Hechos 22:22 - Triqui de San Juan Copala

²² Dan me se nda̱a dan caꞌmii Pabló nana̱ yoꞌ, ne̱ nanó xre̱j nij síí israelitá snana̱ soꞌ a. Tza̱j ne̱ ga̱a canica̱j soꞌ caꞌmii soꞌ cheꞌé nij síí yaníj, ga̱a ne̱ canica̱j uún nij soꞌ, nucua̱j caguáj nij soꞌ, cataj nij soꞌ a: ―Cavi̱ꞌ síí nihánj á. Ne nó xcúún síí nihánj ga̱a̱ iꞌna̱ꞌ soꞌ rihaan chumii̱ nihánj a̱ maꞌ ―taj nij soꞌ, caguáj nij soꞌ a.

Hechos 22:22 ပူးပေါင်းရင်းမြစ်များ

San Lucas 23:18

Ga̱a ne̱ caguáj cunuda̱nj nij soꞌ, cataj nij soꞌ a: ―Ticavi̱ꞌ soj man síí nihánj ei. Quiri̱i̱ so̱ꞌ man síí cuꞌna̱j Barrabás tagaꞌ cheꞌé núj á ―taj nij soꞌ, caguáj nij soꞌ rihaan Pilató a.

San Juan 19:15

Ga̱a ne̱ caguáj nij yuvii̱, cataj nij soꞌ a: ―Ni̱caj tanuu man soꞌ, ne̱ caꞌa̱nj cachro̱n tanuu man soꞌ rihaan rcutze̱ cuaj qui̱ꞌyáá so̱ꞌ á ―taj nij soꞌ rihaan Pilató a. Ne̱ xnáꞌanj Pilató man nij soꞌ, cataj soꞌ a: ―Maꞌa̱n síí nica̱j suun rey uun chij rihaan soj cachro̱nj rihaan rcutze̱, rá soj a̱ naꞌ ―taj soꞌ, xnáꞌanj soꞌ man nij soꞌ a. ―Taj va̱j ꞌó rey maꞌ. O̱rúnꞌ síí cuꞌna̱j César me rey uun chij rihaan núj ado̱nj ―taj nij xrej ata̱ suun noco̱o a.

Hechos 21:36

ꞌO̱ se canocoꞌ xraan nij yuvii̱ man nij tanuu, ne̱ caguáj nij yuvii̱, cataj nij yuvii̱ a: ―Ticavi̱ꞌ soj man soꞌ cuaj ei ―taj nij yuvii̱, caguáj nij yuvii̱, niꞌya̱j nij yuvii̱ man Pabló a.

Hechos 25:24

Ne̱ ga̱a catúj Pabló, ne̱ cataj Festo rihaan rey cuꞌna̱j Agripa a: ―Cu̱nó so̱ꞌ, si̱j nica̱j suun rey Agripa. Cuno̱ soj si̱j cunuu chre̱ꞌ ga̱ núj nihánj á. Nihánj me se ni̱ꞌyaj nij soj man síí nihánj á. ꞌO̱ se rque chumanꞌ Jerusalén do̱ꞌ, nda̱a maꞌa̱n chumanꞌ nihánj do̱ꞌ, caꞌnaꞌ ndoꞌo nij yuvii̱ israelitá rihanj ne̱ caguáj nij soꞌ cataj nij soꞌ se vaa ne nó xcúún soꞌ ga̱a̱ iꞌna̱ꞌ soꞌ doj a̱ maꞌ.

1 Tesalonicenses 2:16

Dan me se me rá núj nata̱ꞌ núj snana̱ Yaꞌanj rihaan soj si̱j yaníj cheꞌé yan nani̱i̱ soj rihaan chrej chiꞌi̱i̱ do̱ꞌ, rihaan sayuun do̱ꞌ a. Tza̱j ne̱ aráán ndoꞌo nij síí israelitá yoꞌ chrej rihaan núj, ne̱ guun noco̱o uxrá cacunꞌ quita̱j xráá nij soꞌ nu̱ꞌ cavii nu̱ꞌ caꞌanj ado̱nj. Cheꞌé dan ꞌo̱ caꞌmaan rá Yaꞌanj niꞌya̱j Yaꞌanj man nij soꞌ, ne̱ yu̱u̱n cheꞌe̱ quiranꞌ nij soꞌ sayuun, quiꞌyaj Yaꞌanj na̱nj ado̱nj.