Hechos 24:2 - Triqui de San Juan Copala

² Dan me se ga̱a canacúún nii caꞌna̱ꞌ Pabló, ne̱ caꞌnaꞌ Pabló, ne̱ guun cheꞌe̱ síí cuꞌna̱j Tértulo cutaꞌ soꞌ cacunꞌ xráá Pabló rihaan síí cuꞌna̱j Félix, cataj soꞌ a: ―Cheꞌé se so̱ꞌ me síí acaj ndoꞌo cuentá roꞌ, cheꞌé dan dínj mán núj si̱j israelitá, ne̱ naxca̱j ndoꞌo chiháán núj,

Hechos 24:2 ပူးပေါင်းရင်းမြစ်များ

Hechos 24:1

Dan me se cachén ꞌu̱nꞌ güii, ga̱a ne̱ nanij xrej ata̱ suun noco̱o doj cuꞌna̱j Ananías nda̱a chumanꞌ Cesarea, ne̱ caꞌanj taꞌa̱j nij síí uun chij rihaan nij yuvii̱ israelitá do̱ꞌ, ꞌo̱ síí aꞌmii cheꞌé yuvii̱ tucuá suun cuꞌna̱j Tértulo do̱ꞌ, ga̱ soꞌ, ne̱ cutaꞌ nij soꞌ cacunꞌ xráá Pabló rihaan síí nica̱j suun gobernador a.

Hechos 24:3

ne̱ cunuda̱nj núj me síí taj se vaa ina̱nj sa̱ꞌ uxrá ꞌyáá so̱ꞌ, Félix si̱j sa̱ꞌ ndoꞌo a. Ne̱ me maꞌa̱n güii do̱ꞌ, me maꞌa̱n rej va̱j núj do̱ꞌ, ne̱ taj ta̱ranꞌ núj “Guun niꞌya̱j níꞌ” rihaan so̱ꞌ a.

Judas 1:16

Nij soꞌ me se taj se qui̱ꞌyáꞌ cara̱nꞌ rá nij soꞌ ni̱ꞌyaj nij soꞌ se vaa ꞌyaj Yaꞌanj do̱ꞌ, se vaa ꞌyaj tuviꞌ nij soꞌ do̱ꞌ maꞌ. Ina̱nj ꞌyaj nij soꞌ se nij nda̱a vaa me rá maꞌa̱n nij soꞌ na̱nj chugua̱nj. Síí xta̱ꞌ ina̱nj aꞌmii me nij soꞌ, ne̱ veꞌé ndoꞌo aꞌmii nij soꞌ cheꞌé yuvii̱ cheꞌé se ina̱nj me rá nij soꞌ cavi̱i̱ sa̱ꞌ doj maꞌa̱n nij soꞌ ado̱nj.