Hechos 19:34 - Triqui de San Juan Copala

³⁴ Tza̱j ne̱ xcaj nij yuvii̱ cuentá se vaa si̱j israelitá me síí canicunꞌ rihaan nij soꞌ, ne̱ cheꞌé dan ꞌo̱ caguáj cunuda̱nj nij yuvii̱, cataj nij soꞌ a: ―Níí sa̱ꞌ noco̱o ndoꞌo me Diana taꞌanj Éfeso na̱nj á ―taj ta̱ranꞌ nij yuvii̱, ne̱ cunu̱ꞌ vi̱j ya̱ orá caguáj nij soꞌ da̱nj a.

Hechos 19:34 ပူးပေါင်းရင်းမြစ်များ

San Mateo 6:7

’Ne̱ ga̱a achíín niꞌya̱j soj rihaan Yaꞌanj, ne̱ se̱ quiꞌyaj soj se vaa ꞌyaj nij síí ne neꞌen da̱j vaa Yaꞌanj maꞌ. Dan me se aꞌmii rmaꞌa̱n nij soꞌ nana̱, tza̱j ne̱ ne neꞌen nij soꞌ me taj nana̱ yoꞌ maꞌ. Ma̱an cheꞌé se aꞌmii aꞌmii nij soꞌ, cheꞌé dan gu̱un niha̱ꞌ rá Yaꞌanj ne̱ cuno̱ Yaꞌanj nu̱ꞌ nana̱ aꞌmii nij soꞌ, rá nij soꞌ na̱nj ado̱nj.

Hechos 16:20

Ga̱a ne̱ caꞌanj nica̱j nij soꞌ man Pabló ga̱ Silas rihaan ro̱j cuese̱ uun chij rihaan chumanꞌ yoꞌ, ga̱a ne̱ cataj nij soꞌ a: ―Ro̱j síí nihánj me se na̱nj yuvii̱ israelitá me ro̱j soꞌ, ne̱ uun rmi̱i̱ rá nu̱ꞌ nij síí ma̱n chiháán níꞌ ꞌyaj ro̱j soꞌ na̱nj á.

Hechos 19:24

Dan me se vaa ꞌo̱ síí cuꞌna̱j Demetrio ne̱ síí ꞌyaj suun agaꞌ me soꞌ, ne̱ nij tuvi̱ꞌ nij soꞌ nica̱j agaꞌ platá catzi̱i̱ ne̱ ꞌyaj nij soꞌ nuvií leꞌe̱j nii, ne̱ ase vaa maꞌa̱n nuvií aráj gue̱e̱ yuvii̱ rihaan yaꞌanj cha̱na̱ cuꞌna̱j Diana vaa yoꞌ a. Ne̱ ꞌyaj canaán ndoꞌo nij soꞌ saꞌanj a.

Hechos 19:26

Ne̱ nihánj me se a̱j neꞌen níꞌ da̱j ꞌyaj síí cuꞌna̱j Pabló yoꞌ, ne̱ caꞌnaꞌ nana̱ rihaan níꞌ se vaa va̱j soꞌ nataꞌ soꞌ snana̱ soꞌ se vaa xa̱ꞌ yaꞌanj ꞌyaj yuvii̱, tza̱j ne̱ né yaꞌa̱nj ya̱ me yaꞌanj vaa da̱nj maꞌ. Ne̱ né ina̱nj chumanꞌ Éfeso nihánj me rej tuꞌva soꞌ da̱nj maꞌ. Tana̱nj va̱j soꞌ nda̱a nu̱ꞌ estadó Asia nihánj ta̱ꞌ asuun, ne̱ cuchumán rá queꞌe̱e̱ ndoꞌo yuvii̱ ma̱n estadó Asia nihánj cuno nij soꞌ snana̱ Pabló, ne̱ tanáj nij soꞌ stucua̱nj níꞌ quiꞌyaj Pabló ado̱nj.

Hechos 19:28

Dan me se ga̱a cuno nij soꞌ snana̱ Demetrio, ne̱ cuyanj uxrá rá nij soꞌ, ne̱ caguáj nij soꞌ, cataj nij soꞌ a: ―Níí sa̱ꞌ noco̱o ndoꞌo me Diana taꞌanj Éfeso na̱nj á ―taj nij soꞌ, caguáj nij soꞌ a.

Hechos 19:33

Dan me se tiguíj raꞌa nii man síí cuꞌna̱j Alejandró cu̱riha̱nj soꞌ scaꞌnúj nij yuvii̱, ne̱ canicunꞌ soꞌ rihaan nij yuvii̱ ri̱i̱, quiꞌyaj nij yuvii̱ israelitá, ne̱ guun rá taꞌa̱j nij yuvii̱ se vaa caꞌmi̱i̱ Alejandró rihaan nij soꞌ a. Ga̱a ne̱ tucunó raꞌa soꞌ rihaan nij yuvii̱ se vaa dínj ga̱a̱ tuꞌva nij yuvii̱, ga̱a ne̱ caꞌve̱e caꞌmi̱i̱ naca̱j soꞌ rihaan chumanꞌ a.

Hechos 19:35

Nda̱a síj, ga̱a ne̱ caꞌneꞌ rá nij yuvii̱ caguáj nij soꞌ, quiꞌyaj síí utaꞌ yanj tucuá suun, ne̱ cataj maꞌa̱n soꞌ rihaan nij yuvii̱ a: ―Cuno̱ soj si̱j ma̱n chumanꞌ Éfeso caꞌmi̱j á. Ya̱ ya̱ cunuda̱nj yuvii̱ ma̱n rihaan chumii̱ neꞌen se vaa chumanꞌ Éfeso nihánj me chumanꞌ aráj gue̱e̱ rihaan yaꞌanj sa̱ꞌ noco̱o ndoꞌo cuꞌna̱j Diana ga̱ yahij quinij rej xta̱ꞌ cuya̱a̱n vaa ga̱ noꞌ ado̱nj.

Romanos 2:22

Taj so̱ꞌ se vaa se̱ cotoj ꞌo̱ soꞌ ga̱ ꞌó yuvii̱ sese né ni̱ca̱ soꞌ me, tza̱j ne̱ me cheꞌé otoj so̱ꞌ ga̱ nica̱ tuvíꞌ so̱ꞌ ga̱an. Nij ndoꞌo vaa yaꞌanj quiꞌyaj maꞌa̱n yuvii̱, rá so̱ꞌ, tza̱j ne̱ me cheꞌé ꞌyaj itu̱u̱ so̱ꞌ saꞌanj nu̱u̱ tacóó nij yaꞌanj yoꞌ ga̱an.

Apocalipsis 13:4

ne̱ caráj gue̱e̱ nij yuvii̱ rihaan xcuáá tuꞌvi̱i yoꞌ, cheꞌé se guun nucua̱j xcuu yuva̱a̱ yoꞌ guun chij yoꞌ, quiꞌyaj maꞌa̱n xcuáá tuꞌvi̱i yoꞌ a. Ne̱ caráj gue̱e̱ nij yuvii̱ rihaan xcuu yuva̱a̱ uún, cataj nij yuvii̱ a: ―Me ꞌó síí caꞌve̱e quiꞌya̱j nda̱a vaa ꞌyaj xcuu yuva̱a̱ nihánj ga̱. Taj va̱j a̱ doj síí gu̱un nucua̱j cunu̱ꞌ ga̱ soꞌ maꞌ ―taj nij yuvii̱ niꞌya̱j nij yuvii̱ man xcuu yuva̱a̱ yoꞌ a.