Hechos 2:6 - Triqui de San Juan Copala

⁶ Dan me se ri̱i̱ nij yuvii̱ israelitá yoꞌ cuno se vaa ayu̱j ndoꞌo, ne̱ cheꞌé dan cunuu chre̱ꞌ nij yuvii̱ israelitá rihaan veꞌ yoꞌ, ne̱ caꞌanj ndoꞌo rá nij soꞌ se vaa guun a. ꞌO̱ se ꞌo̱ ꞌo̱ nij soꞌ roꞌ, cuno se vaa caꞌmii nij síí noco̱ꞌ man Jesús xnaꞌánj aꞌmii ꞌo̱ ꞌo̱ nij yuvii̱ israelitá yoꞌ a.

Hechos 2:6 ပူးပေါင်းရင်းမြစ်များ

San Mateo 2:3

Ga̱a ne̱ cuchiꞌ nana̱ yoꞌ rihaan síí nica̱j suun rey cuꞌna̱j Herodes, ga̱a ne̱ cuchuꞌviꞌ ndoꞌo soꞌ ga̱ nij síí ma̱n chumanꞌ Jerusalén a.

San Lucas 21:25

Ne̱ cataj uún Jesús a: ―Ga̱a ne̱ queneꞌe̱n yuvii̱ se vaa cunu̱u ino̱ güii do̱ꞌ, yavii do̱ꞌ, nij yatiꞌ do̱ꞌ, ne̱ rihaan maꞌa̱n chumii̱ me se cuchuꞌvi̱ꞌ ndoꞌo cunuda̱nj nij yuvii̱ cuno̱ nij soꞌ da̱j gu̱un ca̱ri̱i̱n ndoꞌo na yaꞌa̱nj do̱ꞌ, queneꞌe̱n nij soꞌ da̱j ga̱a̱ quina̱a̱n rihaan na yaꞌa̱nj do̱ꞌ a.

Hechos 2:2

Ne̱ ta̱j niꞌyo̱n cuno ta̱ranꞌ nij síí ya̱nj rá veꞌ se vaa nda̱a cayu̱j maꞌa̱n rá veꞌ, ne̱ da̱j se uun ráꞌ unóꞌ nana̱ yuva̱a̱ avii rej xta̱ꞌ roꞌ, da̱nj guun rá nij soꞌ ga̱a cayu̱j rá veꞌ a.

Hechos 3:11

Dan me se taꞌaa síí nahuun sa̱ꞌ yoꞌ man Pedró do̱ꞌ, man Juan do̱ꞌ, ne̱ cheꞌé se caꞌanj ndoꞌo rá nij yuvii̱, cheꞌé dan cunánj nij yuvii̱ cunuu chre̱ꞌ nij yuvii̱ rihaan ro̱j soꞌ rque veꞌ cheꞌe̱e̱ cuꞌna̱j Corredor Salomón a.

1 Corintios 16:9

ꞌO̱ se vaa ndoꞌo rej veꞌé qui̱ꞌyáá ꞌu̱nj se‑su̱u̱n Yaꞌanj, tza̱j ne̱ ꞌo̱ se ma̱n ndoꞌo síí ta̱j riꞌyunj man níꞌ chumanꞌ yoꞌ na̱nj ado̱nj.

2 Corintios 2:12

Dan me se caꞌanj ꞌu̱nj chumanꞌ cuꞌna̱j Troas caꞌmi̱i̱ natáj ꞌu̱nj nana̱ sa̱ꞌ cheꞌé Cristó, ne̱ dan me se vaa yaꞌnúj rihaan ꞌu̱nj caꞌmi̱i̱ natáj ꞌu̱nj nana̱ sa̱ꞌ, quiꞌyaj Síí ꞌNi̱j Raꞌa man níꞌ,