne̱ ta̱j niꞌyo̱n cuchuguu̱n nu̱ꞌ xta̱ꞌ nu̱ꞌ anica̱j rej nicu̱nꞌ soꞌ a.

Apocalipsis 1:16

Ne̱ raꞌa soꞌ rej nuva̱ꞌ soꞌ roꞌ, coro̱ꞌ soꞌ chi̱j yatiꞌ, ne̱ neê espadá siha̱a̱ nu̱ꞌ niha̱ rihaan curiha̱nj tuꞌva soꞌ, ne̱ ase vaa nucua̱j ndoꞌo chuguu̱n güii ga̱a caxu̱j roꞌ, da̱nj vaa chuguu̱n rihaan soꞌ niꞌya̱j ꞌu̱nj man soꞌ a.

Apocalipsis 21:23

Ne̱ ne achiin güii do̱ꞌ, yavii do̱ꞌ, chugu̱u̱n rihaan chumanꞌ yoꞌ a̱ maꞌ. ꞌO̱ se maꞌa̱n Yaꞌanj chuguu̱n rihaan chumanꞌ yoꞌ, ne̱ maꞌa̱n Matzinj Leꞌe̱j yoꞌ guun agaꞌ chuguu̱n rque nu̱ꞌ chumanꞌ yoꞌ na̱nj chugua̱nj.