Hechos 19:31 - Triqui de San Juan Copala

³¹ Ne̱ taꞌa̱j nij síí uun chij rihaan nu̱ꞌ estadó Asia roꞌ, me tuviꞌ Pabló, ne̱ caꞌnéé nij soꞌ nana̱ rihaan Pabló se vaa daj chiha̱a̱ míj se̱ guun catu̱u̱ Pabló rej cunuu chre̱ꞌ nij yuvii̱ a.

Hechos 19:31 ပူးပေါင်းရင်းမြစ်များ

San Marcos 1:40

Ga̱a ne̱ caꞌnaꞌ ꞌo̱ síí ranꞌ luj riꞌyuj, ne̱ caꞌanj ca̱yáán ru̱j soꞌ tacóó Jesús, ne̱ cachíín niꞌya̱j soꞌ rihaan Jesús a: ―Sese me rá so̱ꞌ, ne̱ caꞌve̱e naquiꞌya̱j sa̱ꞌ so̱ꞌ manj á ―taj soꞌ a.

Hechos 16:6

Dan me se caráán Nimán Yaꞌanj chrej rihaan nij soꞌ nata̱ꞌ nij soꞌ snana̱ Yaꞌanj estadó cuꞌna̱j Asia, ne̱ cheꞌé dan cachén nij soꞌ rej estadó Frigia do̱ꞌ, rej yoꞌóó Galacia do̱ꞌ a.

Hechos 19:10

Ne̱ quisíj vi̱j ya̱ yoꞌ quiꞌyaj soꞌ da̱nj, ne̱ cheꞌé dan cunuda̱nj nij síí israelitá ga̱ nij síí yaníj aꞌmii xnaꞌánj griego ya̱nj estadó Asia xcaj cuentá cheꞌé snana̱ Jesús Si̱j ꞌNi̱j Raꞌa man níꞌ a.

Hechos 19:29

Ga̱a ne̱ ꞌo̱ nachej raa̱ cunuda̱nj nij yuvii̱ ma̱n chumanꞌ Éfeso yoꞌ, ne̱ taꞌaa nij yuvii̱ man síí cuꞌna̱j Gayo ga̱ síí cuꞌna̱j Aristarco cheꞌé se si̱j chéé ga̱ Pabló me ro̱j soꞌ, ne̱ si̱j cavii estadó Macedonia me ro̱j soꞌ a. Dan me se nica̱j cunuda̱nj nij yuvii̱ man ro̱j soꞌ, caꞌanj nij yuvii̱, ne̱ cunánj nij soꞌ catúj nij soꞌ rej estadió nuu chre̱ꞌ ri̱i̱ uxrá yuvii̱ a.

Hechos 19:30

Ne̱ guun rá Pabló catu̱u̱ soꞌ rej ma̱n nij yuvii̱, tza̱j ne̱ ne caꞌve̱e catu̱u̱ Pabló rej yoꞌ quiꞌyaj nij síí tucuꞌyón snana̱ Jesucristó a̱ maꞌ.

Hechos 19:32

Dan me se ino̱ doj vaa nana̱ caguáj ꞌo̱ ꞌo̱ taꞌa̱j nij yuvii̱, cheꞌé se nachej snana̱ nij soꞌ a. Ne̱ me do̱j uxrá doj nij soꞌ ne neꞌen da̱j me cheꞌé cunuu chre̱ꞌ nij soꞌ maꞌ.

Hechos 21:12

Dan me se ga̱a cuno núj nana̱ yoꞌ, ne̱ rquee̱ uxrá núj ga̱ nij síí ya̱nj chumanꞌ Cesarea yoꞌ man Pabló se vaa se̱ cavii soꞌ caꞌa̱nj soꞌ nda̱a chumanꞌ Jerusalén maꞌ.