Hechos 22:28 - Triqui de San Juan Copala

²⁸ Ga̱a ne̱ cataj tanuu uun chij doj yoꞌ rihaan Pabló a: ―ꞌU̱nj nihánj, tza̱j ne̱ noco̱o ndoꞌo saꞌanj góꞌ ꞌu̱nj cheꞌé rej caꞌve̱e guún ꞌu̱nj ꞌo̱ síí romanó na̱nj á ―taj soꞌ rihaan Pabló a. Ga̱a ne̱ cataj Pabló a: ―Tza̱j ne̱ ꞌu̱nj roꞌ, me síí romanó asi̱j caꞌngaa ꞌu̱nj ado̱nj ―taj soꞌ rihaan tanuu uun chij doj yoꞌ a.

Hechos 22:28 ပူးပေါင်းရင်းမြစ်များ

Hechos 22:27

Ga̱a ne̱ cuchiꞌ tanuu uun chij doj rihaan Pabló, ne̱ xnáꞌanj soꞌ man Pabló, cataj soꞌ a: ―Cata̱j so̱ꞌ ꞌo̱ nana̱ rihanj á. Ya̱ ya̱ si̱j romanó mé so̱ꞌ naꞌ ―taj soꞌ, xnáꞌanj soꞌ man Pabló a. ―Vej ado̱nj ―taj Pabló rihaan soꞌ a.

Hechos 22:29

Nu̱ꞌ caꞌmii soꞌ da̱nj, ne̱ nu̱ꞌ caꞌanj yaníj nij tanuu guun rá go̱ꞌ cuartá xráá Pabló a. Ne̱ maꞌa̱n tanuu uun chij doj cuchuꞌviꞌ, cheꞌé se xcaj soꞌ cuentá se vaa si̱j romanó me Pabló ne̱ a̱j numíj soꞌ man Pabló a.

Efesios 2:12

se vaa ga̱a rque̱ roꞌ, né si̱j noco̱ꞌ man Cristó me nij soj maꞌ. ꞌO̱ se si̱j yaníj rihaan núj si̱j israelitá me soj ga̱a naá na̱nj ado̱nj. Dan me se né si̱j no̱ xcúún a̱ ꞌó xcoꞌ canoco̱ꞌ man Yaꞌanj me soj ga̱a rque̱ maꞌ. Ma̱an se si̱j ya̱nj rmaꞌa̱n rihaan chumii̱ me soj na̱nj ado̱nj. Dan me se ya̱ cataꞌ tuꞌva Yaꞌanj cheꞌé núj si̱j israelitá da̱j caꞌve̱e cavi̱i̱ sa̱ꞌ núj, tza̱j ne̱ taj nana̱ cataꞌ tuꞌva Yaꞌanj cheꞌé nij soj ga̱a rque̱ maꞌ. Dan me se a̱j queneꞌen nij soj se vaa se̱ cavii sa̱ꞌ nij soj do̱ꞌ, se̱ racuíj Yaꞌanj man nij soj do̱ꞌ, ga̱a maan ado̱nj. Ma̱an se chéé u̱u̱n nij soj rihaan chumii̱ ga̱a rque̱ na̱nj ado̱nj.

Efesios 2:19

Cheꞌé dan né si̱j ma̱n ꞌó chumanꞌ me soj a̱ maꞌ. ꞌO̱ se si̱j neꞌen man Yaꞌanj me nij soj cuano̱ na̱nj ado̱nj. Né si̱j noco̱ꞌ ꞌó tucuáán me soj maꞌ. Tana̱nj maꞌa̱n soj cunuu rcuaꞌa̱a̱n ga̱ nij síí noco̱ꞌ man Yaꞌanj ya̱j ado̱nj.