Hechos 19:16 - Triqui de San Juan Copala

¹⁶ Ga̱a ne̱ síí nu̱u̱ nana̱ chre̱e yoꞌ nimán roꞌ, güéj soꞌ, ne̱ tuguáj tuviꞌ soꞌ ga̱ nij soꞌ, ne̱ nucua̱j soꞌ doj rihaan nij soꞌ, ne̱ quiꞌyaj canaán soꞌ man cunu̱ꞌ chi̱j nij soꞌ a. Dan me se cunánj nij soꞌ, curiha̱nj nij soꞌ rá veꞌ yoꞌ, ne̱ cánj u̱u̱n vaa nij soꞌ, ne̱ quiranꞌ ndoꞌo nij soꞌ sayuun, quiꞌyaj síí nu̱u̱ nana̱ chre̱e nimán yoꞌ a.

Hechos 19:16 ပူးပေါင်းရင်းမြစ်များ

San Marcos 5:15

ne̱ caꞌnaꞌ nij soꞌ rihaan Jesús, ne̱ queneꞌen nij soꞌ man síí curiha̱nj nana̱ chre̱e nimán a. A̱j nanuû soꞌ saga̱nꞌ soꞌ, ne̱ dínj ne soꞌ rihaan Jesús a. Ne̱ a̱j tiꞌinj se snúú soꞌ, ne̱ nuu sa̱ꞌ soꞌ a. Ga̱a ne̱ cuchuꞌviꞌ ndoꞌo nij yuvii̱ a.

San Lucas 8:35

Ga̱a ne̱ caꞌnaꞌ ni̱ꞌyaj nij yuvii̱ se vaa guun, ga̱a ne̱ caꞌnaꞌ nij soꞌ rej nicu̱nꞌ Jesús, ga̱a ne̱ queneꞌen nij soꞌ man síí curiha̱nj nana̱ chre̱e nimán a. A̱j nanuû soꞌ saga̱nꞌ soꞌ, ne̱ dínj ne soꞌ rihaan Jesús a. Ne̱ a̱j tiꞌinj se snúú soꞌ, ne̱ nuu sa̱ꞌ soꞌ a. Ga̱a ne̱ cuchuꞌviꞌ ndoꞌo nij yuvii̱ se vaa quiꞌyaj Jesús a.

Hechos 19:15

Ga̱a ne̱ nana̱ chre̱e yoꞌ roꞌ, caꞌmii rihaan nij soꞌ, ne̱ cataj yoꞌ a: ―ꞌU̱nj me se neꞌenj man Jesús, ne̱ neꞌenj da̱j si̱j me Pabló a. Tza̱j ne̱ soj me se ne neꞌen uxrá ꞌu̱nj man soj a̱ maꞌ ―taj nana̱ chre̱e yoꞌ rihaan chi̱j nij soꞌ a.

Hechos 19:17

Ga̱a ne̱ xcaj cunuda̱nj nij yuvii̱ israelitá ga̱ nij yuvii̱ yaníj aꞌmii xnaꞌánj griego ya̱nj chumanꞌ Éfeso yoꞌ cuentá se vaa quiranꞌ chi̱j nij soꞌ a. Cheꞌé dan cuchuꞌviꞌ ndoꞌo cunuda̱nj nij soꞌ, ne̱ cataj nij soꞌ se vaa niꞌndaj ya̱ sa̱ꞌ vaa se‑chuvi̱i Jesús Si̱j ꞌNi̱j Raꞌa man níꞌ a.

Hechos 3:8

Ga̱a ne̱ güéj soꞌ, ne̱ canicunꞌ caya̱ soꞌ, ne̱ cachéé soꞌ a. Ne̱ dan me se catúj soꞌ rej ya̱nj nuvií noco̱o ga̱ ro̱j soꞌ, ne̱ cachéé ndoꞌo soꞌ, ne̱ güéj soꞌ, ne̱ cataj soꞌ se vaa sa̱ꞌ uxrá quiꞌyaj Yaꞌanj cheꞌé soꞌ a.

2 Pedro 2:19

Ne̱ ataꞌ tuꞌva nij síí narqué tucuáán ne̱ rihaan yuvii̱ a: “Caꞌve̱e quiꞌya̱j soj me maꞌa̱n se me rá soj á”, taj nij síí narqué tucuáán ne̱ rihaan nij síí tiha̱j uun yaníj rihaan nij síí ne acaj cuentá, tza̱j ne̱ maꞌa̱n nij soꞌ me mozó nu̱u̱ rihaan se tiriꞌ ado̱nj. ꞌO̱ se me maꞌa̱n rasu̱u̱n ꞌyaj canaán rihaan yuvii̱ roꞌ, yoꞌ me rasu̱u̱n ꞌyaj suun yuvii̱ rihaan, ne̱ mozó me yuvii̱ rihaan yoꞌ ado̱nj.