Hechos 25:8 - Triqui de San Juan Copala

⁸ Ga̱a ne̱ canica̱j Pabló, caꞌmii nacaj soꞌ cheꞌé maꞌa̱n soꞌ, cataj soꞌ a: ―Taj cacunꞌ quiꞌyáá ꞌu̱nj rihaan stucua̱nj nij síí israelitá do̱ꞌ, rihaan nuvií noco̱o do̱ꞌ, rihaan síí nica̱j suun emperador cuꞌna̱j César do̱ꞌ a̱ maꞌ ―taj Pabló rihaan Festo a.

Hechos 25:8 ပူးပေါင်းရင်းမြစ်များ

Hechos 23:1

Dan me se niꞌya̱j uxrá Pabló man ta̱ranꞌ nij síí uun chij yoꞌ, ne̱ cataj soꞌ a: ―Cuno̱ nij soj caꞌmi̱j, tinu̱j. Nu̱ꞌ cavii nu̱ꞌ caꞌnaꞌ roꞌ, ina̱nj sa̱ꞌ uxrá ꞌyáá ꞌu̱nj rihaan Yaꞌanj, raj a. Taj cacunꞌ tumej maꞌ ―taj Pabló rihaan nij soꞌ a.

Hechos 24:12

Ne̱ rej ya̱nj nuvií noco̱o do̱ꞌ, rá nij veꞌ tucuꞌyón núj si̱j israelitá stucua̱nj Moisés do̱ꞌ, rque chumanꞌ do̱ꞌ, ne cano̱ tuvíꞌ ꞌu̱nj ga̱ yuvii̱ maꞌ. Ne̱ a̱ doj ne caꞌma̱an rá nij yuvii̱ qui̱ꞌyáá ꞌu̱nj maꞌ.

Hechos 24:14

’Tza̱j ne̱ cata̱j yá ꞌu̱nj rihaan so̱ꞌ se vaa xa̱ꞌ Se‑Chre̱j Jesús, chrej tucuꞌnáj nij síí nihánj chrej ne̱ roꞌ, da̱nj nocóꞌ ꞌu̱nj aráj gue̱e̱ ꞌu̱nj rihaan Yaꞌanj si̱j noco̱ꞌ nij xií ꞌu̱nj a. ꞌO̱ se amán raj nu̱ꞌ nana̱ no̱ rihaan yanj no̱ stucua̱nj Moisés do̱ꞌ, snana̱ nij síí nataꞌ snana̱ Yaꞌanj ga̱a naá do̱ꞌ a.

Hechos 24:6

Ne̱ nda̱a guun rá soꞌ quiꞌya̱j chiꞌi̱i̱ soꞌ man nuvií noco̱o, ne̱ cheꞌé dan taꞌaa núj man soꞌ, ne̱ guun rá núj caꞌne̱ꞌ núj cacunꞌ cheꞌé soꞌ nda̱a vaa aꞌmii tucuáán noco̱ꞌ maꞌa̱n núj a.

Hechos 25:10

Ga̱a ne̱ cataj Pabló rihaan soꞌ a: ―Nihánj me nicúnꞌ ꞌu̱nj rihaan so̱ꞌ, si̱j cuneꞌ síí nica̱j suun emperador cuꞌna̱j César se vaa caꞌne̱ꞌ so̱ꞌ cacunꞌ cheꞌé yuvii̱ á. Ne̱ cheꞌé dan no̱ xcúún so̱ꞌ caꞌne̱ꞌ so̱ꞌ cacunꞌ cheꞌé ꞌu̱nj na̱nj ado̱nj. Ne qui̱ꞌyáá ꞌu̱nj cacunꞌ rihaan a̱ ꞌó nij síí israelitá maꞌ. Ne̱ a̱j neꞌén so̱ꞌ se vaa ya̱ vaa nana̱ nihánj nana̱ aꞌmii ꞌu̱nj rihaan so̱ꞌ chugua̱nj.

Hechos 28:17

Dan me se cachén vaꞌnu̱j güii, ga̱a ne̱ canacúún Pabló man nij síí uun chij rihaan nij yuvii̱ israelitá ya̱nj chumanꞌ Romá se vaa cunu̱u chre̱ꞌ nij soꞌ ga̱ soꞌ a. Ne̱ ga̱a quisíj cunuu chre̱ꞌ nij soꞌ, ne̱ cataj soꞌ rihaan nij soꞌ a: ―Xa̱ꞌ ꞌu̱nj nihánj, tza̱j ne̱ taj va̱j cacunꞌ quiꞌyáá ꞌu̱nj rihaan tuviꞌ níꞌ si̱j israelitá do̱ꞌ, rihaan stucua̱nj xi̱i níꞌ nij síí ma̱n ga̱a naá do̱ꞌ, maan tinu̱j. Tza̱j ne̱ rej chumanꞌ Jerusalén roꞌ, taꞌaa nii manj ne̱ tacuachén nii manj rihaan nij síí romanó ado̱nj.

Hechos 28:21

Ga̱a ne̱ cataj nij soꞌ rihaan Pabló a: ―Xa̱ꞌ nij tuviꞌ níꞌ síí ya̱nj estadó Judea, tza̱j ne̱ taj yanj cartá caꞌnéé nij soꞌ rihaan núj cheꞌé so̱ꞌ naya̱a̱ núj maꞌ. Ne̱ a̱ ꞌó tinúú níꞌ ne caꞌna̱ꞌ rihaan núj nata̱ꞌ nana̱ chiꞌi̱i̱ cheꞌé so̱ꞌ rihaan núj maꞌ.

2 Corintios 1:12

Niha̱ꞌ ndoꞌo rá núj, cheꞌé se neꞌen núj se vaa nuviꞌ cacunꞌ tumé núj a. ꞌO̱ se veꞌé quiꞌyaj núj ga̱ soj ga̱a chéé núj rihaan chumii̱ nihánj, ne̱ ne tiha̱ꞌ yuꞌunj núj man soj maꞌ. Ma̱an se cuno núj rihaan Yaꞌanj, ne̱ caꞌmii chij núj rihaan soj, ne̱ ne quiꞌya̱j núj ina̱nj se vaa cavii raa̱ maꞌa̱n núj maꞌ. ꞌO̱ se maꞌa̱n Yaꞌanj racuíj man núj, ne̱ quiꞌyaj núj ina̱nj se vaa me rá Yaꞌanj quiꞌya̱j núj na̱nj ado̱nj.