Hechos 16:27 - Triqui de San Juan Copala

²⁷ Ne̱ nanuû rá síí tumé tagaꞌ, ne̱ queneꞌen soꞌ se vaa táá yaꞌnúj u̱u̱n nij taꞌyaa a. Ga̱a ne̱ guun rá soꞌ se vaa a̱j cunánj nij síí ma̱n tagaꞌ, ne̱ cheꞌé dan quirii soꞌ taneê soꞌ neê espadá, ne̱ da̱j doj se ticavi̱ꞌ soꞌ man maꞌa̱n soꞌ a.

Hechos 16:27 ပူးပေါင်းရင်းမြစ်များ

San Mateo 27:5

Ga̱a ne̱ nica̱j soꞌ saꞌanj aga̱ꞌ yoꞌ, riꞌíj u̱u̱n soꞌ rá nuvií noco̱o, ne̱ cavii soꞌ caꞌanj soꞌ, ne̱ tocoꞌ va̱j soꞌ man maꞌa̱n soꞌ, ne̱ caviꞌ soꞌ a.

Hechos 12:19

Ga̱a ne̱ caꞌneꞌ Herodes suun rihaan tanuu nano̱ꞌ tanuu man Pedró, tza̱j ne̱ ne caꞌve̱e nari̱ꞌ nij tanuu man Pedró maꞌ. Cheꞌé dan xnáꞌanj Herodes man nij tanuu tumé man Pedró me rej caꞌanj Pedró, tza̱j ne̱ ne queneꞌe̱n nij soꞌ a̱ maꞌ. Cheꞌé dan caꞌneꞌ Herodes suun se vaa ticavi̱ꞌ nii man nij tanuu tumé man Pedró, ga̱a ne̱ curiha̱nj Herodes estadó Judea, nanij soꞌ chumanꞌ Cesarea, ca̱yáán soꞌ a.

Hechos 16:28

Tza̱j ne̱ nucua̱j ndoꞌo caguáj Pabló rihaan soꞌ, cataj Pabló a: ―Se̱ guun quiꞌya̱j chiꞌi̱i̱ so̱ꞌ man ma̱ꞌán so̱ꞌ maꞌ. ꞌO̱ se ma̱n chre̱ꞌ cunuda̱nj núj nihánj na̱nj á ―taj Pabló, caguáj soꞌ a.

Hechos 16:36

Ga̱a ne̱ cuchiꞌ síí tumé tagaꞌ yoꞌ rihaan Pabló, ne̱ nataꞌ soꞌ snana̱ nij misión rihaan Pabló, cataj soꞌ a: ―Caꞌnéé ro̱j cuese̱ nana̱ se vaa naꞌne̱j ꞌu̱nj man ro̱j so̱j na̱nj á. Cheꞌé dan cuano̱ nihánj me se caꞌve̱e caꞌa̱nj ro̱j so̱j, ne̱ ga̱a̱ dínj nimán ro̱j so̱j á ―taj soꞌ rihaan Pabló a.