Hechos 19:2 - Triqui de San Juan Copala

² Ga̱a ne̱ xnáꞌanj Pabló man nij soꞌ a: ―Ne̱ catúj Nimán Yaꞌanj nimán nij soj ga̱a cuchumán rá soj niꞌya̱j soj man Jesucristó naꞌ ―taj Pabló, xnáꞌanj soꞌ man nij soꞌ a. Ga̱a ne̱ cataj nij soꞌ a: ―Taj maꞌ. ꞌO̱ se a̱ ne cuno̱ núj nana̱ se vaa vaa ꞌo̱ Nimán Yaꞌanj a̱ maꞌ ―taj nij soꞌ rihaan Pabló a.

Hechos 19:2 ပူးပေါင်းရင်းမြစ်များ

San Juan 7:39

Da̱nj taj Jesús, caꞌmii soꞌ cheꞌé Nimán Yaꞌanj cu̱nuû nimán nij síí cuchumán rá niꞌya̱j man soꞌ a. ꞌO̱ se ataa caꞌna̱ꞌ Nimán Yaꞌanj rihaan yuvii̱, ese ataa quisi̱j güii quina̱nꞌ Jesús rej xta̱ꞌ ne̱ niꞌndaj ya̱ sa̱ꞌ veꞌé gu̱un chij soꞌ a.

Hechos 10:44

Dan me se ataa a̱ doj quisi̱j caꞌmi̱i̱ Pedró nu̱ꞌ snana̱ soꞌ, ga̱a ne̱ nanij Nimán Yaꞌanj catúj soꞌ nimán cunuda̱nj nij síí cuno nana̱ yoꞌ a.

Hechos 19:5

Dan me se ga̱a cuno nij soꞌ nana̱ vaa da̱nj, ga̱a ne̱ cataꞌ ne nij soꞌ cheꞌé se‑chuvi̱i Jesús Si̱j ꞌNi̱j Raꞌa man níꞌ a.

Hechos 2:17

Ne̱ cataj maꞌa̱n Yaꞌanj a: “Asa̱ꞌ nichrunꞌ caꞌa̱nj niꞌya̱ chumii̱ nihánj, ne̱ rque̱ ndoꞌo ꞌu̱nj Nimán ꞌu̱nj man yuvii̱ ma̱n rihaan nu̱ꞌ chumii̱, ne̱ taꞌnij sno̱ꞌo soj do̱ꞌ, taꞌnij cha̱na̱ soj do̱ꞌ roꞌ, nata̱ꞌ nana̱ rque̱ ꞌu̱nj man maꞌa̱n nij soꞌ a. Ne̱ nij síí tachru̱u̱ roꞌ, naquiꞌya̱a ndoꞌo rasu̱u̱n rihaan nij soꞌ, qui̱ꞌyáj, ne̱ nij chii nga̱ roꞌ, caꞌmi̱i̱ ndoꞌo nej rihaan nij soꞌ, qui̱ꞌyáj ado̱nj.

Romanos 1:11

ne̱ me raj que̱neꞌenj man soj ne̱ narque̱j chrej nucua̱j man soj, cheꞌé rej nari̱ꞌ nucuaj nimán soj a.

1 Corintios 6:19

Ne̱ ne neꞌen soj se vaa ase vaa nuvií sa̱ꞌ ndoꞌo vaa nee̱ man soj, ne̱ rej ya̱nj Nimán Yaꞌanj me yoꞌ a̱ naꞌ. Dan me se Yaꞌanj me síí rqué nee̱ man soj rihaan soj, ne̱ né siꞌya̱j maꞌa̱n soj me nee̱ man soj a̱ maan ado̱nj.

Gálatas 3:5

Ga̱a rqué Yaꞌanj Nimán soꞌ rihaan soj quiꞌya̱j ndoꞌo soj suun sa̱ꞌ noco̱o, ga̱a ne̱ me cheꞌé quiꞌyaj Yaꞌanj da̱nj, rá soj ga̱. Cheꞌé se canocoꞌ soj stucua̱nj Moisés me quiꞌyaj Yaꞌanj da̱nj naꞌ. Taj maꞌ. Cheꞌé se amán rá soj niꞌya̱j soj man Cristó me quiꞌyaj Yaꞌanj da̱nj chugua̱nj.