Hechos 2:3 - Triqui de San Juan Copala

³ Ga̱a ne̱ queneꞌen nij soꞌ rasu̱u̱n, ne̱ ase vaa daa yaꞌan cuxraꞌ taꞌa̱j vaa rasu̱u̱n queneꞌen nij soꞌ, ne̱ quitáá rasu̱u̱n yoꞌ raa̱ ꞌo̱ ꞌo̱ nij soꞌ a.

Hechos 2:3 ပူးပေါင်းရင်းမြစ်များ

San Mateo 3:11

’ꞌU̱nj nihánj me se na u̱u̱n utaꞌ ne ꞌu̱nj man soj si̱j nuchranꞌ nimán canocoꞌ chrej sa̱ꞌ a. Tza̱j ne̱ vaa ꞌó síí caꞌna̱ꞌ, ne̱ si̱j nucua̱j doj me soꞌ rihanj a. Cheꞌé dan me a̱ doj ne nó xcúnj na̱chej nuj correá ꞌni̱j tacanj soꞌ maꞌ Ne̱ caꞌna̱ꞌ soꞌ, ne̱ cuta̱ꞌ ne soꞌ nimán soj ga̱ maꞌa̱n Nimán Yaꞌanj, ne̱ caxri̱i̱ yaꞌan soꞌ man soj si̱j naꞌvej rá cuno̱ rihaan Yaꞌanj, ne̱ caca̱a̱ soj ado̱nj.

San Mateo 3:15

Ga̱a ne̱ cataj Jesús rihaan soꞌ a: ―Caꞌve̱j so̱ꞌ cuta̱ꞌ ne so̱ꞌ manj á. Da̱nj quiꞌya̱j ro̱ꞌ, cheꞌé se no̱ xcúún ro̱ꞌ quiꞌya̱j ro̱ꞌ nu̱ꞌ se vaa me rá Yaꞌanj quiꞌya̱j níꞌ ado̱nj ―taj Jesús rihaan Juan a. Ga̱a ne̱ caꞌvej rá Juan, ne̱ cutaꞌ ne soꞌ man Jesús a.

San Lucas 24:32

Ga̱a ne̱ cataj ro̱j soꞌ rihaan tuviꞌ ro̱j soꞌ a: ―ꞌO̱ se ga̱a caꞌmii soꞌ ga̱ níꞌ ga̱a va̱j níꞌ chrej do̱ꞌ, ga̱a cataj xnaꞌanj soꞌ cheꞌé Danj Yaꞌanj do̱ꞌ, ga̱a ne̱ guun niha̱ꞌ uxrá rá nimán níꞌ, ne̱ nda̱a tiquisii maꞌa̱n nimán níꞌ, quiꞌyaj soꞌ a ―taj ro̱j soꞌ rihaan tuviꞌ ro̱j soꞌ a.

Hechos 1:15

Ne̱ güii dan me se canicunꞌ Pedró tanu̱u̱ nij tinu̱j nij soꞌ a. Dan me se cientó táá ico̱ (120) yuvii̱ me nij yuvii̱ cunuu chre̱ꞌ rej ma̱n nij soꞌ ta̱ꞌ asuun a. Dan me se cataj Pedró rihaan nij soꞌ a:

Hechos 2:11

Ne̱ vaa síí cavii Creta do̱ꞌ, Arabia do̱ꞌ, uún a. Ne̱ nihánj me se nda̱a uno ꞌo̱ ꞌo̱ níꞌ se‑xnaꞌa̱nj níꞌ, ꞌyaj nij soꞌ aꞌmii nij soꞌ, ne̱ nataꞌ ndoꞌo nij soꞌ cheꞌé nu̱ꞌ nij suun sa̱ꞌ naco̱o quiꞌyaj Yaꞌanj á ―taj cunuda̱nj nij yuvii̱ yoꞌ a.

Hechos 2:2

Ne̱ ta̱j niꞌyo̱n cuno ta̱ranꞌ nij síí ya̱nj rá veꞌ se vaa nda̱a cayu̱j maꞌa̱n rá veꞌ, ne̱ da̱j se uun ráꞌ unóꞌ nana̱ yuva̱a̱ avii rej xta̱ꞌ roꞌ, da̱nj guun rá nij soꞌ ga̱a cayu̱j rá veꞌ a.

Hechos 2:4

Ne̱ caraa ndoꞌo Nimán Yaꞌanj nimán ta̱ranꞌ nij soꞌ, ga̱a ne̱ guun cheꞌe̱ nij soꞌ caꞌmii nij soꞌ xnaꞌánj ino̱ vaa, nda̱a vaa caꞌvee caꞌmi̱i̱ ꞌo̱ ꞌo̱ nij soꞌ quiꞌyaj Nimán Yaꞌanj a.

1 Corintios 12:10

ꞌÓ tinúú níꞌ me síí uun nucua̱j ꞌyaj suun sa̱ꞌ noco̱o, ne̱ ꞌó tinúú níꞌ uun nucua̱j nataꞌ nana̱ rqué Yaꞌanj rihaan, ne̱ ꞌó tinúú níꞌ me síí uun nucua̱j xcaj cuentá da̱j vaa nana̱ aꞌmii ꞌo̱ ꞌo̱ níꞌ, ne̱ soꞌ roꞌ, me síí neꞌen sese snana̱ Nimán Yaꞌanj aꞌmii níꞌ niꞌ, ase snana̱ Síí Chre̱e aꞌmii níꞌ a. Ne̱ vaa ꞌó tinúú níꞌ aꞌmii xnaꞌánj naca̱ xnaꞌánj ne neꞌen a̱ maꞌa̱n nij soꞌ maꞌ. Ne̱ ꞌó tinúú níꞌ roꞌ, me síí nataꞌ me se me raj cata̱a nana̱ caꞌmii tinúú níꞌ síí aꞌmii xnaꞌánj naca̱ yoꞌ a.

Santiago 3:6

Ne̱ ase vaa yaꞌan vaa nana̱ aꞌmii daa níꞌ, ne̱ uun nucua̱j daa níꞌ quiꞌya̱j ndoꞌo yoꞌ se chiꞌi̱i̱, ne̱ nda̱a riꞌ nu̱ꞌ man níꞌ, ꞌyaj daa níꞌ na̱nj ado̱nj. Riꞌ na̱nj níꞌ, ꞌyaj daa níꞌ, ne̱ Síí Chre̱e me síí ꞌyaj aꞌmii daa níꞌ nana̱ chiꞌi̱i̱ na̱nj á.

Apocalipsis 11:3

Ne̱ cune̱ꞌ ꞌu̱nj man vi̱j ro̱j síí nata̱ꞌ rihaan yuvii̱ cheꞌé ꞌu̱nj, ne̱ ꞌo̱ míj táá vi̱j cientó táá vaꞌnu̱j chiha̱a̱ (1,260) güii me se caꞌmi̱i̱ natáj ro̱j soꞌ rihaan yuvii̱, ne̱ cu̱nuû ro̱j soꞌ yatzíj nij niha̱nj a ―taj nii rihanj a.

Apocalipsis 14:6

Ga̱a ne̱ queneꞌén ꞌu̱nj ꞌó se‑mo̱zó Yaꞌanj va̱j tanu̱u̱ rihaan riscaꞌ xta̱ꞌ, ne̱ nica̱j soꞌ snana̱ Yaꞌanj nana̱ sa̱ꞌ se vaa ꞌo̱ ga̱a̱ nu̱ꞌ cavii nu̱ꞌ caꞌanj nata̱ꞌ soꞌ rihaan nij yuvii̱ man rihaan chumii̱ a. Caꞌanj nata̱ꞌ soꞌ rihaan yuvii̱ ma̱n da̱j a̱ yoꞌóó noco̱o do̱ꞌ, rihaan da̱j a̱ xꞌneꞌ yuvii̱ ino̱ vaa stucua̱nj do̱ꞌ, rihaan da̱j a̱ xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, rihaan yuvii̱ ma̱n da̱j a̱ chumanꞌ do̱ꞌ a.