Hechos 21:30 - Triqui de San Juan Copala

³⁰ Dan me se naxuma̱a̱n cunuda̱nj nij yuvii̱ ma̱n chumanꞌ Jerusalén, ne̱ cunánj nij soꞌ nda̱a rej ya̱nj nuvií noco̱o, ga̱a ne̱ taꞌaa nij yuvii̱ man Pabló, ne̱ nucua̱j ri̱i̱ nij soꞌ man soꞌ nda̱a xeꞌ, ne̱ nu̱ꞌ naráán nii nij taꞌyaa rihaan rej ya̱nj nuvií noco̱o yoꞌ a.

Hechos 21:30 ပူးပေါင်းရင်းမြစ်များ

San Mateo 2:3

Ga̱a ne̱ cuchiꞌ nana̱ yoꞌ rihaan síí nica̱j suun rey cuꞌna̱j Herodes, ga̱a ne̱ cuchuꞌviꞌ ndoꞌo soꞌ ga̱ nij síí ma̱n chumanꞌ Jerusalén a.

San Mateo 21:10

Dan me se catúj Jesús chumanꞌ Jerusalén, ne̱ caráyaꞌa̱nj ta̱ranꞌ nij yuvii̱ ma̱n chumanꞌ yoꞌ, ne̱ cataj nij soꞌ a: ―Me síí atúj chumanꞌ ga̱ ―taj nij síí ma̱n chumanꞌ Jerusalén, xnáꞌanj nij soꞌ man nij yuvii̱ atúj chumanꞌ Jerusalén a.

San Lucas 4:29

Naxuma̱a̱n nij soꞌ nica̱j nij soꞌ man Jesús caꞌanj nij soꞌ tuꞌva chumanꞌ a. Ne̱ dan me se chumanꞌ yoꞌ roꞌ, naj xráá ꞌo̱ tacaan ruva̱a̱ ndoꞌo a. Ne̱ nica̱j nij soꞌ man Jesús caꞌanj nij soꞌ rej ruva̱a̱, ne̱ guun rá nij soꞌ ta̱nij nij soꞌ man Jesús rej ruva̱a̱ a.

Hechos 19:29

Ga̱a ne̱ ꞌo̱ nachej raa̱ cunuda̱nj nij yuvii̱ ma̱n chumanꞌ Éfeso yoꞌ, ne̱ taꞌaa nij yuvii̱ man síí cuꞌna̱j Gayo ga̱ síí cuꞌna̱j Aristarco cheꞌé se si̱j chéé ga̱ Pabló me ro̱j soꞌ, ne̱ si̱j cavii estadó Macedonia me ro̱j soꞌ a. Dan me se nica̱j cunuda̱nj nij yuvii̱ man ro̱j soꞌ, caꞌanj nij yuvii̱, ne̱ cunánj nij soꞌ catúj nij soꞌ rej estadió nuu chre̱ꞌ ri̱i̱ uxrá yuvii̱ a.

Hechos 26:21

Cheꞌé dan taꞌaa nij yuvii̱ israelitá mán ꞌu̱nj rej ya̱nj nuvií noco̱o, ne̱ guun rá nij soꞌ ticavi̱ꞌ nij soꞌ manj a.

2 Corintios 11:26

Dan me se a̱j cachéé ndoꞌoj nu̱ꞌ nij chrej, ne̱ vaa ndoꞌo sayuun quiránꞌ ꞌu̱nj rihaan chráá do̱ꞌ, cheꞌé síí itu̱u̱ do̱ꞌ, cheꞌé nij síí israelitá ne nocoꞌ man Cristó do̱ꞌ, cheꞌé nij síí yaníj do̱ꞌ, rej chumanꞌ ma̱n ndoꞌo yuvii̱ do̱ꞌ, rej tacaan naco̱o̱ do̱ꞌ, rihaan na yaꞌa̱nj do̱ꞌ, cheꞌé nij síí tihaꞌ yuꞌunj manj se vaa tinúj me nij soꞌ do̱ꞌ a.