Hechos 22:26 - Triqui de San Juan Copala

²⁶ Ga̱a cuno tanuu capitán yoꞌ nana̱ caꞌmii Pabló rihaan soꞌ, ne̱ caꞌanj soꞌ cata̱j xnaꞌanj soꞌ rihaan tanuu uun chij doj, ne̱ cataj soꞌ a: ―Ya̱ me rá so̱ꞌ go̱ꞌ níꞌ cuartá xráá soꞌ naꞌ. ꞌO̱ se si̱j romanó me snóꞌo nihánj na̱nj á ―taj tanuu capitán yoꞌ rihaan tanuu uun chij doj a.

Hechos 22:26 ပူးပေါင်းရင်းမြစ်များ

San Juan 18:12

Dan me se taꞌaa nij tanuu romanó do̱ꞌ, tanuu uun chij doj do̱ꞌ, nij tanuu nu̱u̱ rihaan nij síí uun chij rihaan nij yuvii̱ israelitá do̱ꞌ, man Jesús, ne̱ numíj nij soꞌ raꞌa soꞌ a.

Hechos 22:25

Dan me se nica̱j nij tanuu nuj xca̱a̱n, numíj nij tanuu man Pabló, ne̱ ga̱a quiꞌyaj nij soꞌ da̱nj, ga̱a ne̱ caꞌmii Pabló rihaan ꞌo̱ tanuu capitán ꞌni̱j raꞌa cientó tanuu nicu̱nꞌ rej yoꞌ, ne̱ dan me se cataj Pabló rihaan soꞌ a: ―No̱ xcúún soj go̱ꞌ soj cuartá xráá ꞌo̱ síí romanó ga̱a ataa caꞌne̱ꞌ nii cacunꞌ cheꞌé soꞌ a̱ xe̱e̱ ―taj soꞌ rihaan tanuu capitán yoꞌ a.

Hechos 22:27

Ga̱a ne̱ cuchiꞌ tanuu uun chij doj rihaan Pabló, ne̱ xnáꞌanj soꞌ man Pabló, cataj soꞌ a: ―Cata̱j so̱ꞌ ꞌo̱ nana̱ rihanj á. Ya̱ ya̱ si̱j romanó mé so̱ꞌ naꞌ ―taj soꞌ, xnáꞌanj soꞌ man Pabló a. ―Vej ado̱nj ―taj Pabló rihaan soꞌ a.

Hechos 22:29

Nu̱ꞌ caꞌmii soꞌ da̱nj, ne̱ nu̱ꞌ caꞌanj yaníj nij tanuu guun rá go̱ꞌ cuartá xráá Pabló a. Ne̱ maꞌa̱n tanuu uun chij doj cuchuꞌviꞌ, cheꞌé se xcaj soꞌ cuentá se vaa si̱j romanó me Pabló ne̱ a̱j numíj soꞌ man Pabló a.

Hechos 23:27

Xa̱ꞌ síí caꞌne̱j ꞌu̱nj rihaan so̱ꞌ nihánj, tza̱j ne̱ taꞌaa nij síí israelitá man soꞌ, ne̱ guun rá nij soꞌ ticavi̱ꞌ nij soꞌ man soꞌ a. Ga̱a xcaj ꞌu̱nj cuentá, ne̱ nacaj núj ga̱ nij tanuu man soꞌ, cheꞌé se xcaj ꞌu̱nj cuentá se vaa si̱j romanó me soꞌ a.