Hechos 20:36 - Triqui de San Juan Copala

³⁶ Dan me se ga̱a quisíj caꞌmii Pabló nu̱ꞌ nana̱ yoꞌ, ga̱a ne̱ cayáán ru̱j soꞌ ga̱ nij soꞌ, ne̱ cachíín niꞌya̱j Pabló rihaan Yaꞌanj ga̱ ta̱ranꞌ nij soꞌ a.

Hechos 20:36 ပူးပေါင်းရင်းမြစ်များ

Hechos 21:5

Dan me se ga̱a quisíj chi̱j güii yoꞌ, ne̱ curiha̱nj núj caꞌanj núj rej ta̱j rihoo rihaan na, ne̱ cachéé cunuda̱nj nij tucua̱ nij síí tucuꞌyón snana̱ Jesucristó ga̱ núj nda̱a se cuchiꞌ núj tuꞌva chumanꞌ a. Ga̱a ne̱ cayáán ru̱j núj rihaan yoꞌóó chru̱u̱ na̱j tuꞌva na yaꞌa̱nj rej yoꞌ, ne̱ cachíín niꞌya̱j núj rihaan Yaꞌanj a.

San Lucas 22:41

Ga̱a ne̱ naxuun soꞌ man soꞌ rihaan nij síí tucuꞌyón snana̱ soꞌ, ne̱ caꞌanj soꞌ rej yaníj do̱j, ne̱ cayáán ru̱j soꞌ, ne̱ cachíín niꞌya̱j soꞌ rihaan Yaꞌanj,

Filipenses 4:6

Se̱ nanó rá soj cheꞌé a̱ ꞌó rasu̱u̱n maꞌ. Tana̱nj cachi̱nj niꞌya̱j soj rihaan Yaꞌanj, ne̱ me maꞌa̱n rasu̱u̱n achiin man soj, ne̱ cachi̱nj soj rihaan Yaꞌanj, ne̱ cata̱j soj guun niꞌya̱j níꞌ rihaan Yaꞌanj á.

Hechos 7:60

Ga̱a ne̱ canicunꞌ ru̱j soꞌ, ne̱ nucua̱j ndoꞌo caguáj soꞌ, cataj soꞌ a: ―Señor, se̱ caraá so̱ꞌ cacunꞌ nihánj xráá nij soꞌ maꞌ ―taj soꞌ, ga̱a ne̱ caviꞌ soꞌ a.

Efesios 3:14

Cheꞌé se cavii sa̱ꞌ ndoꞌo nij soj ga̱ núj, cheꞌé dan yáán ru̱j ꞌu̱nj, ne̱ achíín ni̱ꞌyáá ꞌu̱nj rihaan Rej níꞌ Yaꞌanj cheꞌé soj ado̱nj.

Hechos 9:40

Dan me se quirii Pedró man cunuda̱nj nij noꞌ xeꞌ, ga̱a ne̱ canicunꞌ ru̱j soꞌ, ne̱ cachíín niꞌya̱j ndoꞌo soꞌ rihaan Yaꞌanj a. Ga̱a ne̱ canica̱j soꞌ, cataj soꞌ rihaan cúú man chana̱ a: ―Na̱xaga̱a̱ so̱ꞌ, Tabita ―taj soꞌ rihaan noꞌ a. Ga̱a ne̱ naxraꞌ rihaan noꞌ, ne̱ ga̱a queneꞌen noꞌ man Pedró, ne̱ caꞌanj ca̱yáán caya̱ noꞌ,

Hechos 20:35

Cunuda̱nj quiꞌyaj suun ꞌu̱nj, cheꞌé se guun raj xca̱j soj cuentá se vaa no̱ xcúún soj quiꞌya̱j suun maꞌa̱n soj, cheꞌé rej caꞌve̱e ra̱cuíj soj man tinúú níꞌ síí achiin rasu̱u̱n man a. Ne̱ ꞌo̱ cu̱nuû rá soj nana̱ nihánj nana̱ caꞌmii maꞌa̱n Jesús Si̱j ꞌNi̱j Raꞌa man níꞌ a: “Síí rqué rasu̱u̱n rihaan tuviꞌ roꞌ, uun niha̱ꞌ rá soꞌ doj rihaan síí riꞌ rasu̱u̱n yoꞌ raꞌa tuviꞌ a”, taj Jesús a ―taj Pabló rihaan nij síí tumé sa̱ꞌ rihaan Yaꞌanj man xꞌneꞌ nij síí noco̱ꞌ man Cristó ya̱nj chumanꞌ Éfeso a.