Hechos 16:16 - Triqui de San Juan Copala

¹⁶ Dan me se ꞌó güii caꞌanj uún núj rej cachi̱nj niꞌya̱j núj rihaan Yaꞌanj, ne̱ nariꞌ tuviꞌ ꞌo̱ chana̱ ya̱a̱n ga̱ núj, ne̱ nu̱u̱ ꞌo̱ nana̱ chre̱e nimán noꞌ, ne̱ quiꞌyaj canaán ndoꞌo nij síí rii taꞌngaꞌ rihaan noꞌ saꞌanj, quiꞌyaj noꞌ ga̱a quirii noꞌ suerté cheꞌé yuvii̱ quiꞌyaj nana̱ chre̱e yoꞌ a.

Hechos 16:16 ပူးပေါင်းရင်းမြစ်များ

Hechos 16:13

Ne̱ ꞌo̱ güii naránj rá nij yuvii̱ israelitá curiha̱nj núj taꞌyaa xi̱j rej atúj yuvii̱ chumanꞌ yoꞌ, ne̱ caꞌanj núj tuꞌva ꞌo̱ chráá a. ꞌO̱ se guun rá núj se vaa rej yoꞌ me rej uꞌyón nij yuvii̱ israelitá nuu chre̱ꞌ nij soꞌ cachíín niꞌya̱j nij soꞌ rihaan Yaꞌanj a. Dan me se caꞌanj ca̱yáán núj rihaan yoꞌóó, ne̱ caꞌmii núj ga̱ nij chana̱ cunuu chre̱ꞌ rej yoꞌ a.

Hechos 16:18

Dan me se guun queꞌe̱e̱ güii quiꞌyaj noꞌ da̱nj, ga̱a ne̱ guun rmi̱i̱ Pabló, quiꞌyaj noꞌ, ne̱ cheꞌé dan canica̱j soꞌ caꞌmii soꞌ rihaan nana̱ chre̱e nu̱u̱ nimán noꞌ, cataj soꞌ a: ―Nihánj me se cheꞌé se‑chuvi̱i Jesucristó aꞌnéꞌ ꞌu̱nj suun rihaan so̱ꞌ se vaa cu̱riha̱nj so̱ꞌ nimán chana̱ nihánj á ―taj Pabló rihaan nana̱ chre̱e yoꞌ a. Ga̱a ne̱ nu̱ꞌ curiha̱nj nana̱ chre̱e nimán noꞌ a.

Hechos 16:19

Dan me se nij síí rii taꞌngaꞌ rihaan chana̱ ya̱a̱n yoꞌ me se xcaj nij soꞌ cuentá se vaa cheꞌé se curiha̱nj nana̱ chre̱e nimán chana̱ yoꞌ roꞌ, cheꞌé dan se̱ caꞌvee quiꞌya̱j canaán nij soꞌ doj saꞌanj quiꞌya̱j chana̱ ya̱a̱n yoꞌ, rá nij soꞌ a. Cheꞌé dan taꞌaa nij soꞌ man Pabló ga̱ Silas, ne̱ nucua̱j ri̱i̱ nij soꞌ man ro̱j soꞌ caꞌanj nij soꞌ yuꞌvee nda̱a rihaan nij síí nica̱j suun uun chij rihaan chumanꞌ yoꞌ a.

Hechos 19:24

Dan me se vaa ꞌo̱ síí cuꞌna̱j Demetrio ne̱ síí ꞌyaj suun agaꞌ me soꞌ, ne̱ nij tuvi̱ꞌ nij soꞌ nica̱j agaꞌ platá catzi̱i̱ ne̱ ꞌyaj nij soꞌ nuvií leꞌe̱j nii, ne̱ ase vaa maꞌa̱n nuvií aráj gue̱e̱ yuvii̱ rihaan yaꞌanj cha̱na̱ cuꞌna̱j Diana vaa yoꞌ a. Ne̱ ꞌyaj canaán ndoꞌo nij soꞌ saꞌanj a.

Gálatas 5:20

aráj gue̱e̱ nij soꞌ rihaan yaꞌanj quiꞌyaj maꞌa̱n yuvii̱ do̱ꞌ, ꞌyaj chru̱u̱n síí chru̱u̱n ꞌyaj nij soꞌ do̱ꞌ, táá riꞌyunj nij soꞌ niꞌya̱j nij soꞌ tuviꞌ nij soꞌ do̱ꞌ, anó tuviꞌ nij soꞌ ga̱ tuviꞌ nij soꞌ do̱ꞌ, axríj yuva̱a̱ nij soꞌ man tuviꞌ nij soꞌ do̱ꞌ, ina̱nj me rá maꞌa̱n ꞌo̱ ꞌo̱ nij soꞌ cavi̱i̱ sa̱ꞌ nij soꞌ do̱ꞌ, uxraꞌ taꞌa̱j nij soꞌ man nij soꞌ do̱ꞌ,

1 Timoteo 6:10

Ma̱an cheꞌé se uun ndoꞌo rá yuvii̱ ga̱a̱ ndoꞌo saꞌanj rihaan nij soꞌ roꞌ, cheꞌé dan ꞌnaꞌ da̱j a̱ sayuun ado̱nj. Nij yuvii̱ aranꞌ rá saꞌanj roꞌ, quiriꞌíj nij soꞌ stucua̱nj Yaꞌanj tucuáán canocoꞌ nij soꞌ asi̱j rque̱ doj, ga̱a ne̱ quiranꞌ ndoꞌo nij soꞌ sayuun, ne̱ quinanó ndoꞌo rá nij soꞌ ado̱nj.

2 Timoteo 3:8

Ne̱ xa̱ꞌ nij síí chiꞌi̱i̱ yoꞌ, tza̱j ne̱ nda̱ꞌ rá se vaa quiranꞌ ro̱j síí chru̱u̱n cuꞌna̱j Janes ga̱ Jambres ga̱a quitáá riꞌyunj ro̱j soꞌ man síí cuꞌna̱j Moisés ga̱a naá roꞌ, da̱nj quira̱nꞌ gue̱e̱ nij síí ta̱j riꞌyunj man nana̱ ya̱ ado̱nj. ꞌO̱ se síí ma̱n ina̱nj nana̱ chiꞌi̱i̱ raa̱ me nij soꞌ do̱ꞌ, síí a̱j tanáj xco̱ stucua̱nj Yaꞌanj do̱ꞌ, me nij soꞌ na̱nj á.

2 Pedro 2:3

Gu̱un rá nij síí narque̱ tucuáán ne̱ yoꞌ quiꞌya̱j canaán ndoꞌo nij soꞌ saꞌanj, ne̱ cheꞌé dan nano̱ꞌ nij soꞌ nana̱ ne̱ caꞌmi̱i̱ nij soꞌ rihaan nij soj cheꞌé yan rque̱ soj saꞌanj man nij soꞌ a. Tza̱j ne̱ asi̱j naá cataj Yaꞌanj se vaa quira̱nꞌ ndoꞌo nij síí vaa da̱nj sayuun vaa güii, ne̱ ya̱ uxrá quira̱nꞌ nij soꞌ sayuun ado̱nj.