Hechos 2:27 - Triqui de San Juan Copala

²⁷ ꞌO̱ se se̱ tanáj so̱ꞌ nimanj rej ma̱n nimán nij síí caviꞌ maꞌ. Ne̱ se̱ riꞌyuj nee̱ man Síí Sa̱ꞌ Ina̱nj rihaan so̱ꞌ, qui̱ꞌyáá so̱ꞌ maꞌ.

Hechos 2:27 ပူးပေါင်းရင်းမြစ်များ

San Mateo 11:23

’Ne̱ vaa soj si̱j ma̱n chumanꞌ Capernaum uún á. Síí sa̱ꞌ ina̱nj me maꞌa̱n soj, rá soj naꞌ. Taj maꞌ. Ta̱güéj Yaꞌanj man soj nda̱a rej ma̱n nimán nij síí caviꞌ ado̱nj. Dan me se nij síí ma̱n chumanꞌ Sodoma roꞌ, me síí chiꞌi̱i̱ nimán a. Tza̱j ne̱ sese caꞌanj ꞌu̱nj chiháán nij soꞌ quiꞌyáj nij suun sa̱ꞌ noco̱o niꞌya̱j nij soꞌ, ne̱ cuno nij soꞌ snana̱j, ne̱ guun ya̱ rá nij soꞌ se vaa tumé nij soꞌ cacunꞌ, ne̱ nuchranꞌ nimán nij soꞌ, ne̱ ne caca̱a̱ chiháán nij soꞌ tza̱j maꞌ. Ne̱ na̱j chiháán nij soꞌ nda̱a cuano̱ asuun tza̱j a.

San Marcos 1:24

―Jesús si̱j cavii Nazaret, me cheꞌé raꞌyunj so̱ꞌ man núj ga̱. ꞌNáꞌ so̱ꞌ ti̱ríꞌ so̱ꞌ man núj naꞌ. Neꞌenj mán so̱ꞌ se vaa Síí Sa̱ꞌ Ina̱nj cavii rihaan Yaꞌanj mé so̱ꞌ ado̱nj ―taj soꞌ quiꞌyaj nana̱ chre̱e nu̱u̱ nimán soꞌ a.

San Lucas 1:35

Ga̱a ne̱ cataj se‑mo̱zó Yaꞌanj rihaan Mariá a: ―Nani̱j Nimán Yaꞌanj catu̱u̱ soꞌ nimán so̱ꞌ, ne̱ ca̱ráán se‑nucua̱j Yaꞌanj Si̱j Uun Chij Doj mán so̱ꞌ ga̱ scachu̱nꞌ soꞌ, ne̱ cheꞌé dan cuchru̱j so̱ꞌ neꞌej sa̱ꞌ ina̱nj rihaan Yaꞌanj, ne̱ Taꞌníí Yaꞌanj me neꞌej cuchru̱j so̱ꞌ, cata̱j yuvii̱ a.

San Lucas 16:23

Dan me se caꞌanj soꞌ rej ma̱n nimán nij síí caviꞌ, ne̱ ranꞌ uxrá soꞌ sayuun rej yoꞌ, ga̱a ne̱ naxca̱j soꞌ rihaan soꞌ, ne̱ queneꞌen soꞌ se vaa ga̱nꞌ ndoꞌo yáán Abraham, ne̱ naꞌya̱a̱n Abraham man Lázaro a.

San Lucas 24:44

Ga̱a ne̱ cataj soꞌ rihaan nij soꞌ a: ―Nihánj me nana̱ caꞌmii ꞌu̱nj rihaan nij soj ga̱a va̱j ꞌu̱nj ga̱ soj, se vaa cataj ꞌu̱nj vaa cheꞌé quisi̱j ya̱ nu̱ꞌ nana̱ aꞌmii cheꞌé ꞌu̱nj nana̱ no̱ rihaan yanj no̱ stucua̱nj Moisés do̱ꞌ, yanj no̱ snana̱ nij síí nataꞌ snana̱ Yaꞌanj ga̱a naá do̱ꞌ, yanj no̱ nij chraꞌ salmó do̱ꞌ a ―taj soꞌ rihaan nij soꞌ a.

San Lucas 4:34

―Jesús si̱j cavii Nazaret, me cheꞌé raꞌyunj so̱ꞌ man núj ga̱. ꞌNáꞌ so̱ꞌ ti̱ríꞌ so̱ꞌ man núj naꞌ. Neꞌenj mán so̱ꞌ se vaa Síí Sa̱ꞌ Ina̱nj cavii rihaan Yaꞌanj mé so̱ꞌ ado̱nj ―taj soꞌ quiꞌyaj nana̱ chre̱e nu̱u̱ nimán soꞌ a.

San Juan 11:39

Ga̱a ne̱ cataj Jesús a: ―Naxu̱u̱n soj yahij rihaan yuꞌuj á ―taj Jesús a. Ga̱a ne̱ cataj raꞌvij síí caviꞌ chana̱ cuꞌna̱j Marta rihaan soꞌ a: ―Tza̱j ne̱ gunꞌ riꞌyu̱j man soꞌ ya̱j, Señor. ꞌO̱ se quisíj caꞌa̱nj ya̱ güii naj cúú man soꞌ na̱nj ado̱nj ―taj noꞌ rihaan soꞌ a.

Hechos 2:26

Cheꞌé dan guun niha̱ꞌ ndoꞌo rá nimanj, ne̱ caꞌmij nana̱ niha̱ꞌ cavii nimanj a. ꞌO̱ se ꞌo̱ guun ya̱ raj se vaa ya̱ cavi̱i̱ sa̱ꞌ ꞌu̱nj na̱nj ado̱nj.

Hechos 2:28

Dan me se tihaán so̱ꞌ rihanj tucuáán ca̱nocoj ne̱ caꞌve̱e ga̱a̱ iꞌna̱ꞌ ꞌu̱nj a. Ne̱ gu̱un niha̱ꞌ ndoꞌo rá nimanj, qui̱ꞌyáá so̱ꞌ, asa̱ꞌ canicúnꞌ ꞌu̱nj rihaan so̱ꞌ ado̱nj. Nihánj me snana̱ rey cuꞌna̱j David yoꞌ a.

Hechos 2:31

Asi̱j naá queneꞌen soꞌ, ne̱ caꞌmii soꞌ cheꞌé se vaa cunu̱u iꞌna̱ꞌ Síí Caꞌne̱j Yaꞌanj ado̱nj. ꞌO̱ se cataj soꞌ se vaa se̱ quináj nimán soꞌ rej ma̱n nimán nij síí caviꞌ, ne̱ se̱ quixtunꞌ nu̱ꞌ nee̱ man soꞌ maꞌ.

Hechos 3:14

’Dan me se cataj soj se vaa ne gu̱un rá soj ni̱ꞌyaj soj man Síí Sa̱ꞌ Ina̱nj do̱ꞌ, Síí Nica̱ Ina̱nj Nimán do̱ꞌ maꞌ. Ma̱an se cachíín niꞌya̱j soj rihaan Pilató se vaa quiri̱i̱ soꞌ tagaꞌ man ꞌo̱ síí ticaviꞌ man yuvii̱ a.

Hechos 4:27

’Dan me se ya̱ ya̱ cunuu chre̱ꞌ rey cuꞌna̱j Herodes do̱ꞌ, síí cuꞌna̱j Poncio Pilató do̱ꞌ, nij síí yaníj do̱ꞌ, nij yuvii̱ israelitá do̱ꞌ, rque chumanꞌ nihánj, cheꞌé rej quiꞌya̱j nij soꞌ sayuun man Taꞌníí so̱ꞌ síí sa̱ꞌ ina̱nj cuꞌna̱j Jesús, síí cunéꞌ so̱ꞌ man ti̱nanii man núj rihaan sayuun a.

1 Corintios 15:52

ne̱ dan me se da̱j se uun ráꞌ ga̱a nanij do̱j yuvé scuꞌlu̱ꞌ rihanꞌ roꞌ, da̱nj gu̱un u̱u̱n do̱j ráꞌ asa̱ꞌ quisíj orá cunu̱u ino̱ níꞌ na̱nj ado̱nj. ꞌO̱ se asa̱ꞌ caꞌyánj o̱rúnꞌ se‑mo̱zó Yaꞌanj noco̱ꞌ taquii doj chruun aꞌyánj, ne̱ cunu̱u iꞌna̱ꞌ nu̱ꞌ nij síí caviꞌ, tza̱j ne̱ ino̱ ga̱a̱ nij soꞌ, ne̱ se̱ caviꞌ uún nij soꞌ daj chiha̱a̱ míj ga̱a a̱ maꞌ. Dan me se quisíj cunuu iꞌna̱ꞌ nij síí caviꞌ, ga̱a ne̱ cunu̱u ino̱ ta̱ranꞌ níꞌ si̱j ga̱a̱ iꞌna̱ꞌ rihaan chumii̱ nihánj ado̱nj.

1 Corintios 15:55

Me rej vaj se ꞌyaj aviꞌ yuvii̱ ga̱. Me rej vaj se nucua̱j yoꞌ ga̱. Ya̱j me se se̱ nanó rá níꞌ se vaa quira̱nꞌ uún níꞌ sayuun maꞌ. ꞌO̱ se daj chiha̱a̱ míj se̱ caviꞌ níꞌ maꞌ. ꞌO̱ quiꞌyaj canaán ya̱ níꞌ ado̱nj”, taj Danj Yaꞌanj, ne̱ quisi̱j ya̱ nu̱ꞌ nana̱ yoꞌ ado̱nj.

1 Juan 2:20

Ne̱ xa̱ꞌ soj, tza̱j ne̱ nu̱u̱ Nimán Yaꞌanj nimán soj, ne̱ xcaj soj cuentá ne̱ neꞌen cunuda̱nj soj nana̱ ya̱ ꞌyaj Nimán Yaꞌanj ado̱nj.

Apocalipsis 1:18

Ne̱ síí vaa iꞌna̱ꞌ mej a. Dan me se cavíꞌ ꞌu̱nj, tza̱j ne̱ cuano̱ nihánj me se vaa iꞌna̱ꞌ uún ꞌu̱nj, ne̱ dan me se ꞌo̱ ga̱a̱ iꞌna̱ꞌ ꞌu̱nj nu̱ꞌ cavii nu̱ꞌ caꞌanj ado̱nj. Ne̱ ꞌu̱nj roꞌ, me síí ata̱ suun cata̱j me síí cavi̱ꞌ ne̱ me síí caꞌa̱nj rej ma̱n nimán nij síí caviꞌ ado̱nj.

Apocalipsis 20:13

Dan me se narqué na yaꞌa̱nj nu̱ꞌ nij síí caviꞌ rque na yaꞌa̱nj, ne̱ narqué se ꞌyaj aviꞌ yuvii̱ do̱ꞌ, rej ma̱n nij síí caviꞌ do̱ꞌ, nu̱ꞌ nij síí caviꞌ na̱j rej yoꞌ nuriha̱nj nij soꞌ canicunꞌ nij soꞌ rihaan síí ta̱j chruun xlá sa̱ꞌ xi̱j catzi̱i̱ yoꞌ a. Dan me se caꞌneꞌ Yaꞌanj cacunꞌ cheꞌé ꞌo̱ ꞌo̱ nij soꞌ nda̱a vaa quiꞌyaj ꞌo̱ ꞌo̱ nij soꞌ a.

Apocalipsis 3:7

Ga̱a ne̱ cataj uún soꞌ rihanj a: ―Nana̱ nihánj me nana̱ cachro̱n so̱ꞌ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Filadelfia a: “Dan me se nihánj me nana̱ aꞌmii ꞌu̱nj Si̱j Sa̱ꞌ Ina̱nj, Si̱j Aꞌmii Ina̱nj Nana̱ Ya̱ cuno̱ soj a. Ne̱ ꞌu̱nj roꞌ, me síí uun chij ndoꞌo nda̱a vaa guun chij rey cuꞌna̱j David ga̱a naá ado̱nj. Dan me se ga̱a aꞌnúj ꞌu̱nj taꞌyaa, ne̱ taj síí quisi̱j na̱ráán taꞌyaa yoꞌ maꞌ. Ne̱ ga̱a aráán ꞌu̱nj taꞌyaa, ne̱ taj síí quisi̱j caꞌnu̱u̱ uún taꞌyaa yoꞌ maꞌ.