Hechos 2:31 - Triqui de San Juan Copala

³¹ Asi̱j naá queneꞌen soꞌ, ne̱ caꞌmii soꞌ cheꞌé se vaa cunu̱u iꞌna̱ꞌ Síí Caꞌne̱j Yaꞌanj ado̱nj. ꞌO̱ se cataj soꞌ se vaa se̱ quináj nimán soꞌ rej ma̱n nimán nij síí caviꞌ, ne̱ se̱ quixtunꞌ nu̱ꞌ nee̱ man soꞌ maꞌ.

Hechos 2:31 ပူးပေါင်းရင်းမြစ်များ

San Mateo 11:23

’Ne̱ vaa soj si̱j ma̱n chumanꞌ Capernaum uún á. Síí sa̱ꞌ ina̱nj me maꞌa̱n soj, rá soj naꞌ. Taj maꞌ. Ta̱güéj Yaꞌanj man soj nda̱a rej ma̱n nimán nij síí caviꞌ ado̱nj. Dan me se nij síí ma̱n chumanꞌ Sodoma roꞌ, me síí chiꞌi̱i̱ nimán a. Tza̱j ne̱ sese caꞌanj ꞌu̱nj chiháán nij soꞌ quiꞌyáj nij suun sa̱ꞌ noco̱o niꞌya̱j nij soꞌ, ne̱ cuno nij soꞌ snana̱j, ne̱ guun ya̱ rá nij soꞌ se vaa tumé nij soꞌ cacunꞌ, ne̱ nuchranꞌ nimán nij soꞌ, ne̱ ne caca̱a̱ chiháán nij soꞌ tza̱j maꞌ. Ne̱ na̱j chiháán nij soꞌ nda̱a cuano̱ asuun tza̱j a.

Hechos 13:35

Cheꞌé se quiꞌya̱j Yaꞌanj da̱nj cheꞌé Síí Caꞌne̱j Yaꞌanj rá David roꞌ, cheꞌé dan cachrón David rihaan ꞌó chraꞌ salmó nana̱ nihánj a: “Daj chiha̱a̱ míj se̱ riꞌyuj nee̱ man Síí Sa̱ꞌ Ina̱nj rihaan so̱ꞌ, qui̱ꞌyáá so̱ꞌ maꞌ”, taj David rihaan Yaꞌanj niꞌya̱j David man Síí Caꞌne̱j Yaꞌanj a.

Hechos 2:27

ꞌO̱ se se̱ tanáj so̱ꞌ nimanj rej ma̱n nimán nij síí caviꞌ maꞌ. Ne̱ se̱ riꞌyuj nee̱ man Síí Sa̱ꞌ Ina̱nj rihaan so̱ꞌ, qui̱ꞌyáá so̱ꞌ maꞌ.

1 Corintios 15:4

Dan me se cachinꞌ nii man soꞌ, ga̱a ne̱ cachén vaꞌnu̱j güii, ne̱ cunuu iꞌna̱ꞌ uún soꞌ nda̱a vaa taj Danj Yaꞌanj a.

Gálatas 3:8

Dan me se ga̱a naá neꞌen Yaꞌanj se vaa cuchuma̱n rá nij yuvii̱ yaníj ni̱ꞌyaj nij soꞌ man Yaꞌanj, ne̱ neꞌen Yaꞌanj se vaa cunu̱u sa̱ꞌ nij soꞌ rihaan Yaꞌanj, quiꞌya̱j maꞌa̱n Yaꞌanj, ne̱ cheꞌé dan me nataꞌ Yaꞌanj snana̱ Yaꞌanj nana̱ sa̱ꞌ rihaan Abraham, cataj Yaꞌanj a: “Cheꞌé se vaa quiꞌyáá so̱ꞌ roꞌ, cheꞌé dan me qui̱ꞌyáá ꞌu̱nj se lu̱j cheꞌé ta̱ranꞌ nij xꞌneꞌ yuvii̱ ino̱ vaa stucua̱nj ma̱n rihaan chumii̱ ado̱nj”, taj Yaꞌanj rihaan Abraham asi̱j taj va̱j a̱ ꞌó yuvii̱ neꞌen snana̱ Yaꞌanj nana̱ sa̱ꞌ, ne̱ nu̱ꞌ nana̱ yoꞌ nana̱ caꞌmii Yaꞌanj rihaan Abraham roꞌ, canó nana̱ yoꞌ rihaan Danj Yaꞌanj a.