Hechos 21:19 - Triqui de San Juan Copala

¹⁹ Dan me se veꞌé caꞌmii sa̱ꞌ ta̱ranꞌ núj, ga̱a ne̱ cataj xnaꞌanj Pabló rihaan nij síí chij nuu chre̱ꞌ ga̱ Jacobo nda̱a ꞌo̱ ꞌo̱ se vaa quiꞌyaj Yaꞌanj scaꞌnúj nij síí yaníj ga̱a nataꞌ Pabló snana̱ Yaꞌanj rihaan nij soꞌ a.

Hechos 21:19 ပူးပေါင်းရင်းမြစ်များ

Hechos 14:27

Dan me se ga̱a nucuiꞌ ro̱j soꞌ, ne̱ canacúún ro̱j soꞌ man xꞌneꞌ nij síí noco̱ꞌ man Jesucristó se vaa cunu̱u chre̱ꞌ nij soꞌ a. Ga̱a ne̱ cataj xnaꞌanj ro̱j soꞌ nu̱ꞌ se vaa quiꞌyaj Yaꞌanj ga̱ ro̱j soꞌ, ne̱ cataj ro̱j soꞌ se vaa ya̱ xꞌnúj rihaan nij yuvii̱ yaníj cuchuma̱n rá nij soꞌ ni̱ꞌyaj nij soꞌ man Jesucristó, quiꞌyaj Yaꞌanj a.

Hechos 1:17

Ne̱ ꞌo̱ tuviꞌ núj guun soꞌ, ne̱ cata̱ soꞌ se‑su̱u̱n núj a.

1 Corintios 15:10

Tza̱j ne̱ quiꞌyaj uxrá Yaꞌanj se lu̱j cheꞌej, ne̱ racuíj maꞌa̱n Yaꞌanj manj, ne̱ cheꞌé dan mej síí ata̱ suun caꞌa̱nj nata̱ꞌ snana̱ Jesucristó cuano̱ ado̱nj. Né se quiꞌyaj rmaꞌa̱n Yaꞌanj da̱nj ga̱ ꞌu̱nj maꞌ. ꞌO̱ se ꞌu̱nj nihánj roꞌ, me síí ꞌyaj doj se‑su̱u̱n Yaꞌanj rihaan ꞌó da̱nj nij síí ata̱ suun caꞌa̱nj nata̱ꞌ snana̱ Jesucristó, tza̱j ne̱ né ma̱ꞌanj ꞌyaj se‑su̱u̱n Yaꞌanj maꞌ. ꞌO̱ se cheꞌé se racuíj Yaꞌanj manj roꞌ, cheꞌé dan ꞌyáj da̱nj ado̱nj.

Hechos 20:24

Tza̱j ne̱ a̱ doj ne chuꞌvíꞌ ꞌu̱nj sese nda̱a ticavi̱ꞌ nii mán ꞌu̱nj a̱ maꞌ. Tza̱j ne̱ veꞌé ina̱nj me raj ti̱síj suun caꞌneꞌ Jesús Si̱j ꞌNi̱j Raꞌa man níꞌ rihanj, ne̱ cheꞌé dan ꞌo̱ xraan ina̱nj taj xnaꞌanj ꞌu̱nj nana̱ sa̱ꞌ rihaan yuvii̱ cheꞌé se lu̱j ꞌyaj Yaꞌanj cheꞌé ta̱ranꞌ níꞌ a.

Colosenses 1:29

Cheꞌé dan ꞌyaj uxraj se‑su̱u̱n Cristó cheꞌé se nucua̱j do̱ꞌ, cheꞌé nana̱ sca̱ꞌ do̱ꞌ, nu̱u̱ nimanj quiꞌyaj Cristó ado̱nj.

2 Corintios 12:12

ꞌO̱ se da̱j a̱ nij suun sa̱ꞌ noco̱o ꞌyaj nij síí cuneꞌ Jesucristó roꞌ, quiꞌyáj niꞌya̱j soj, ne̱ dan me se naquiꞌyaj na̱j ndoꞌo ꞌu̱nj nimanj, ne̱ ne caꞌne̱ꞌ raj ga̱ suun ꞌyaj nij suun sa̱ꞌ noco̱o yoꞌ maꞌ.

2 Corintios 6:1

Dan me se ꞌyaj núj suun caꞌneꞌ Yaꞌanj rihaan núj, ne̱ cheꞌé dan rquee̱ núj man soj se vaa se̱ quiriꞌíj yaníj soj se lu̱j quiꞌyaj Yaꞌanj cheꞌé soj maꞌ.

Hechos 15:12

Dan me se caꞌneꞌ rá cunuda̱nj nij soꞌ, ne̱ a̱ doj ne caꞌmi̱i̱ nij soꞌ a̱ maꞌ. Ma̱an se sa̱ꞌ uxrá nanó xre̱j nij soꞌ ga̱a cataj xnaꞌanj Bernabé ga̱ Pabló cheꞌé da̱j a̱ nij suun sa̱ꞌ noco̱o guun nucua̱j ro̱j soꞌ quiꞌyaj ro̱j soꞌ scaꞌnúj nij síí yaníj quiꞌyaj Yaꞌanj a.

Hechos 15:4

Dan me se ga̱a cuchiꞌ nij soꞌ chumanꞌ Jerusalén, ga̱a ne̱ veꞌé caꞌmii xꞌneꞌ nij síí noco̱ꞌ man Jesucristó do̱ꞌ, nij síí ata̱ suun caꞌa̱nj nata̱ꞌ snana̱ Jesucristó do̱ꞌ, ꞌó nij síí tumé sa̱ꞌ rihaan Yaꞌanj man nij soꞌ do̱ꞌ, ga̱ nij soꞌ a. Ga̱a ne̱ cataj xnaꞌanj Pabló ga̱ Bernabé rihaan nij síí ya̱nj chumanꞌ Jerusalén yoꞌ cheꞌé nu̱ꞌ se vaa quiꞌyaj Yaꞌanj ga̱ nij tinu̱j nij soꞌ a.

San Mateo 23:7

Ne̱ niha̱ꞌ rá nij soꞌ ga̱a veꞌé aꞌmii yuvii̱ ga̱ nij soꞌ ga̱a chéé nij soꞌ yuꞌvee, ne̱ niha̱ꞌ rá nij soꞌ cata̱j yuvii̱ Síí uun chij rihaan nij soꞌ a.