Hechos 24:17 - Triqui de San Juan Copala

¹⁷ ’Dan me se cachén queꞌe̱e̱ yoꞌ, ga̱a ne̱ nica̱j ꞌu̱nj saꞌanj nago̱ꞌ ꞌu̱nj ston tuvíꞌ ꞌu̱nj síí nique̱ ne̱ rque̱ ꞌu̱nj rasu̱u̱n rihaan Yaꞌanj, ne̱ cheꞌé dan caꞌanj ꞌu̱nj nda̱a chumanꞌ Jerusalén a.

Hechos 24:17 ပူးပေါင်းရင်းမြစ်များ

Hechos 20:16

ꞌO̱ se guun ya̱ rá Pabló se vaa se̱ cachén soꞌ chumanꞌ Éfeso, cheꞌé se naꞌvej rá soꞌ gu̱un ra̱a̱n soꞌ estadó Asia maꞌ. Tana̱nj guun rá soꞌ cuchi̱ꞌ raꞌya̱nj soꞌ chumanꞌ Jerusalén cheꞌé Chaꞌanj Pentecostés ca̱nuû, sese caꞌve̱e a.

Hechos 20:31

Cheꞌé dan ꞌo̱ ni̱ꞌyaj soj, ne̱ xca̱j soj cuentá á. ꞌO̱ ina̱nj nanu̱j rá soj se vaa rque vaꞌnu̱j ya̱ yoꞌ me se ne caꞌne̱ꞌ raj ga̱ suun narqué chrej nucua̱j man ꞌo̱ ꞌo̱ nij soj nuvi̱i niga̱nꞌ maꞌ. Ne̱ nda̱a taꞌveé ꞌu̱nj cheꞌé soj ado̱nj.

Hechos 21:26

Ga̱a ne̱ nica̱j tuviꞌ Pabló ga̱ caꞌa̱nj nij snóꞌo yoꞌ, ne̱ ꞌó güii me se cunuu gue̱e̱ soꞌ ga̱ nij soꞌ rihaan Yaꞌanj a. Ga̱a ne̱ catúj soꞌ rej ya̱nj nuvií noco̱o, ne̱ nataꞌ soꞌ rihaan xrej me güii quisi̱j cunu̱u gue̱e̱ nij soꞌ rihaan Yaꞌanj ne̱ caꞌna̱ꞌ ni̱caj nij soꞌ nij rasu̱u̱n rque̱ ꞌo̱ ꞌo̱ nij soꞌ rihaan Yaꞌanj a.

Hechos 24:26

Da̱nj cataj Félix cheꞌé se me rá soꞌ ca̱ráán Pabló saꞌanj rihaan maꞌa̱n soꞌ cheꞌé rej quiri̱i̱ soꞌ tagaꞌ man Pabló, rá soꞌ a. Cheꞌé dan queꞌe̱e̱ güii canacúún soꞌ man Pabló caꞌna̱ꞌ Pabló rihaan soꞌ, ne̱ caꞌmii soꞌ ga̱ Pabló a.

Romanos 15:31

Cachi̱nj niꞌya̱j soj se vaa nani̱j rihaan sayuun me rá nij síí israelitá ya̱nj estadó Judea síí ne nocoꞌ man Cristó quiꞌya̱j nij soꞌ mán ꞌu̱nj a. Cachi̱nj niꞌya̱j nij soj se vaa veꞌé naca̱j nij síí noco̱ꞌ man Cristó ya̱nj chumanꞌ Jerusalén saꞌanj raꞌaj nago̱j man nij soꞌ saꞌanj rqué nij yuvii̱ yaníj a.

2 Corintios 8:6

Cheꞌé dan rquee̱ núj rihaan síí cuꞌna̱j Titó se vaa cuchi̱ꞌ soꞌ rihaan soj si̱j ya̱nj chumanꞌ Corinto, ne̱ cata̱j soꞌ se vaa ase vaa quiꞌyaj nij síí ma̱n estadó Macedonia roꞌ, da̱nj ga̱a̱ caꞌve̱e quiꞌya̱j maꞌa̱n nij soj uún, ga̱a ne̱ quisi̱j rqué ta̱ranꞌ soj saꞌanj rihaan nij síí nique̱ yoꞌ á.

2 Corintios 8:9

ꞌO̱ se a̱j neꞌen soj se vaa quiꞌyaj ndoꞌo Jesucristó Si̱j ꞌNi̱j Raꞌa man níꞌ se lu̱j ga̱ níꞌ á. Dan me se ruꞌve̱e̱ ndoꞌo soꞌ ga̱a cayáán soꞌ rej xta̱ꞌ, tza̱j ne̱ naquiꞌyaj nique̱ soꞌ man soꞌ ne̱ caꞌnaꞌ soꞌ rihaan chumii̱ nihánj cheꞌé níꞌ, ga̱a ne̱ cheꞌé se da̱nj quiꞌyaj soꞌ roꞌ, cheꞌé dan cavi̱i̱ sa̱ꞌ níꞌ doj na̱nj ado̱nj.

2 Corintios 9:12

Ne̱ xa̱ꞌ suun quiꞌya̱j níꞌ cheꞌé tinúú níꞌ, tza̱j ne̱ né ina̱nj suun quiꞌya̱j cara̱a rque nij síí noco̱ꞌ man Cristó me yoꞌ maꞌ. ꞌO̱ se cheꞌé suun sa̱ꞌ quiꞌya̱j níꞌ roꞌ, cata̱j ndoꞌo yuvii̱ guun niꞌya̱j níꞌ rihaan Yaꞌanj ado̱nj.

Gálatas 2:10

Tza̱j ne̱ o̱rúnꞌ ya̱ rasu̱u̱n me cachíín niꞌya̱j ndoꞌo nij soꞌ rihaan núj se vaa asino nij síí nique̱ me ra̱cuíj núj, taj nij soꞌ a. Tza̱j ne̱ tumé ndoꞌo núj man nij síí nique̱, ne̱ asino yoꞌ me ꞌyaj núj chéé núj ado̱nj.