Hechos 2:46 - Triqui de San Juan Copala

⁴⁶ Dan me se da̱j a̱ güii nuu chre̱ꞌ nij soꞌ rej ya̱nj nuvií noco̱o, nda̱a vaa guun rá ta̱ranꞌ nij soꞌ a. Ne̱ ꞌo̱ nuu chre̱ꞌ nij soꞌ tucuá tuviꞌ nij soꞌ, ne̱ uxraꞌ taꞌa̱j nij soꞌ rachrúún chá nij soꞌ a. Ne̱ dan me se nda̱a niha̱ꞌ nda̱a cochro̱j rá ta̱ranꞌ nij soꞌ chá nij soꞌ a.

Hechos 2:46 ပူးပေါင်းရင်းမြစ်များ

San Mateo 6:22

’Rlij rihaan níꞌ me yaꞌan nica̱j yuꞌunj man níꞌ ado̱nj. Dan me se sese rlij rihaan níꞌ roꞌ, niꞌya̱j yoꞌ ne̱ uun sa̱ꞌ rá yoꞌ, ga̱a ne̱ nu̱ꞌ nee̱ man níꞌ roꞌ, sa̱ꞌ vaa, ne̱ adi̱ꞌ se chuguu̱n agaꞌ yaꞌan roꞌ, da̱nj chuguu̱n man níꞌ ga̱a sa̱ꞌ rihaan níꞌ ado̱nj.

San Lucas 11:41

Dan me se rque̱ soj taꞌa̱j siꞌya̱j soj man nij síí nique̱ yan ti̱haa̱n soj se vaa a̱j cunuu sa̱ꞌ nimán soj á. Nda̱a síj, ga̱a ne̱ a̱ ꞌó xcoꞌ se̱ gaa nacaj xráá soj do̱ꞌ, rá nimán soj do̱ꞌ maꞌ.

San Lucas 24:30

Dan me se yáán nij soꞌ cha̱ xtiꞌno̱ nij soꞌ, ne̱ nica̱j Jesús rachrúún, ne̱ cataj soꞌ guun niꞌya̱j níꞌ rihaan Yaꞌanj cheꞌé rachrúún, ga̱a ne̱ cuxraꞌ taꞌa̱j soꞌ rachrúún, rqué soꞌ cha̱ ro̱j soꞌ a.

San Lucas 24:53

ne̱ ꞌo̱ mán nij soꞌ rej ya̱nj nuvií noco̱o, ne̱ nataꞌ nij soꞌ rihaan nij yuvii̱ se vaa sa̱ꞌ uxrá quiꞌyaj Yaꞌanj a.

Hechos 16:34

Ga̱a ne̱ caꞌanj nica̱j soꞌ man ro̱j soꞌ rej xra̱j rej ya̱nj maꞌa̱n soꞌ, ne̱ rqué soꞌ se chá cha̱ ro̱j soꞌ a. Ga̱a ne̱ dan me se guun niha̱ꞌ uxrá rá nimán nij tucua̱ soꞌ, cheꞌé se cuchumán rá nij soꞌ niꞌya̱j nij soꞌ man Yaꞌanj a.

Hechos 2:42

Dan me se ꞌo̱ canocoꞌ xraan nij síí noco̱ꞌ man Jesús tucuáán tucuꞌyón nij síí ata̱ suun caꞌa̱nj nata̱ꞌ snana̱ Jesús rihaan yuvii̱ rihaan nij soꞌ, ne̱ ꞌo̱ guun tuvi̱ꞌ cunuda̱nj nij soꞌ a. Ne̱ ꞌo̱ cuxraꞌ taꞌa̱j nij soꞌ rachrúún chá nij soꞌ, ne̱ ꞌo̱ chre̱ꞌ cachíín niꞌya̱j nij soꞌ rihaan Yaꞌanj a.

Hechos 20:7

Dan me se güii cotungó me se ga̱a cunuu chre̱ꞌ ta̱ranꞌ núj cuxra̱ꞌ taꞌa̱j núj rachrúún, ne̱ caꞌmii natáj Pabló nana̱ rihaan ꞌó nij tinúú níꞌ a. ꞌO̱ se guun rá soꞌ cavi̱i̱ soꞌ ranga̱ꞌ ꞌó güii caꞌa̱nj soꞌ níchrej, ne̱ cheꞌé dan ꞌo̱ caꞌmii soꞌ nda̱a guun nii̱ ya̱nꞌ a.

Hechos 3:1

Dan me se agaꞌ vaꞌnu̱j rej anocoꞌ güii me se cuchiꞌ síí cuꞌna̱j Pedró do̱ꞌ, síí cuꞌna̱j Juan do̱ꞌ, rej ya̱nj nuvií noco̱o, cheꞌé se orá achíín niꞌya̱j nii rihaan Yaꞌanj me yoꞌ a.

Hechos 5:21

Síj cuno nij soꞌ nana̱ vaa da̱nj, ga̱a ne̱ rej síj güii catúj nij soꞌ rej ya̱nj nuvií noco̱o, ne̱ tucuꞌyón nij soꞌ snana̱ Jesús rihaan nij yuvii̱ a. Ma̱an orá dan naquiꞌyaj chre̱ꞌ nij tuvi̱ꞌ xrej ata̱ suun noco̱o doj man Xꞌneꞌ Nij Síí Ata̱ Suun Noco̱o Doj do̱ꞌ, cunuda̱nj nij síí uun chij rihaan nij yuvii̱ israelitá do̱ꞌ, ne̱ quiꞌya̱j nij soꞌ juntá a. Ga̱a ne̱ caꞌnéé nij soꞌ tanuu caꞌa̱nj tagaꞌ, ne̱ caꞌna̱ꞌ ni̱caj nij soꞌ man nij síí ata̱ suun caꞌa̱nj nata̱ꞌ snana̱ Jesús rihaan yuvii̱ rihaan nij soꞌ, rá nij soꞌ a.

Hechos 5:42

Ne̱ da̱j a̱ güii me se cunuu chre̱ꞌ nij síí cuneꞌ Jesús rej ya̱nj nuvií noco̱o do̱ꞌ, rá veꞌ tucuá nij soꞌ do̱ꞌ, ne̱ ꞌo̱ tucuꞌyón nij soꞌ man nij yuvii̱, ne̱ nataꞌ nij soꞌ nana̱ sa̱ꞌ se vaa Jesús me Síí Caꞌnéé Yaꞌanj Ti̱nanii man Yuvii̱ rihaan Sayuun a.

Romanos 12:8

Sese vaa suun rihaan ꞌó níꞌ nago̱ꞌ níꞌ chrej nucua̱j, ne̱ da̱nj quiꞌya̱j níꞌ á. Sese vaa suun rihaan ꞌó níꞌ rque̱ níꞌ rasu̱u̱n rihaan nij síí nique̱, ne̱ gu̱un niha̱ꞌ rá níꞌ quiꞌya̱j níꞌ da̱nj á. Sese vaa suun rihaan ꞌó níꞌ gu̱un chij níꞌ rihaan tuviꞌ níꞌ, ne̱ quiꞌya̱j uxrá níꞌ suun ni̱caj yuꞌunj níꞌ man tuviꞌ níꞌ á. Sese vaa suun rihaan níꞌ cunu̱u ꞌe̱e̱ rá níꞌ tuviꞌ níꞌ do̱ꞌ, ra̱cuíj níꞌ tuviꞌ níꞌ do̱ꞌ, ne̱ ga̱a̱ niha̱ꞌ rá níꞌ quiꞌya̱j níꞌ da̱nj á.

1 Corintios 10:16

Dan me se ga̱a nuu chre̱ꞌ níꞌ rihaan Yaꞌanj, ne̱ vaa ꞌo̱ tazá na vinó rihaan níꞌ, ne̱ taj níꞌ guun niꞌya̱j níꞌ rihaan Yaꞌanj cheꞌé tazá, ne̱ ase vaa ton cavii man Cristó roꞌ, da̱nj vaa na vinó yoꞌ rihaan níꞌ a. Ne̱ da̱nj tihaa̱n níꞌ se vaa uun rcuaꞌa̱a̱n níꞌ ga̱ Cristó cheꞌé ton cavii man soꞌ chugua̱nj. Ga̱a ne̱ uxraꞌ taꞌa̱j níꞌ rachrúún, ga̱a ne̱ chá ta̱ranꞌ níꞌ do̱j rachrúún yoꞌ, ne̱ ase vaa nee̱ man Cristó roꞌ, da̱nj vaa rachrúún yoꞌ rihaan níꞌ a. Ne̱ da̱nj tihaa̱n níꞌ se vaa uun rcuaꞌa̱a̱n níꞌ ga̱ Cristó cheꞌé se caviꞌ Cristó cheꞌé níꞌ chugua̱nj.

2 Corintios 1:12

Niha̱ꞌ ndoꞌo rá núj, cheꞌé se neꞌen núj se vaa nuviꞌ cacunꞌ tumé núj a. ꞌO̱ se veꞌé quiꞌyaj núj ga̱ soj ga̱a chéé núj rihaan chumii̱ nihánj, ne̱ ne tiha̱ꞌ yuꞌunj núj man soj maꞌ. Ma̱an se cuno núj rihaan Yaꞌanj, ne̱ caꞌmii chij núj rihaan soj, ne̱ ne quiꞌya̱j núj ina̱nj se vaa cavii raa̱ maꞌa̱n núj maꞌ. ꞌO̱ se maꞌa̱n Yaꞌanj racuíj man núj, ne̱ quiꞌyaj núj ina̱nj se vaa me rá Yaꞌanj quiꞌya̱j núj na̱nj ado̱nj.

2 Corintios 11:3

Tza̱j ne̱ chuꞌvíꞌ ꞌu̱nj se vaa ase vaa tihaꞌ yuꞌunj xcuáá man chana̱ cuꞌna̱j Eva ga̱a naá roꞌ, da̱nj ga̱a̱ tiha̱ꞌ yuꞌunj nii man soj, ne̱ se̱ guun nucua̱j soj xca̱j sa̱ꞌ soj cuentá, ga̱a ne̱ ta̱náj xco̱ soj man nana̱ sa̱ꞌ nariꞌ soj ga̱a canocoꞌ soj man Cristó, raj na̱nj ado̱nj.

Efesios 6:5

Ne̱ mozó roꞌ, veꞌé cuno̱ soꞌ rihaan se‑ruꞌve̱e̱ soꞌ, ne̱ ga̱a̱ niꞌya̱nj nimán mozó, ne̱ cara̱a̱ cochro̱j uxrá mozó rihaan se‑ruꞌve̱e̱ mozó á. Ase vaa ꞌyaj mozó rihaan maꞌa̱n Cristó roꞌ, da̱nj quiꞌya̱j mozó rihaan se‑ruꞌve̱e̱ mozó uún á.

Colosenses 3:22

Cuno̱ sa̱ꞌ mozó rihaan se‑ruꞌve̱e̱ mozó á. Se̱ naquiꞌyaj rmi̱i̱ mozó man mozó rihaan se‑ruꞌve̱e̱ mozó maꞌ. Nda̱ꞌ se ne niꞌya̱j se‑ruꞌve̱e̱ mozó, tza̱j ne̱ ꞌo̱ quiꞌya̱j suun mozó á. Síí ꞌNi̱j Raꞌa man níꞌ roꞌ, niꞌya̱j soꞌ man mozó yoꞌ, ne̱ cheꞌé dan cuchuꞌvi̱ꞌ mozó ne̱ veꞌé quiꞌya̱j suun soꞌ a.