Hechos 24:25 - Triqui de San Juan Copala

²⁵ Dan me se cataj xnaꞌanj Pabló rihaan Félix se vaa no̱ xcúún níꞌ cunu̱u sa̱ꞌ níꞌ rihaan Yaꞌanj ne̱ no̱ xcúún níꞌ tu̱mé níꞌ man maꞌa̱n níꞌ se vaa veꞌé ina̱nj quiꞌya̱j níꞌ a. Ne̱ caꞌmii soꞌ cheꞌé güii caꞌne̱ꞌ Yaꞌanj cacunꞌ cheꞌé yuvii̱ a. Ga̱a ne̱ cuchuꞌviꞌ ndoꞌo Félix, ne̱ cataj soꞌ a: ―Cuano̱ nihánj me se caꞌa̱nj so̱ꞌ ya̱j, tza̱j ne̱ asa̱ꞌ vaa yaꞌnúj rihanj, ne̱ canacu̱nj uún ꞌu̱nj mán so̱ꞌ á ―taj soꞌ rihaan Pabló a.

Hechos 24:25 ပူးပေါင်းရင်းမြစ်များ

San Mateo 22:5

’Tza̱j ne̱ ne caꞌna̱ꞌ a̱ ꞌó nij soꞌ a̱ maꞌ. Ma̱an se taꞌa̱j nij soꞌ caꞌanj quiꞌya̱j suun xnaa̱ nij soꞌ, ne̱ ꞌó taꞌa̱j nij soꞌ caꞌanj cutuꞌve̱e̱ uún a.

San Juan 16:8

Ne̱ asa̱ꞌ quisíj caꞌnaꞌ soꞌ, ne̱ cuta̱ꞌ soꞌ cacunꞌ xráá nij síí noco̱ꞌ se‑chre̱j chumii̱ nihánj se vaa tumé nij soꞌ cacunꞌ do̱ꞌ, se vaa ataa cunu̱u sa̱ꞌ nij soꞌ rihaan Yaꞌanj do̱ꞌ, se vaa caꞌne̱ꞌ ya̱ Yaꞌanj cacunꞌ cheꞌé nij soꞌ do̱ꞌ a.

Hechos 10:42

Ga̱a ne̱ caꞌneꞌ soꞌ suun rihaan núj caꞌmi̱i̱ natáj núj rihaan nij yuvii̱ ne̱ nata̱ꞌ núj nana̱ se vaa maꞌa̱n soꞌ me síí cuneꞌ Yaꞌanj caꞌne̱ꞌ cacunꞌ cheꞌé nij yuvii̱ vaa iꞌna̱ꞌ do̱ꞌ, cheꞌé nij yuvii̱ caviꞌ do̱ꞌ ado̱nj.

Hechos 17:13

Dan me se xcaj nij síí israelitá ya̱nj chumanꞌ Tesalónica cuentá se vaa nda̱a chumanꞌ Berea nataꞌ uún Pabló snana̱ Yaꞌanj rihaan nij yuvii̱ a. Cheꞌé dan caꞌanj nij soꞌ chumanꞌ Berea, ne̱ caꞌmii ne̱ nij soꞌ cheꞌé Pabló, ne̱ cuyanj rá queꞌe̱e̱ ndoꞌo nij síí ma̱n Berea niꞌya̱j nij soꞌ man Pabló ga̱ Silas, quiꞌyaj nij síí ma̱n Tesalónica yoꞌ a.

Hechos 17:2

Dan me se catúj Pabló rá veꞌ yoꞌ rej nuu chre̱ꞌ nij yuvii̱ israelitá yoꞌ, nda̱a vaa uꞌyón ina̱nj soꞌ quiꞌya̱j soꞌ a. Ne̱ vaꞌnu̱j ya̱ güii cueta̱nꞌ naránj rá nij soꞌ nataꞌ Pabló rihaan nij soꞌ cheꞌé nana̱ no̱ rihaan Danj Yaꞌanj a.

Hechos 17:32

Dan me se ga̱a cuno nij síí ma̱n Atenas nana̱ se vaa cunuu iꞌna̱ꞌ uún ꞌo̱ síí caviꞌ, ne̱ taꞌa̱j nij soꞌ caꞌngaꞌ naco̱o̱, ne̱ ꞌó taꞌa̱j nij soꞌ cataj a: ―Nda̱a ꞌó güii uún me se caꞌna̱ꞌ núj cuno̱ núj snana̱ so̱ꞌ na̱nj á ―taj ꞌó taꞌa̱j nij síí ma̱n chumanꞌ Atenas a.

Hechos 2:37

Dan me se ga̱a cuno nij yuvii̱ nana̱ yoꞌ, ne̱ quinanó ndoꞌo rá nimán nij soꞌ, ne̱ xnáꞌanj nij soꞌ man Pedró ga̱ ꞌó nij síí ata̱ suun caꞌa̱nj nata̱ꞌ snana̱ Jesús, cataj nij soꞌ a: ―Ne̱ da̱j quiꞌya̱j núj, ga̱ tinu̱ꞌ ―taj nij soꞌ, xnáꞌanj nij soꞌ man nij tuvi̱ꞌ Pedró a.

Hechos 24:15

Ne̱ nucua̱j ya̱ rá ꞌu̱nj man Yaꞌanj nda̱a vaa ꞌyaj maꞌa̱n nij síí nihánj se vaa vaa güii cunu̱u iꞌna̱ꞌ uún nij síí sa̱ꞌ caviꞌ do̱ꞌ, nij síí chiꞌi̱i̱ caviꞌ do̱ꞌ a.

Hechos 24:26

Da̱nj cataj Félix cheꞌé se me rá soꞌ ca̱ráán Pabló saꞌanj rihaan maꞌa̱n soꞌ cheꞌé rej quiri̱i̱ soꞌ tagaꞌ man Pabló, rá soꞌ a. Cheꞌé dan queꞌe̱e̱ güii canacúún soꞌ man Pabló caꞌna̱ꞌ Pabló rihaan soꞌ, ne̱ caꞌmii soꞌ ga̱ Pabló a.

Hechos 26:28

Ga̱a ne̱ cataj Agripa rihaan soꞌ a: ―Caꞌmi̱i̱ so̱ꞌ do̱j rihanj, ga̱a ne̱ cuaj guún ꞌu̱nj síí noco̱ꞌ man Jesucristó, rá so̱ꞌ naꞌ ―taj Agripa rihaan Pabló a.

Hechos 9:6

Tza̱j ne̱ na̱xaga̱a̱ so̱ꞌ caꞌa̱nj so̱ꞌ nda̱a chumanꞌ Damasco, ga̱a ne̱ cata̱j nii rihaan so̱ꞌ da̱j qui̱ꞌyáá so̱ꞌ á ―taj Jesús rihaan Saulo a.

Romanos 12:1

Tinu̱j, nocoj, cheꞌé se nuu ꞌe̱e̱ ndoꞌo rá Yaꞌanj man níꞌ, cheꞌé dan rquee̱ ndoꞌo ꞌu̱nj rihaan soj se vaa rque̱ soj man maꞌa̱n soj rihaan Yaꞌanj ya̱j ga̱a vaa iꞌna̱ꞌ soj, da̱j se vaa ticaviꞌ yuvii̱ xcuu ne̱ rqué yuvii̱ rihaan Yaꞌanj á. Sese da̱nj quiꞌya̱j soj, ne̱ ꞌo̱ rasu̱u̱n gue̱e̱ do̱ꞌ, ꞌo̱ rasu̱u̱n cara̱nꞌ rá Yaꞌanj do̱ꞌ, me yoꞌ, ne̱ suun no̱ xcúún soj quiꞌya̱j soj me yoꞌ uún ado̱nj.

Romanos 14:12

Dan me se vaa güii nago̱ꞌ ꞌo̱ ꞌo̱ níꞌ cuentá rihaan Yaꞌanj cheꞌé se vaa quiꞌyaj níꞌ ga̱a cayáán níꞌ rihaan chumii̱ nihánj na̱nj ado̱nj.

Romanos 2:16

Ne̱ da̱nj ga̱a̱ caꞌne̱ꞌ Yaꞌanj cacunꞌ cheꞌé nij soꞌ güii caꞌne̱ꞌ Yaꞌanj cacunꞌ cheꞌé nimán yuvii̱ á. Da̱nj taj nana̱ sa̱ꞌ cheꞌé Cristó aꞌmii natáj ꞌu̱nj rihaan yuvii̱ na̱nj á.

1 Corintios 4:5

Cheꞌé dan se̱ guun naquiꞌya̱j cu̱u soj cheꞌé yuvii̱ maꞌ. Ma̱an se na̱ꞌvi̱j soj caꞌna̱ꞌ uún Síí ꞌNi̱j Raꞌa man níꞌ rihaan chumii̱ nihánj na̱nj á. Cuano̱ nihánj me se ne neꞌen sa̱ꞌ níꞌ da̱j vaa ꞌyaj ꞌo̱ ꞌo̱ yuvii̱, tza̱j ne̱ asa̱ꞌ caꞌnaꞌ Síí ꞌNi̱j Raꞌa man níꞌ, ne̱ ti̱haa̱n soꞌ rihaan níꞌ da̱j vaa rá nimán ꞌo̱ ꞌo̱ yuvii̱ ma̱n rihaan chumii̱ nihánj, ne̱ sese sa̱ꞌ vaa rá nimán ꞌo̱ soꞌ, ne̱ maꞌa̱n Yaꞌanj cata̱j se vaa sa̱ꞌ quiꞌyaj soꞌ ado̱nj.

2 Corintios 5:10

Neꞌen núj se vaa vaa güii no̱ xcúún ta̱ranꞌ níꞌ canicu̱nꞌ ta̱ranꞌ níꞌ rihaan Cristó, ne̱ naquiꞌya̱j cu̱u soꞌ cheꞌé níꞌ a. Ga̱a ne̱ na̱ruꞌvee Cristó rihaan níꞌ cheꞌé se vaa quiꞌyaj níꞌ ga̱a vaa iꞌna̱ꞌ níꞌ rihaan chumii̱ nihánj, ne̱ sese sa̱ꞌ quiꞌyaj níꞌ, ne̱ se sa̱ꞌ na̱ruꞌvee Cristó rihaan níꞌ, ne̱ sese nij quiꞌyaj níꞌ, ne̱ se nij ni̱caj níꞌ na̱nj ado̱nj.

2 Corintios 6:2

ꞌO̱ se nana̱ nihánj me nana̱ caꞌmii Yaꞌanj ado̱nj: Güii no̱ xcúún cu̱nó ꞌu̱nj me se cunó ꞌu̱nj nana̱ cachíín niꞌya̱j soj rihaan ꞌu̱nj a. Güii nanii yuvii̱ me se racuíj ꞌu̱nj man soj cavi̱i̱ sa̱ꞌ soj a. Da̱nj cataj Yaꞌanj ga̱a naá a. Xca̱j soj cuentá á. Cuano̱ nihánj me güii cunuu ꞌe̱e̱ rá Yaꞌanj man soj, ne̱ cuano̱ nihánj me güii caꞌve̱e cavi̱i̱ sa̱ꞌ soj chugua̱nj.

Gálatas 3:22

Cheꞌé dan me taj Danj Yaꞌanj se vaa cunuda̱nj yuvii̱ tumé ndoꞌo cacunꞌ na̱nj ado̱nj. Ne̱ cheꞌé dan me nana̱ cataꞌ tuꞌva Yaꞌanj rihaan Abraham roꞌ, quisi̱j ya̱ nu̱ꞌ nana̱ yoꞌ cheꞌé ta̱ranꞌ níꞌ si̱j amán rá niꞌya̱j man Cristó ado̱nj.

Gálatas 5:23

síí niꞌya̱nj aꞌmii gu̱un níꞌ do̱ꞌ, síí nica̱j raa̱ gu̱un níꞌ do̱ꞌ, quiꞌya̱j Nimán Yaꞌanj á. Ina̱nj da̱nj ga̱a̱ níꞌ sese veꞌé cuno̱ níꞌ rihaan Nimán Yaꞌanj na̱nj ado̱nj. Ne̱ taj cacunꞌ quita̱j xráá níꞌ quiꞌya̱j nana̱ nihánj a̱ maꞌ.

2 Timoteo 4:1

Cuano̱ nihánj me se me rá ꞌu̱nj cuno̱ Yaꞌanj cuno̱ Cristó Jesús si̱j caꞌna̱ꞌ uún gu̱un chij rihaan chumii̱ nihánj síí caꞌne̱ꞌ cacunꞌ cheꞌé síí vaa iꞌna̱ꞌ do̱ꞌ, cheꞌé síí caviꞌ do̱ꞌ, se vaa caꞌne̱ꞌ yá ꞌu̱nj suun rihaan so̱ꞌ

Tito 1:8

Tana̱nj nari̱i̱ so̱ꞌ man síí niha̱ꞌ rá cara̱nꞌ yuvii̱ avii ꞌó chumanꞌ tucuá soꞌ do̱ꞌ, síí niha̱ꞌ rá quiꞌya̱j se sa̱ꞌ do̱ꞌ, síí veꞌé acaj cuentá do̱ꞌ, síí nica̱ rá do̱ꞌ, síí nica̱j xraan man Yaꞌanj do̱ꞌ, síí tumé sa̱ꞌ man maꞌa̱n do̱ꞌ ado̱nj.

Hebreos 12:21

Dan me se cuchuꞌviꞌ ndoꞌo nij yuvii̱ niꞌya̱j nij yuvii̱ quij yoꞌ, ne̱ nda̱a maꞌa̱n Moisés cataj se vaa cuchuꞌviꞌ uxrá soꞌ ne̱ nda̱a riꞌíj maꞌa̱n man soꞌ, taj soꞌ a.

Hebreos 3:13

Tana̱nj a̱ nago̱ꞌ soj chrej nucua̱j man tinúú soj da̱j a̱ güii ga̱a vaa yaꞌnúj rihaan soj á. Da̱nj quiꞌya̱j soj, se̱ gaa na̱nj gu̱un nichra̱j rá tinúú soj quiꞌya̱j nana̱ ne̱ chiꞌi̱i̱ a.

Hebreos 4:1

Ga̱a rque̱ me se cataꞌ tuꞌva Yaꞌanj se vaa caꞌve̱e catu̱u̱ níꞌ rej caꞌa̱nj níꞌ nara̱a̱n rá níꞌ ga̱ Yaꞌanj, ne̱ veé da̱nj vaa yaꞌnúj rihaan níꞌ nda̱a cuano̱ ado̱nj. Cheꞌé dan tu̱mé uxrá níꞌ man níꞌ, ne̱ ta̱dó níꞌ se̱ gaa na̱nj ca̱ráán níꞌ xréé níꞌ rihaan nana̱ yoꞌ na̱nj á.

Hebreos 6:2

Ne̱ a̱j nariꞌ níꞌ tucuáán se vaa cata̱ꞌ ne níꞌ do̱ꞌ, se vaa cuta̱ꞌ níꞌ raꞌa níꞌ raa̱ tinúú níꞌ do̱ꞌ, se vaa cunu̱u iꞌna̱ꞌ uún nij síí caviꞌ do̱ꞌ, se vaa caꞌne̱ꞌ Yaꞌanj cacunꞌ cheꞌé yuvii̱ da̱j quira̱nꞌ yuvii̱ nu̱ꞌ cavii nu̱ꞌ caꞌanj do̱ꞌ ado̱nj.

Hebreos 9:27

Dan me se neꞌen níꞌ da̱j quira̱nꞌ ꞌo̱ ꞌo̱ níꞌ si̱j ma̱n rihaan chumii̱ nihánj, ne̱ dan me se neꞌen níꞌ se vaa o̱rúnꞌ yu̱u̱n cavi̱ꞌ ꞌo̱ ꞌo̱ níꞌ, ga̱a ne̱ canicu̱nꞌ níꞌ rihaan Yaꞌanj, ne̱ caꞌne̱ꞌ soꞌ cacunꞌ cheꞌé níꞌ na̱nj ado̱nj.

Santiago 2:19

Dan me se cuna̱j ꞌyáá so̱ꞌ se vaa amán rá so̱ꞌ se vaa o̱rúnꞌ Yaꞌanj, tza̱j ne̱ da̱nj ꞌyaj gue̱e̱ nij nana̱ chre̱e uún, ne̱ cheꞌé dan chuꞌviꞌ nij soꞌ nda̱a riꞌíj maꞌa̱n man nij soꞌ cheꞌé sayuun quiꞌya̱j Yaꞌanj man nij soꞌ vaa güii a.

1 Pedro 3:15

Cara̱a̱ cochro̱j soj ni̱ꞌyaj soj man Cristó Si̱j ꞌNi̱j Raꞌa man níꞌ á. Xca̱j soj cuentá da̱j ga̱a̱ caꞌmi̱i̱ soj ga̱ me maꞌa̱n síí xnáꞌanj man soj me cheꞌé me uun ya̱ rá soj se vaa cavi̱i̱ sa̱ꞌ soj quiꞌya̱j Yaꞌanj vaa güii a. Veꞌé nata̱ꞌ soj rihaan nij síí xnáꞌanj man soj, ne̱ se̱ naquiꞌyaj xta̱ꞌ soj nimán soj asa̱ꞌ nataꞌ soj snana̱ Yaꞌanj maꞌ.

2 Pedro 1:6

Ne̱ asa̱ꞌ queneꞌen sa̱ꞌ soj snana̱ Yaꞌanj, ga̱a ne̱ te̱rquee̱ soj gu̱un soj síí tumé sa̱ꞌ man maꞌa̱n da̱j quiꞌya̱j maꞌa̱n soj á. Ne̱ asa̱ꞌ quisíj tumé sa̱ꞌ soj man maꞌa̱n soj, ga̱a ne̱ te̱rquee̱ soj gu̱un nucua̱j nimán soj rihaan sayuun á. Ne̱ asa̱ꞌ quisíj guun nucua̱j nimán soj rihaan sayuun, ga̱a ne̱ te̱rquee̱ soj quiꞌya̱j soj nda̱a vaa me rá Yaꞌanj quiꞌya̱j soj á.

1 Juan 3:10

Ne̱ nihánj me xca̱j níꞌ cuentá ni̱ꞌyaj níꞌ, ga̱a ne̱ cunu̱u ya̱a̱n níꞌ taꞌníí Yaꞌanj do̱ꞌ, taꞌníí Síí Chre̱e do̱ꞌ ado̱nj. Dan me se nij síí ne ꞌyaj se sa̱ꞌ roꞌ, né si̱j noco̱ꞌ man Yaꞌanj me nij soꞌ maꞌ. Dan me se né si̱j ꞌe̱e̱ rá man tinúú me nij soꞌ a̱ maan ado̱nj.

1 Juan 3:7

Dan me se ase vaa taꞌníj vaa soj rihanj, tinu̱j, nocoj, ne̱ se̱ guun tiha̱ꞌ yuꞌunj a̱ doj yuvii̱ man soj maan chugua̱nj. Síí ꞌyaj sa̱ꞌ roꞌ, síí sa̱ꞌ me soꞌ, ne̱ ase vaa maꞌa̱n Cristó vaa soꞌ ado̱nj.