Hechos 2:32 - Triqui de San Juan Copala

³² ’Dan me se ya̱ ya̱ cunuu iꞌna̱ꞌ uún Jesús, quiꞌyaj Yaꞌanj, ne̱ ta̱ranꞌ núj me síí queneꞌen se vaa cunuu iꞌna̱ꞌ uún soꞌ ado̱nj.

Hechos 2:32 ပူးပေါင်းရင်းမြစ်များ

San Juan 15:27

Ne̱ cata̱j xnaꞌanj maꞌa̱n soj cheꞌej, cheꞌé se asi̱j tacoo cachéé soj ga̱j ado̱nj.

Hechos 1:22

ꞌO̱ se ꞌo̱ síí chéé ga̱ núj asi̱j cutaꞌ ne Juan man Jesús nda̱a güii cavii soꞌ quinanꞌ soꞌ xta̱ꞌ roꞌ, nari̱i̱ núj ne̱ ca̱ta̱ soꞌ suun ga̱ núj se vaa caꞌa̱nj nata̱ꞌ soꞌ rihaan yuvii̱ se vaa cunuu iꞌna̱ꞌ uún Jesús á ―taj Pedró rihaan cunuda̱nj nij síí cunuu chre̱ꞌ a.

Hechos 1:8

Tza̱j ne̱ asa̱ꞌ nanij Nimán Yaꞌanj catu̱u̱ soꞌ nimán soj, ne̱ quiri̱ꞌ ndoꞌo soj rej nucua̱j, ga̱a ne̱ gu̱un soj síí nata̱ꞌ snana̱j rihaan yuvii̱ ado̱nj. Dan me se chumanꞌ Jerusalén do̱ꞌ, nu̱ꞌ estadó Judea do̱ꞌ, nda̱a chumanꞌ Samaria do̱ꞌ, caꞌve̱e se nda̱a chumanꞌ ga̱nꞌ doj na̱j rihaan chumii̱ nihánj, tza̱j ne̱ caꞌa̱nj soj nata̱ꞌ soj snana̱j ado̱nj ―taj Jesús rihaan nij soꞌ a.

Hechos 13:30

Tza̱j ne̱ Yaꞌanj me síí quiꞌyaj cunuu iꞌna̱ꞌ uún soꞌ ado̱nj.

Hechos 13:33

Dan me se cunuu iꞌna̱ꞌ uún Jesús, quiꞌyaj Yaꞌanj cheꞌé níꞌ, ne̱ dan me se quisíj ya̱ nu̱ꞌ nana̱ cataꞌ tuꞌva soꞌ ga̱a naá, ne̱ cavii sa̱ꞌ níꞌ taꞌni̱j nij síí cayáán ga̱a naá, quiꞌyaj soꞌ ado̱nj. Ne̱ ase vaa nana̱ nihánj nana̱ natáꞌ ꞌu̱nj rihaan nij soj roꞌ, da̱nj vaa nana̱ no̱ rihaan Chraꞌ Salmó número̱ vi̱j, ne̱ taj yoꞌ a: “Taꞌníj mé so̱ꞌ á. Cuano̱ nihánj me se queneꞌe̱n yuvii̱ se vaa taꞌníj mé so̱ꞌ, qui̱ꞌyáj na̱nj á”, taj snana̱ Yaꞌanj no̱ rihaan Chraꞌ Salmó yoꞌ a.

Hechos 17:31

Ne̱ dan me se cachrón Yaꞌanj ꞌo̱ güii caꞌne̱ꞌ nica̱ soꞌ cacunꞌ cheꞌé cunuda̱nj nij yuvii̱ ma̱n rihaan chumii̱ a. Ne̱ a̱j cuneꞌ soꞌ man ꞌo̱ snóꞌo guun síí caꞌne̱ꞌ cacunꞌ cheꞌé yuvii̱ a. Ne̱ cheꞌé se cunuu iꞌna̱ꞌ uún snóꞌo yoꞌ, quiꞌyaj Yaꞌanj, ga̱a caviꞌ soꞌ, ne̱ cheꞌé dan no̱ xcúún cunuda̱nj yuvii̱ cuchuma̱n rá nij yuvii̱ se vaa veé ya̱ snóꞌo yoꞌ me soꞌ ado̱nj ―taj Pabló rihaan nij síí ma̱n Atenas yoꞌ a.

Hechos 2:24

Tza̱j ne̱ cunuu iꞌna̱ꞌ uún soꞌ, quiꞌyaj Yaꞌanj, ne̱ tinanii Yaꞌanj man soꞌ rihaan sayuun se vaa caviꞌ soꞌ a. ꞌO̱ se ne caꞌve̱e yu̱u̱n cheꞌe̱ cavi̱ꞌ soꞌ daj chiha̱a̱ míj a̱ maan ado̱nj.

Hechos 3:15

Ne̱ ticaviꞌ soj man Jesús síí uun nucua̱j quiꞌya̱j ga̱a̱ iꞌna̱ꞌ nimán níꞌ a. Ne̱ Yaꞌanj roꞌ, quiꞌyaj cunuu iꞌna̱ꞌ uún Jesús, ne̱ maꞌa̱n núj me síí queneꞌen se vaa cunuu iꞌna̱ꞌ uún soꞌ na̱nj ado̱nj.

Hechos 3:26

Ga̱a ne̱ a̱j caꞌnéé Yaꞌanj man Taꞌníí Yaꞌanj rihaan chumii̱, ne̱ cuchiꞌ Taꞌníí Yaꞌanj asino ya̱a̱n rihaan maꞌa̱n soj, quiꞌyaj Yaꞌanj, cheꞌé rej ca̱nica̱j nimán ꞌo̱ ꞌo̱ nij soj, ne̱ ta̱náj xco̱ nij soj chrej chiꞌi̱i̱, ne̱ caꞌve̱e quiꞌya̱j ndoꞌo Yaꞌanj se lu̱j cheꞌé ta̱ranꞌ nij soj ado̱nj ―taj Pedró rihaan nij yuvii̱ cunuu chre̱ꞌ rej ya̱nj nuvií noco̱o yoꞌ a.

Hechos 4:10

Cheꞌé dan xca̱j nij soj do̱ꞌ, ta̱ranꞌ nij yuvii̱ israelitá do̱ꞌ, cuentá se vaa cheꞌé se‑chuvi̱i Jesucristó Si̱j Caꞌnéé Yaꞌanj síí cavii chumanꞌ Nazaret nahuun sa̱ꞌ síí rengo̱ nihánj ne̱ nicu̱nꞌ soꞌ rihaan soj nihánj cuano̱ a. Ne̱ nij soj roꞌ, me nij síí quiꞌyaj cachrón nii man Jesús rihaan rcutze̱, tza̱j ne̱ cunuu iꞌna̱ꞌ uún soꞌ, quiꞌyaj Yaꞌanj a.

Hechos 4:33

Ne̱ nij síí ata̱ suun caꞌa̱nj nata̱ꞌ snana̱ Jesús rihaan yuvii̱ me se nucua̱j ndoꞌo nataꞌ nij soꞌ se vaa cunuu iꞌna̱ꞌ uún Jesús Si̱j ꞌNi̱j Raꞌa man níꞌ a. Ne̱ quiꞌyaj ndoꞌo Yaꞌanj se lu̱j cheꞌé cunuda̱nj nij soꞌ a.

Hechos 5:30

ꞌO̱ se nij soj me síí tocoꞌ man Jesús rihaan rcutze̱, ne̱ caviꞌ soꞌ, quiꞌyaj soj a. Tza̱j ne̱ Yaꞌanj noco̱ꞌ xi̱i níꞌ asi̱j naá roꞌ, me síí quiꞌyaj cunuu iꞌna̱ꞌ uún soꞌ ado̱nj.

1 Corintios 15:15

A̱j cataj xnaꞌanj núj rihaan soj se vaa cunuu iꞌna̱ꞌ uún Cristó, quiꞌyaj Yaꞌanj, tza̱j ne̱ sese se̱ caꞌvee cunu̱u iꞌna̱ꞌ uún nij síí caviꞌ, ga̱a ne̱ ne cunu̱u iꞌna̱ꞌ uún Cristó vaa ga̱a maꞌ. Síí ne̱ me núj, ne̱ caꞌmii ne̱ núj cheꞌé maꞌa̱n Yaꞌanj vaa ga̱a na̱nj á.

1 Corintios 6:14

Dan me se nda̱ꞌ rá se vaa naquiꞌyaj iꞌna̱ꞌ Yaꞌanj man Síí ꞌNi̱j Raꞌa man níꞌ ga̱a caviꞌ soꞌ roꞌ, da̱nj gu̱un nucua̱j Yaꞌanj quiꞌya̱j uún soꞌ se vaa cunu̱u iꞌna̱ꞌ uún maꞌa̱n níꞌ na̱nj ado̱nj.

2 Corintios 4:14

cheꞌé se neꞌen núj se vaa Yaꞌanj me síí quiꞌyaj cunuu iꞌna̱ꞌ uún Jesús Si̱j ꞌNi̱j Raꞌa man níꞌ, ne̱ cheꞌé dan cunu̱u iꞌna̱ꞌ uún maꞌa̱n núj ga̱ Jesús, quiꞌya̱j uún Yaꞌanj, ga̱a ne̱ canicu̱nꞌ núj do̱ꞌ, maꞌa̱n soj do̱ꞌ, rihaan Jesús, quiꞌya̱j Yaꞌanj ado̱nj.

Gálatas 1:1

Síí cuꞌna̱j Pabló mej, ne̱ dan me se ga̱a caviꞌ Jesucristó, ne̱ cunuu iꞌna̱ꞌ uún soꞌ, quiꞌyaj Yaꞌanj, ne̱ Jesucristó do̱ꞌ, Rej níꞌ Yaꞌanj do̱ꞌ, me ro̱j síí cuneꞌ mán ꞌu̱nj guún ꞌu̱nj ꞌo̱ síí caꞌa̱nj nata̱ꞌ snana̱ Jesucristó a. Né ina̱nj yuvii̱ me síí cuneꞌ mán ꞌu̱nj maꞌ. Maꞌa̱n ya̱ Yaꞌanj cuneꞌ mán ꞌu̱nj ado̱nj.

Efesios 1:20

Cheꞌé snucua̱j Yaꞌanj roꞌ, cheꞌé dan cunuu iꞌna̱ꞌ ya̱ uún Cristó, quiꞌyaj Yaꞌanj ga̱a caviꞌ Cristó, ne̱ caꞌanj ca̱yáán Cristó rej xta̱ꞌ rej xꞌnu̱j Yaꞌanj rej nuva̱ꞌ Yaꞌanj, quiꞌyaj uún Yaꞌanj ado̱nj.

Colosenses 2:12

ꞌO̱ se ga̱a cataꞌ ne soj, ne̱ ase vaa cachinꞌ nii man Cristó ne̱ naꞌnúj uún soꞌ roꞌ, da̱nj vaa soj, cheꞌé se cuchumán rá soj se vaa veé ya̱ Yaꞌanj si̱j nucua̱j ndoꞌo quiꞌyaj ya̱ cunuu iꞌna̱ꞌ uún Cristó ado̱nj.

Hebreos 13:20

Dan me se Yaꞌanj si̱j ꞌyaj vaa xe̱j nimán níꞌ roꞌ, soꞌ me síí quiꞌyaj cunuu iꞌna̱ꞌ uún Jesús Si̱j ꞌNi̱j Raꞌa man níꞌ ga̱a caviꞌ soꞌ a. Ne̱ Jesús me se ase vaa síí tumé matzinj vaa soꞌ, ne̱ ase vaa daán soꞌ matzinj vaa níꞌ, ne̱ tumé soꞌ man níꞌ si̱j noco̱ꞌ man soꞌ, ne̱ síí sa̱ꞌ uxrá me soꞌ ado̱nj. Ne̱ cheꞌé ton cayanj man soꞌ me nica̱j níꞌ ꞌó tucuáán cuchruj soꞌ cheꞌé níꞌ se vaa canoco̱ꞌ níꞌ man Yaꞌanj a. Ne̱ me rá ꞌu̱nj

1 Pedro 1:21

Ne̱ cheꞌé se vaa quiꞌyaj Cristó cheꞌé soj roꞌ, cheꞌé dan amán rá soj niꞌya̱j soj man Yaꞌanj cheꞌé se soꞌ me síí naquiꞌyaj iꞌna̱ꞌ man Cristó, ne̱ soꞌ me síí quiꞌyaj se vaa taj yuvii̱ se vaa niꞌndaj ya̱ sa̱ꞌ cavii Cristó a. Ne̱ cheꞌé se da̱nj quiꞌyaj Yaꞌanj roꞌ, cheꞌé dan amán rá soj niꞌya̱j soj man Yaꞌanj, ne̱ naꞌvi̱j soj quisi̱j güii cavi̱i̱ sa̱ꞌ ndoꞌo soj quiꞌya̱j soꞌ a.