Hechos 17:27 - Triqui de San Juan Copala

²⁷ ꞌO̱ se guun rá Yaꞌanj se vaa xca̱j nij yuvii̱ cuentá cheꞌé Yaꞌanj ne̱ nari̱ꞌ nij yuvii̱ man Yaꞌanj chugua̱nj. ꞌO̱ se né si̱j ya̱nj ga̱nꞌ ndoꞌo rihaan ꞌo̱ ꞌo̱ níꞌ me Yaꞌanj maꞌ.

Hechos 17:27 ပူးပေါင်းရင်းမြစ်များ

Hechos 14:17

Tza̱j ne̱ se̱ guun cata̱j soj se vaa a̱ doj ne caꞌve̱e xca̱j soj cuentá cheꞌé Yaꞌanj maꞌ. ꞌO̱ se veꞌé ndoꞌo quiꞌyaj Yaꞌanj cheꞌé soj ado̱nj. Dan me se amanꞌ maa̱n avii rej xta̱ꞌ, ꞌyaj Yaꞌanj cheꞌé soj, ne̱ síj tiempó avii naa̱, ꞌyaj uún Yaꞌanj, ne̱ dan me se araa rque soj, ne̱ uun niha̱ꞌ rá soj, ꞌyaj Yaꞌanj ado̱nj ―taj ro̱j soꞌ rihaan nij yuvii̱ yoꞌ a.

Hechos 15:17

Da̱nj qui̱ꞌyáj cheꞌé rej caꞌve̱e nano̱ꞌ ꞌó nij yuvii̱ yaníj mán ꞌu̱nj Si̱j ꞌNi̱j Raꞌa man nij soꞌ a. Da̱nj quiꞌya̱j cunuda̱nj nij yuvii̱ yaníj cheꞌé se ata̱ nij soꞌ se‑chu̱vií ꞌu̱nj, taj ꞌu̱nj Si̱j ꞌNi̱j Raꞌa man soj, síí ꞌyaj rasu̱u̱n nihánj,

Romanos 1:20

Dan me se ga̱a quiꞌyaj Yaꞌanj chumii̱, ne̱ curuviꞌ nu̱ꞌ rasu̱u̱n quiꞌyaj Yaꞌanj niꞌya̱j yuvii̱, ne̱ nuviꞌ maꞌa̱n Yaꞌanj niꞌya̱j yuvii̱, tza̱j ne̱ neꞌen yuvii̱ nij rasu̱u̱n quiꞌyaj Yaꞌanj a. Ne̱ me rá Yaꞌanj xca̱j nij yuvii̱ cuentá se vaa síí uun chij ndoꞌo me Yaꞌanj, ne̱ dan me se xca̱j nij yuvii̱ cuentá se vaa ya̱ o̱rúnꞌ soꞌ me Yaꞌanj, ne̱ xca̱j nij yuvii̱ cuentá se vaa ga̱a̱ nucua̱j ndoꞌo Yaꞌanj nu̱ꞌ caꞌnaꞌ nu̱ꞌ caꞌanj a. Cheꞌé dan sese cata̱j nij yuvii̱ se vaa ne neꞌen nij yuvii̱ da̱j vaa Yaꞌanj, ne̱ síí ne̱ me nij yuvii̱ na̱nj ado̱nj.

Romanos 2:4

Me cheꞌé nachríꞌ so̱ꞌ se vaa me rá Yaꞌanj quiꞌya̱j sa̱ꞌ Yaꞌanj cheꞌé so̱ꞌ ga̱. Ne̱ me rá uún Yaꞌanj cunu̱u ꞌe̱e̱ rá Yaꞌanj mán so̱ꞌ ado̱nj. Naꞌvej rá Yaꞌanj quiꞌya̱j Yaꞌanj sayuun mán so̱ꞌ maꞌ. Ne neꞌén so̱ꞌ se vaa Yaꞌanj me síí ꞌe̱e̱ rá niꞌya̱j mán so̱ꞌ a. Ne̱ me rá Yaꞌanj nuchra̱nꞌ nimán so̱ꞌ ca̱nocóꞌ so̱ꞌ man soꞌ ado̱nj.