Hechos 2:22 - Triqui de San Juan Copala

²² ’Ne̱ cuano̱ nihánj me se cuno̱ soj si̱j israelitá nana̱ nihánj á. Dan me se a̱j queneꞌen nij soj da̱j quiꞌyaj Jesús síí cavii chumanꞌ Nazaret, se vaa guun nucua̱j soꞌ quiꞌyaj ndoꞌo soꞌ da̱j a̱ nij suun sa̱ꞌ noco̱o tihaa̱n se vaa ya̱ Síí Caꞌnéé Yaꞌanj me soꞌ ado̱nj.

Hechos 2:22 ပူးပေါင်းရင်းမြစ်များ

San Mateo 12:28

Tza̱j ne̱ ꞌu̱nj me se ya̱ Nimán Yaꞌanj me síí racuíj manj rii ꞌu̱nj nana̱ chre̱e nimán yuvii̱ ado̱nj. Cheꞌé dan xca̱j soj cuentá se vaa a̱j guun cheꞌe̱ Yaꞌanj uun chij Yaꞌanj scaꞌnúj soj ado̱nj.

San Mateo 2:23

ne̱ cuchiꞌ soꞌ chumanꞌ Nazaret, ne̱ cayáán soꞌ chumanꞌ yoꞌ a. Veé dan quisíj ya̱ nu̱ꞌ nana̱ cataj nij síí nataꞌ snana̱ Yaꞌanj ga̱a naá a: “Síí cavii Nazaret me Síí Caꞌne̱j Yaꞌanj ado̱nj”, taj nij soꞌ a.

San Mateo 9:8

Ne̱ queneꞌen nij yuvii̱ se vaa nahuun sa̱ꞌ soꞌ, quiꞌyaj Jesús, ne̱ cheꞌé dan caráyaꞌa̱nj nij soꞌ, niꞌya̱j nij soꞌ man Jesús, ne̱ veꞌé uxrá caꞌmii nij soꞌ cheꞌé Yaꞌanj, se vaa guun nucua̱j Jesús racuíj ndoꞌo Jesús da̱nj man yuvii̱, quiꞌyaj Yaꞌanj ado̱nj.

San Lucas 11:20

Tza̱j ne̱ ꞌu̱nj me se ya̱ maꞌa̱n raꞌa Yaꞌanj racuíj manj rii ꞌu̱nj man nij nana̱ chre̱e nimán nij yuvii̱ ado̱nj. Cheꞌé dan xca̱j soj cuentá se vaa a̱j guun cheꞌe̱ Yaꞌanj uun chij Yaꞌanj scaꞌnúj soj ado̱nj.

San Lucas 18:37

Ga̱a ne̱ cataj xnaꞌanj nii rihaan soꞌ se vaa Jesús síí cavii chumanꞌ Nazaret me síí achén rej ya̱nj nij soꞌ a.

San Lucas 24:18

Dan me se ꞌo̱ soꞌ me síí cuꞌna̱j Cleofas, ne̱ cataj soꞌ rihaan Jesús a: ―Cunuda̱nj nij síí aranꞌ chumanꞌ Jerusalén neꞌen da̱j vaa guun chumanꞌ Jerusalén nij güii cachén nihánj ado̱nj. Ne̱ me cheꞌé da̱j o̱ruún so̱ꞌ me síí ne neꞌen da̱j vaa guun ga̱ ―taj soꞌ, xnáꞌanj soꞌ man Jesús a.

San Juan 1:45

Veé dan, ne̱ nariꞌ Felipé man síí cuꞌna̱j Natanael, ne̱ cataj soꞌ a: ―A̱j nariꞌ núj man síí caꞌmii Moisés cheꞌé ga̱a cuchruj soꞌ stucua̱nj soꞌ, ne̱ nij síí nataꞌ snana̱ Yaꞌanj ga̱a naá roꞌ, nataꞌ nij soꞌ cheꞌé soꞌ uún na̱nj ado̱nj. Ne̱ dan me se Jesús taꞌníí síí cuꞌna̱j José, síí cavii chumanꞌ Nazaret me soꞌ ado̱nj ―taj Felipé rihaan Natanael yoꞌ a.

San Juan 10:37

ꞌO̱ se sese ne ꞌyáá ꞌu̱nj se‑su̱u̱n Réj Yaꞌanj, ne̱ caꞌve̱e caꞌne̱ꞌ rá soj ga̱ suun amán rá niꞌya̱j manj chugua̱nj.

San Juan 11:47

Cheꞌé dan naquiꞌyaj chre̱ꞌ nij xrej ata̱ suun noco̱o do̱ꞌ, nij síí fariseo do̱ꞌ, man Xꞌneꞌ Nij Síí Ata̱ Suun Noco̱o Doj, ga̱a ne̱ cataj nij soꞌ a: ―Da̱j quiꞌya̱j níꞌ, rá soj ga̱. ꞌO̱ se xa̱ꞌ snóꞌo nihánj, tza̱j ne̱ ꞌyaj uxrá soꞌ suun sa̱ꞌ noco̱o ado̱nj.

San Juan 12:17

Dan me se nij yuvii̱ cumán ga̱ Jesús me se cataj xnaꞌanj nij soꞌ nu̱ꞌ se vaa guun ga̱a canacúún Jesús man síí cuꞌna̱j Lázaro se vaa cu̱riha̱nj soꞌ yuꞌuj yuvej ne̱ cunuu iꞌna̱ꞌ uún ya̱ Lázaro quiꞌyaj Jesús a.

San Juan 15:24

Ne̱ suun sa̱ꞌ noco̱o quiꞌyáj queneꞌen nij soꞌ me se ne quiꞌya̱j a̱ ꞌó yuvii̱ suun sa̱ꞌ noco̱o vaa da̱nj maꞌ. Ne̱ sese ne qui̱ꞌyáj suun sa̱ꞌ noco̱o yoꞌ queneꞌe̱n nij soꞌ, ne̱ ne tumé nij soꞌ cacunꞌ tza̱j maꞌ. Tza̱j ne̱ ya̱j me se a̱j queneꞌen nij soꞌ nij suun sa̱ꞌ noco̱o quiꞌyáj, ne̱ quitáá riꞌyunj nij soꞌ mán ꞌu̱nj do̱ꞌ, man Réj Yaꞌanj do̱ꞌ na̱nj ado̱nj.

San Juan 19:19

Ne̱ caꞌneꞌ síí cuꞌna̱j Pilató suun, se vaa cano̱ letrá rihaan ꞌo̱ rcuchra̱ꞌ, ne̱ cano̱ rcuchra̱ꞌ yoꞌ raa̱ rcutze̱, ne̱ letrá yoꞌ taj xnaꞌanj me cheꞌé cavi̱ꞌ Jesús a. Ne̱ nihánj me se taj letrá no̱ rihaan rcuchra̱ꞌ yoꞌ a: “Síí nihánj me Jesús síí cavii chumanꞌ Nazaret, ne̱ síí nica̱j suun rey uun chij rihaan nij yuvii̱ israelitá me soꞌ a”, taj letrá yoꞌ a.

San Juan 3:2

Dan me se rej nii̱ caꞌnaꞌ soꞌ rihaan Jesús, ne̱ cataj soꞌ a: ―Neꞌen núj se vaa si̱j caꞌnéé Yaꞌanj tu̱cuꞌyón man yuvii̱ mé so̱ꞌ, maestro. ꞌO̱ se sese nuviꞌ Yaꞌanj racuíj mán so̱ꞌ, ne̱ se̱ guun nu̱cuáá so̱ꞌ qui̱ꞌyáá so̱ꞌ nij suun sa̱ꞌ noco̱o nda̱a vaa ꞌyáá so̱ꞌ nihánj cuano̱ asuun maꞌ ―taj soꞌ rihaan Jesús a.

San Juan 4:48

Ga̱a ne̱ cataj Jesús rihaan soꞌ a: ―Sese se̱ quiꞌyáj da̱j a̱ suun sa̱ꞌ noco̱o queneꞌe̱n soj, ne̱ daj chiha̱a̱ míj se̱ cuchumán rá soj ni̱ꞌyaj soj manj maꞌ ―taj Jesús rihaan soꞌ a.

San Juan 5:36

’Ne̱ xa̱ꞌ ꞌu̱nj nihánj, tza̱j ne̱ sa̱ꞌ doj vaa síí taj xnaꞌanj cheꞌé ꞌu̱nj rihaan síí cuꞌna̱j Juan a. Dan me se vaa suun caꞌneꞌ Réj rihanj se vaa ya̱ quisi̱j suun sa̱ꞌ yoꞌ qui̱ꞌyáj, ne̱ cheꞌé dan me ꞌyáá ꞌu̱nj nij suun sa̱ꞌ yoꞌ a. Cheꞌé maꞌa̱n suun sa̱ꞌ yoꞌ caꞌve̱e xca̱j soj cuentá se vaa si̱j caꞌnéé Réj Yaꞌanj mej ado̱nj.

San Juan 6:14

Dan me se ga̱a queneꞌen nij snóꞌo suun sa̱ꞌ noco̱o quiꞌyaj Jesús, ne̱ cataj nij soꞌ a: ―Síí nihánj roꞌ, ya̱ uxrá síí nataꞌ snana̱ Yaꞌanj, síí naꞌvi̱j níꞌ caꞌna̱ꞌ ya̱ rihaan chumii̱ nihánj me soꞌ chugua̱nj ―taj nij snóꞌo yoꞌ a.

San Juan 6:27

’Se̱ guun quiꞌya̱j suun soj cheꞌé ina̱nj se cha̱ soj maꞌ. ꞌO̱ se vaa güii, ne̱ navi̱j nu̱ꞌ nij rasu̱u̱n yoꞌ na̱nj ado̱nj. Cheꞌé dan quiꞌya̱j suun soj cheꞌé se vaa quiꞌya̱j cavi̱i̱ sa̱ꞌ nimán soj, ga̱a ne̱ ga̱a̱ iꞌna̱ꞌ ya̱ nimán soj nu̱ꞌ cavii nu̱ꞌ caꞌanj á. ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me síí rque̱ se sa̱ꞌ yoꞌ rihaan soj na̱nj ado̱nj. ꞌO̱ se Réj Yaꞌanj me síí cataj se vaa caꞌve̱e qui̱ꞌyáj da̱nj cheꞌé soj ado̱nj ―taj Jesús rihaan nij yuvii̱ a.

San Juan 7:31

Ne̱ queꞌe̱e̱ nij yuvii̱ cuchumán rá niꞌya̱j man soꞌ, ne̱ cataj nij soꞌ a: ―Caꞌve̱e se caꞌna̱ꞌ ꞌó soꞌ cata̱j soꞌ se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me soꞌ, tza̱j ne̱ daj chiha̱a̱ míj se̱ quisíj soꞌ quiꞌya̱j soꞌ doj suun sa̱ꞌ noco̱o rihaan suun sa̱ꞌ noco̱o quiꞌyaj síí nihánj a̱ maꞌ ―taj nij yuvii̱ niꞌya̱j nij soꞌ man Jesús a.

San Juan 9:33

Dan me se sese né si̱j caꞌnéé Yaꞌanj rihaan níꞌ me soꞌ, ne̱ daj chiha̱a̱ míj se̱ guun nucua̱j soꞌ quiꞌya̱j soꞌ da̱nj maꞌ ―taj síí naxraꞌ rihaan yoꞌ rihaan nij soꞌ a.

Hechos 13:16

Ga̱a ne̱ canicunꞌ caya̱ Pabló, ne̱ tucunó raꞌa Pabló cheꞌé rej cunu̱u dínj tuꞌva nij soꞌ, ne̱ cataj soꞌ a: ―Cuno̱ soj si̱j israelitá do̱ꞌ, soj si̱j yaníj aráj cochro̱j rihaan Yaꞌanj do̱ꞌ, caꞌmi̱j rihaan soj á.

Hechos 14:27

Dan me se ga̱a nucuiꞌ ro̱j soꞌ, ne̱ canacúún ro̱j soꞌ man xꞌneꞌ nij síí noco̱ꞌ man Jesucristó se vaa cunu̱u chre̱ꞌ nij soꞌ a. Ga̱a ne̱ cataj xnaꞌanj ro̱j soꞌ nu̱ꞌ se vaa quiꞌyaj Yaꞌanj ga̱ ro̱j soꞌ, ne̱ cataj ro̱j soꞌ se vaa ya̱ xꞌnúj rihaan nij yuvii̱ yaníj cuchuma̱n rá nij soꞌ ni̱ꞌyaj nij soꞌ man Jesucristó, quiꞌyaj Yaꞌanj a.

Hechos 2:19

Dan me se caꞌa̱nj ndoꞌo rá soj cheꞌé nij rasu̱u̱n noco̱o queneꞌe̱n soj rej xta̱ꞌ, qui̱ꞌyáj, ne̱ ga̱a̱ ndoꞌo rasu̱u̱n noco̱o queneꞌe̱n soj rihaan chumii̱, qui̱ꞌyáj, ne̱ queneꞌe̱n soj ton do̱ꞌ, yaꞌan do̱ꞌ, yachruu̱ do̱ꞌ a.

Hechos 2:43

Ne̱ cunuda̱nj nij yuvii̱ roꞌ, cuchuꞌviꞌ ndoꞌo nij soꞌ niꞌya̱j nij soꞌ da̱j a̱ nij suun sa̱ꞌ noco̱o quiꞌyaj nij síí ata̱ suun caꞌa̱nj nata̱ꞌ snana̱ Jesús a.

Hechos 21:28

Ne̱ caguáj nij síí cavii estadó Asia, cataj nij soꞌ a: ―Cuno̱ soj si̱j israelitá caꞌmi̱i̱ núj, ne̱ ra̱cuíj soj man núj á. ꞌO̱ se síí nihánj roꞌ, me síí tucuꞌyón man nij yuvii̱ ya̱nj cunuda̱nj chumanꞌ se vaa nij vaa níꞌ si̱j israelitá do̱ꞌ, se vaa nij vaa tucuáán noco̱ꞌ níꞌ do̱ꞌ, se vaa nij vaa nuvií noco̱o nihánj do̱ꞌ a. Ne̱ nda̱a yuvii̱ yaníj catúj rej ya̱nj nuvií noco̱o nihánj, ne̱ quiriꞌ rej gue̱e̱ nihánj, quiꞌyaj soꞌ na̱nj á ―taj nij soꞌ, niꞌya̱j nij soꞌ man Pabló a.

Hechos 22:8

Ga̱a ne̱ cataj ꞌu̱nj a: “Señor, me síí mé so̱ꞌ ga̱”, cataj ꞌu̱nj rihaan soꞌ, xnáꞌanj ꞌu̱nj man soꞌ a. Ga̱a ne̱ cataj soꞌ a: “ꞌU̱nj roꞌ, me Jesús síí cavii chumanꞌ Nazaret, ne̱ síí ꞌyaj ndoꞌo so̱ꞌ sayuun man mej ado̱nj”, taj soꞌ rihanj a.

Hechos 24:5

’Dan me se xcaj núj cuentá se vaa xa̱ꞌ síí nihánj, tza̱j ne̱ ase vaa yuvee xíj man naa̱ vaa soꞌ, ne̱ soꞌ me síí ꞌyaj se vaa ino̱ vaa rá cunuda̱nj nij síí israelitá ya̱nj rihaan chumii̱ nihánj ne̱ xraꞌ taꞌa̱j nij soꞌ a. Ne̱ soꞌ me síí uun chij rihaan nij síí noco̱ꞌ ꞌo̱ tucuáán ne̱ stucua̱nj síí cavii chumanꞌ Nazaret a.

Hechos 26:26

ꞌO̱ se si̱j nica̱j suun rey me síí nihánj, ne̱ soꞌ me síí neꞌen da̱j vaa nu̱ꞌ rasu̱u̱n natáꞌ ꞌu̱nj rihaan nij soj cuano̱ á. Ne̱ ne chuꞌvíꞌ ꞌu̱nj nata̱ꞌ ꞌu̱nj nu̱ꞌ nana̱ nihánj rihaan soꞌ maꞌ. ꞌO̱ se a̱j xcaj rey cuꞌna̱j Agripa cuentá cheꞌé nu̱ꞌ rasu̱u̱n nihánj, rá ꞌu̱nj á. ꞌO̱ se né ra̱su̱u̱n ꞌni̱j yuve̱ me rasu̱u̱n nihánj a̱ maan ado̱nj ―taj Pabló rihaan Festo a.

Hechos 26:9

’ꞌU̱nj nihánj me se ga̱a rque̱ guun ya̱ ya̱ rá ꞌu̱nj se vaa no̱ xcúún ꞌu̱nj quiꞌya̱j ndoꞌo ꞌu̱nj sayuun cheꞌé se‑chuvi̱i Jesús síí cavii chumanꞌ Nazaret a.

Hechos 3:12

Ne̱ ga̱a queneꞌen Pedró man nij yuvii̱, ne̱ cataj soꞌ rihaan nij yuvii̱ a: ―Cuno̱ soj si̱j israelitá caꞌmi̱j á. Me cheꞌé caꞌanj ndoꞌo rá soj se vaa chéé síí nihánj ga̱. Me cheꞌé niꞌya̱j ndoꞌo soj man rój ga̱. Se̱ guun rá soj se vaa cheꞌé se síí nucua̱j do̱ꞌ, síí gue̱e̱ do̱ꞌ, me maꞌa̱n rój, ne̱ quiꞌyaj rój se vaa cachéé soꞌ maꞌ.

Hechos 3:6

Ga̱a ne̱ cataj Pedró rihaan soꞌ a: ―Taj va̱j a̱ doj saꞌanj rihaan ꞌu̱nj maꞌ. Tza̱j ne̱ rque̱ ꞌu̱nj se vaa rihaan ꞌu̱nj mán so̱ꞌ ado̱nj. Dan me se cheꞌé se‑chuvi̱i Jesucristó síí cavii chumanꞌ Nazaret taj xnaꞌanj ꞌu̱nj rihaan so̱ꞌ se vaa na̱xuma̱a̱n so̱ꞌ ne̱ cache̱e̱ so̱ꞌ á ―taj Pedró rihaan soꞌ a.

Hechos 4:10

Cheꞌé dan xca̱j nij soj do̱ꞌ, ta̱ranꞌ nij yuvii̱ israelitá do̱ꞌ, cuentá se vaa cheꞌé se‑chuvi̱i Jesucristó Si̱j Caꞌnéé Yaꞌanj síí cavii chumanꞌ Nazaret nahuun sa̱ꞌ síí rengo̱ nihánj ne̱ nicu̱nꞌ soꞌ rihaan soj nihánj cuano̱ a. Ne̱ nij soj roꞌ, me nij síí quiꞌyaj cachrón nii man Jesús rihaan rcutze̱, tza̱j ne̱ cunuu iꞌna̱ꞌ uún soꞌ, quiꞌyaj Yaꞌanj a.

Hechos 5:35

Ga̱a ne̱ cataj Gamaliel rihaan ꞌó nij síí uun chij yoꞌ a: ―Cuno̱ soj si̱j israelitá nana̱ caꞌmi̱j rihaan nij soj cuano̱ á. Dan me se ta̱dó soj da̱j quiꞌya̱j soj ga̱ nij snóꞌo caꞌnaꞌ rihaan níꞌ nihánj á.

Hechos 6:14

ꞌO̱ se cuno núj se vaa cataj soꞌ se vaa Jesús síí cavii chumanꞌ Nazaret me síí tiri̱ꞌ nu̱ꞌ nuvií noco̱o nihánj, ne̱ natuna̱ soꞌ tucuáán cuchruj síí cuꞌna̱j Moisés cheꞌé níꞌ ado̱nj ―taj nij soꞌ, caꞌmii ne̱ nij soꞌ niꞌya̱j nij soꞌ man Esteban yoꞌ a.

2 Corintios 12:12

ꞌO̱ se da̱j a̱ nij suun sa̱ꞌ noco̱o ꞌyaj nij síí cuneꞌ Jesucristó roꞌ, quiꞌyáj niꞌya̱j soj, ne̱ dan me se naquiꞌyaj na̱j ndoꞌo ꞌu̱nj nimanj, ne̱ ne caꞌne̱ꞌ raj ga̱ suun ꞌyaj nij suun sa̱ꞌ noco̱o yoꞌ maꞌ.

Hebreos 2:4

Tihaa̱n Yaꞌanj se vaa ya̱ vaa rej nani̱i̱ níꞌ rihaan sayuun cheꞌé se rqué Nimán Yaꞌanj se nucua̱j man nij síí noco̱ꞌ man Cristó, ne̱ quiꞌyaj nij soꞌ da̱j a̱ suun sa̱ꞌ noco̱o, da̱j se me rá maꞌa̱n Yaꞌanj a.