Hechos 16:3 - Triqui de San Juan Copala

³ Dan me se guun rá Pabló se vaa caꞌa̱nj Timoteo ga̱ soꞌ a. Ne̱ cutaꞌ Pabló taꞌngaꞌ man soꞌ, cheꞌé se neꞌen cunuda̱nj nij síí israelitá ya̱nj nij chumanꞌ yoꞌ se vaa si̱j yaníj me rej soꞌ ne̱ cheꞌé dan nuviꞌ taꞌngaꞌ cataꞌ man soꞌ maꞌ.

Hechos 16:3 ပူးပေါင်းရင်းမြစ်များ

Hechos 15:20

Ma̱an se quiꞌya̱j níꞌ yanj caꞌne̱j níꞌ rihaan nij soꞌ, ne̱ cata̱j xnaꞌanj níꞌ rihaan nij soꞌ se vaa se̱ guun cha̱ nij soꞌ rasu̱u̱n rqué yuvii̱ rihaan yaꞌanj quiꞌyaj maꞌa̱n yuvii̱ maꞌ. Ne̱ snóꞌo do̱ꞌ, chana̱ do̱ꞌ, se̱ cotoj nij soꞌ ga̱ ꞌó yuvii̱ sese né ni̱ca̱ nij soꞌ me yoꞌ maꞌ. Ne̱ se̱ chá nij soꞌ nee̱ xcuu tuguáj nii gaán chihá maꞌ. Ne̱ se̱ chá nij soꞌ ton maꞌ.

Hechos 15:37

Tza̱j ne̱ Bernabé roꞌ, guun rá soꞌ se vaa caꞌa̱nj uún síí cuꞌna̱j Juan ne̱ ꞌó se‑chuvi̱i soꞌ me Marcos ga̱ ro̱j soꞌ a.

Hechos 15:40

Ne̱ Pabló roꞌ, narii soꞌ man síí cuꞌna̱j Silas se vaa caꞌa̱nj soꞌ ga̱ Pabló a. Ne̱ cachíín niꞌya̱j nij tinúú ro̱j soꞌ nij síí ma̱n chumanꞌ Antioquía rihaan Yaꞌanj se vaa quiꞌya̱j Yaꞌanj se lu̱j ne̱ ra̱cuíj soꞌ man ro̱j soꞌ chrej caꞌa̱nj ro̱j soꞌ, ne̱ dan me se caꞌanj ro̱j soꞌ a.

1 Corintios 7:19

Dan me se caꞌve̱e se ta̱j taꞌngaꞌ man níꞌ, caꞌve̱e se nuviꞌ taꞌngaꞌ táá man níꞌ, caꞌve̱e, tza̱j ne̱ taj se ꞌyaj maꞌ. Tana̱nj no̱ xcúún níꞌ cuno̱ níꞌ nij suun caꞌneꞌ Yaꞌanj rihaan níꞌ na̱nj ado̱nj.

1 Corintios 9:20

Dan me se ga̱a va̱j ꞌu̱nj scaꞌnúj nij yuvii̱ israelitá, ga̱a ne̱ naquiꞌyáj manj nda̱a vaa ꞌyaj maꞌa̱n nij soꞌ, ga̱a ne̱ caꞌve̱e canoco̱ꞌ nij soꞌ stucua̱nj Cristó, cheꞌé se me raj cuno̱ nij soꞌ snana̱ Cristó na̱nj á. Ase vaa nij síí noco̱ꞌ uxrá stucua̱nj Moisés roꞌ, da̱nj vaa ma̱ꞌanj ga̱a taj xnaꞌanj ꞌu̱nj rihaan nij soꞌ cheꞌé Cristó ado̱nj. Taj cheꞌé canoco̱ꞌ ma̱ꞌanj stucua̱nj Moisés, tza̱j ne̱ ma̱an cheꞌé se me raj cuno̱ nij soꞌ snana̱ Cristó me ꞌyáj da̱nj na̱nj ado̱nj.

Gálatas 2:3

Ne̱ nicu̱nꞌ Titó ga̱ ꞌu̱nj, ne̱ nda̱ꞌ se né si̱j israelitá me soꞌ, tza̱j ne̱ ne rquee̱ nij síí ma̱n Jerusalén man soꞌ cata̱ꞌ taꞌngaꞌ man soꞌ maꞌ.

Gálatas 5:6

Xa̱ꞌ níꞌ si̱j noco̱ꞌ man Cristó Jesús me se taj se ꞌyaj sese quita̱j taꞌngaꞌ man níꞌ, taj se ꞌyaj sese se̱ quitáá taꞌngaꞌ man níꞌ, rá Yaꞌanj maꞌ. Tana̱nj me rá Yaꞌanj cuchuma̱n rá níꞌ ni̱ꞌyaj níꞌ man Cristó, ne̱ cheꞌé dan ga̱a̱ ꞌe̱e̱ rá níꞌ ni̱ꞌyaj níꞌ man tinúú níꞌ ado̱nj.

Filipenses 2:22

Tza̱j ne̱ a̱j neꞌen soj se vaa síí sa̱ꞌ uxrá me Timoteo, ne̱ da̱j se ꞌyaj xnii racuíj xnii man rej xnii roꞌ, da̱nj vaa ꞌyaj Timoteo racuíj soꞌ mán ꞌu̱nj nataꞌ rój nana̱ sa̱ꞌ cheꞌé Cristó ado̱nj.