Hechos 22:24 - Triqui de San Juan Copala

²⁴ Ga̱a ne̱ caꞌneꞌ tanuu romanó uun chij doj suun rihaan nij tanuu se vaa caꞌa̱nj ni̱caj nij soꞌ man Pabló rá cuarteé ma̱n nij soꞌ, ga̱a ne̱ go̱ꞌ nij soꞌ cuartá xráá Pabló, cheꞌé rej cata̱j xnaꞌanj soꞌ me cheꞌé caguáj nij yuvii̱ da̱nj niꞌya̱j nij soꞌ man Pabló a.

Hechos 22:24 ပူးပေါင်းရင်းမြစ်များ

San Juan 19:1

Dan me se nica̱j Pilató man Jesús, ne̱ goꞌ nij tanuu cuartá xráá soꞌ, quiꞌyaj Pilató yoꞌ a.

Hechos 16:37

Ga̱a ne̱ cataj Pabló rihaan nij misión a: ―Dan me se ro̱j cuese̱ yoꞌ roꞌ, nda̱ꞌ se si̱j romanó me rój, tza̱j ne̱ ne naquiꞌya̱j cu̱u ro̱j soꞌ cheꞌé rój, ne̱ ma̱an se goꞌ rmaꞌa̱n nii rutzii̱ xráá rój, quiꞌyaj ro̱j soꞌ a. Queneꞌen cunuda̱nj nij yuvii̱ man rój se vaa cayuun rój, ga̱a ne̱ caxríj ro̱j soꞌ tagaꞌ man rój a. Ne̱ nihánj me se uun rá ro̱j soꞌ quiri̱i̱ yuve̱ ro̱j soꞌ man rój xeꞌ, tza̱j ne̱ se̱ guun da̱nj maꞌ. Tana̱nj caꞌna̱ꞌ maꞌa̱n ro̱j soꞌ nihánj, ga̱a ne̱ veꞌé quita̱j ya̱a̱n ro̱j soꞌ rihaan rój cu̱riha̱nj rój tagaꞌ nihánj á ―taj Pabló rihaan nij misión caꞌnaꞌ tagaꞌ a.

Hechos 21:34

Ne̱ ino̱ vaa nana̱ caguáj ꞌo̱ ꞌo̱ nij yuvii̱ nuu chre̱ꞌ rej yoꞌ a. Dan me se ne caꞌve̱e xca̱j soꞌ cuentá da̱j me cheꞌé me caꞌmaan rá nij yuvii̱ maꞌ. ꞌO̱ se caguáj ndoꞌo nij yuvii̱, ne̱ ne caꞌve̱e cuno̱ soꞌ snana̱ nij yuvii̱ maꞌ. Cheꞌé dan caꞌneꞌ soꞌ suun rihaan nij tanuu se vaa caꞌa̱nj ni̱caj nij tanuu man Pabló rá cuarteé ma̱n nij tanuu a.

Hechos 21:37

Dan me se da̱j doj catu̱u̱ Pabló cuarteé ma̱n nij tanuu romanó, quiꞌyaj nij tanuu, ga̱a ne̱ cataj Pabló rihaan tanuu uun chij doj a: ―Caꞌve̱e cata̱j ꞌo̱ nana̱ rihaan so̱ꞌ naꞌ ―taj Pabló, xnáꞌanj soꞌ man tanuu uun chij yoꞌ a. Ne̱ soꞌ cataj a: ―Neꞌén so̱ꞌ caꞌmi̱i̱ so̱ꞌ xnaꞌánj griego naꞌ.

Hechos 23:10

Ga̱a ne̱ caꞌmaan uxrá rá cunuda̱nj nij soꞌ, ne̱ cheꞌé dan cuchuꞌviꞌ tanuu uun chij doj se vaa cutu̱nꞌ nij soꞌ man Pabló a. Cheꞌé dan caꞌneꞌ soꞌ suun rihaan nij tanuu se vaa caꞌa̱nj nij tanuu ta̱ꞌaa nij tanuu man Pabló ne̱ quiri̱i̱ nij tanuu man Pabló scaꞌnúj nij síí uun chij rihaan nij yuvii̱ israelitá yoꞌ ne̱ caꞌa̱nj ni̱caj nij tanuu man Pabló rá cuarteé ma̱n nij tanuu a.

Hechos 23:27

Xa̱ꞌ síí caꞌne̱j ꞌu̱nj rihaan so̱ꞌ nihánj, tza̱j ne̱ taꞌaa nij síí israelitá man soꞌ, ne̱ guun rá nij soꞌ ticavi̱ꞌ nij soꞌ man soꞌ a. Ga̱a xcaj ꞌu̱nj cuentá, ne̱ nacaj núj ga̱ nij tanuu man soꞌ, cheꞌé se xcaj ꞌu̱nj cuentá se vaa si̱j romanó me soꞌ a.

Hechos 28:18

Ne̱ nij síí romanó roꞌ, taj se vaa taj cheꞌé cavi̱ꞌ ꞌu̱nj rá nij soꞌ ga̱a naquiꞌyaj cu̱u nij soꞌ cheꞌej maꞌ. Ne̱ guun rá nij soꞌ quiri̱i̱ nij soꞌ tagaꞌ manj a.

Hebreos 11:35

Ne̱ vaa nij chana̱ amán rá niꞌya̱j man Yaꞌanj se vaa ya̱ cunu̱u iꞌna̱ꞌ uún tuviꞌ nij chana̱ síí caviꞌ, ne̱ ya̱ uxrá cunuu iꞌna̱ꞌ uún tuviꞌ nij chana̱ yoꞌ a. Ne̱ ꞌó taꞌa̱j nij síí amán rá niꞌya̱j man Yaꞌanj roꞌ, taꞌaa nii numíj nii man nij soꞌ, ne̱ goꞌ uxrá nii man nij soꞌ nda̱a se caviꞌ nij soꞌ ado̱nj. Dan me se caviꞌ nij soꞌ cheꞌé se ne caꞌve̱j rá nij soꞌ cata̱j nij soꞌ se vaa nij vaa Yaꞌanj a. ꞌO̱ se sa̱ꞌ doj cavi̱ꞌ nij soꞌ cheꞌé Yaꞌanj, ne̱ veꞌé doj cunu̱u iꞌna̱ꞌ uún nij soꞌ vaa güii quiꞌya̱j Yaꞌanj, rá nij soꞌ a.