Hechos 21:31 - Triqui de San Juan Copala

³¹ Dan me se guun rá nij yuvii̱ ticavi̱ꞌ nij yuvii̱ man Pabló, ne̱ cuchiꞌ nana̱ rihaan tanuu uun chij doj rihaan cunuda̱nj nij tanuu romanó ma̱n chumanꞌ Jerusalén se vaa caꞌmaan ndoꞌo rá nij síí ma̱n chumanꞌ Jerusalén ne̱ naxuma̱a̱n ndoꞌo sayuun a.

Hechos 21:31 ပူးပေါင်းရင်းမြစ်များ

San Mateo 26:5

Tza̱j ne̱ cataj nij soꞌ a: ―Se̱ taꞌaa níꞌ man soꞌ ga̱a anuû chaꞌanj maꞌ. Sese da̱nj quiꞌya̱j níꞌ, ne̱ caꞌma̱an rá nij yuvii̱, ne̱ gu̱un sayuun, quiꞌya̱j nij yuvii̱ na̱nj ado̱nj ―taj nij soꞌ a.

San Mateo 27:27

Ga̱a ne̱ caꞌanj nica̱j nij tanuu ꞌyaj suun rihaan síí nica̱j suun gobernador man Jesús rá tucuá suun ya̱nj gobernador yoꞌ a. Ne̱ naquiꞌyaj chre̱ꞌ nij tanuu man ta̱ranꞌ nij tuviꞌ tanu̱u nij soꞌ a.

San Marcos 14:2

Ne̱ cataj nij soꞌ a: ―Se̱ taꞌaa níꞌ man soꞌ ga̱a anuû chaꞌanj maꞌ. Sese da̱nj quiꞌya̱j níꞌ, ne̱ caꞌma̱an rá nij yuvii̱, ne̱ gu̱un sayuun, quiꞌya̱j nij yuvii̱ na̱nj ado̱nj ―taj nij soꞌ a.

San Juan 16:2

ꞌO̱ se se̱ caꞌvej rá nij síí israelitá cunu̱u chre̱ꞌ soj ga̱ nij soꞌ rá veꞌ tucuꞌyón nij soꞌ stucua̱nj Moisés maꞌ. Ne̱ quisi̱j güii gu̱un rá nij soꞌ se vaa né si̱j noco̱ꞌ man Yaꞌanj me soj, ne̱ gu̱un rá síí ticaviꞌ man soj se vaa veꞌé uxrá ꞌyaj soꞌ se‑su̱u̱n Yaꞌanj ga̱a ticaviꞌ soꞌ man soj a.

San Juan 18:12

Dan me se taꞌaa nij tanuu romanó do̱ꞌ, tanuu uun chij doj do̱ꞌ, nij tanuu nu̱u̱ rihaan nij síí uun chij rihaan nij yuvii̱ israelitá do̱ꞌ, man Jesús, ne̱ numíj nij soꞌ raꞌa soꞌ a.

Hechos 10:1

Dan me se yáán ꞌo̱ síí cuꞌna̱j Cornelió chumanꞌ Cesarea, ne̱ soꞌ me tanuu capitán romanó ꞌni̱j raꞌa cientó tanuu, ne̱ taꞌa̱j xꞌneꞌ tanuu cuꞌna̱j Italiano me nij soꞌ a.

Hechos 17:5

Tza̱j ne̱ guun xco̱j ruva̱a̱ rá ꞌó nij yuvii̱ israelitá niꞌya̱j nij soꞌ man Pabló ga̱ Silas, ne̱ cheꞌé dan nanoꞌ nij soꞌ do̱j síí chiꞌi̱i̱ ma̱n yuꞌvee a. Ne̱ cunuu chre̱ꞌ ndoꞌo yuvii̱, quiꞌyaj nij síí chiꞌi̱i̱ yoꞌ, ga̱a ne̱ naxuma̱a̱n ndoꞌo sayuun chumanꞌ yoꞌ, quiꞌyaj nij soꞌ a. Ga̱a ne̱ cuchiꞌ nij yuvii̱ yoꞌ rihaan veꞌ tucuá síí cuꞌna̱j Jasón veꞌ caranꞌ Pabló ga̱ Silas, ne̱ guun rá nij yuvii̱ quiri̱i̱ nij soꞌ man ro̱j soꞌ nda̱a rihaan yuvii̱ cunuu chre̱ꞌ a.

Hechos 19:40

ꞌO̱ se nihánj me se caꞌve̱e cuta̱ꞌ nii cacunꞌ xráá níꞌ se vaa quiꞌyaj rmaꞌa̱n níꞌ sayuun cuanꞌ, ne̱ se̱ guun nucua̱j níꞌ cata̱j xnaꞌanj níꞌ me cheꞌé me caꞌnaꞌ níꞌ ne̱ caguáj ndoꞌo níꞌ nihánj maꞌ ―taj síí utaꞌ yanj tucuá suun rihaan nij yuvii̱ a.

Hechos 21:38

Ne̱ né so̱ꞌ me síí cavii yoꞌóó Egiptó síí me rá cunu̱ꞌ ga̱ gobiernó ne̱ caꞌanj nica̱j caꞌa̱nj míj nij síí me rá ticavi̱ꞌ man yuvii̱ nda̱a rej tacaan asi̱j rque̱ do̱j naꞌ ―taj tanuu uun chij doj, xnáꞌanj soꞌ man Pabló a.

Hechos 22:22

Dan me se nda̱a dan caꞌmii Pabló nana̱ yoꞌ, ne̱ nanó xre̱j nij síí israelitá snana̱ soꞌ a. Tza̱j ne̱ ga̱a canica̱j soꞌ caꞌmii soꞌ cheꞌé nij síí yaníj, ga̱a ne̱ canica̱j uún nij soꞌ, nucua̱j caguáj nij soꞌ, cataj nij soꞌ a: ―Cavi̱ꞌ síí nihánj á. Ne nó xcúún síí nihánj ga̱a̱ iꞌna̱ꞌ soꞌ rihaan chumii̱ nihánj a̱ maꞌ ―taj nij soꞌ, caguáj nij soꞌ a.

Hechos 23:17

Ga̱a ne̱ canacúún Pabló caꞌna̱ꞌ ꞌo̱ tanuu capitán ꞌni̱j raꞌa cientó tanuu rihaan soꞌ, ne̱ cataj soꞌ rihaan tanuu capitán yoꞌ a: ―Catu̱u̱ síí tachru̱u̱ nihánj nata̱ꞌ soꞌ rihaan tanuu uun chij doj, qui̱ꞌyáá so̱ꞌ á. ꞌO̱ se vaa nana̱ me rá soꞌ nata̱ꞌ soꞌ rihaan tanuu uun chij doj a ―taj Pabló rihaan tanuu capitán yoꞌ a.

Hechos 24:22

Ese Félix roꞌ, me síí queneꞌen sa̱ꞌ da̱j vaa Se‑Chre̱j Jesús, ga̱a ne̱ cataj soꞌ se vaa gu̱un ra̱a̱n doj, ga̱a ne̱ caꞌne̱ꞌ soꞌ cacunꞌ cheꞌé Pabló a. Cheꞌé dan cataj soꞌ a: ―Asa̱ꞌ caꞌnaꞌ tanuu uun chij doj cuꞌna̱j Lisias nihánj, ne̱ naquiꞌya̱j cuú ꞌu̱nj cheꞌé nij soj á ―taj Félix a.

Hechos 24:6

Ne̱ nda̱a guun rá soꞌ quiꞌya̱j chiꞌi̱i̱ soꞌ man nuvií noco̱o, ne̱ cheꞌé dan taꞌaa núj man soꞌ, ne̱ guun rá núj caꞌne̱ꞌ núj cacunꞌ cheꞌé soꞌ nda̱a vaa aꞌmii tucuáán noco̱ꞌ maꞌa̱n núj a.

Hechos 24:7

Tza̱j ne̱ síí cuꞌna̱j Lisias tanuu uun chij doj rihaan ta̱ranꞌ nij tanuu ma̱n chumanꞌ Jerusalén roꞌ, caꞌnéj yuva̱a̱ soꞌ man síí nihánj raꞌa núj a.

Hechos 25:23

Ne̱ ꞌó güii me se veꞌé ndoꞌo quiꞌyaj nij yuvii̱ ga̱a caꞌnaꞌ rey cuꞌna̱j Agripa do̱ꞌ, chana̱ cuꞌna̱j Berenice do̱ꞌ, ne̱ catúj ro̱j soꞌ rá veꞌ ꞌyaj nii juntá a. Ne̱ caꞌnaꞌ nij tanuu uun chij rihaan ꞌo̱ míj tanuu caꞌnaꞌ nij síí ra̱a̱ ma̱n chumanꞌ Cesarea yoꞌ caꞌnaꞌ ga̱ ro̱j soꞌ a. Ga̱a ne̱ caꞌneꞌ Festo suun rihaan nij tanuu se vaa caꞌna̱ꞌ Pabló rihaan nij soꞌ quiꞌya̱j nij tanuu a.

Hechos 26:21

Cheꞌé dan taꞌaa nij yuvii̱ israelitá mán ꞌu̱nj rej ya̱nj nuvií noco̱o, ne̱ guun rá nij soꞌ ticavi̱ꞌ nij soꞌ manj a.