Hechos 15:2 - Triqui de San Juan Copala

² Caꞌmii canó tuviꞌ ndoꞌo síí cuꞌna̱j Pabló do̱ꞌ, síí cuꞌna̱j Bernabé do̱ꞌ, ga̱ nij síí tucuꞌyón nana̱ yoꞌ a. Ga̱a ne̱ cheꞌé dan cuneꞌ nij síí noco̱ꞌ man Jesucristó ya̱nj chumanꞌ Antioquía man ro̱j soꞌ ga̱ ꞌó do̱j tinúú nij soꞌ se vaa caꞌa̱nj nij soꞌ chumanꞌ Jerusalén caꞌmi̱i̱ nij soꞌ ga̱ nij síí ata̱ suun caꞌa̱nj nata̱ꞌ snana̱ Jesucristó do̱ꞌ, ga̱ ꞌó nij síí tumé sa̱ꞌ rihaan Yaꞌanj man nij síí noco̱ꞌ man Cristó do̱ꞌ, cheꞌé nana̱ aꞌmii nij yuvii̱ yoꞌ a.

Hechos 15:2 ပူးပေါင်းရင်းမြစ်များ

Hechos 10:23

Cheꞌé dan cataj Pedró se vaa catu̱u̱ nij soꞌ rá veꞌ, ne̱ caranꞌ nij soꞌ veꞌ yoꞌ a. Ne̱ ranga̱ꞌ ꞌó güii me se naxaga̱a̱ nij soꞌ, ne̱ caꞌanj Pedró ga̱ yaꞌnúj nij soꞌ, ne̱ caꞌanj do̱j nij tinu̱j nij síí noco̱ꞌ man Jesús ya̱nj chumanꞌ Jope do̱ꞌ, ga̱ Pedró a.

Hechos 11:12

Ga̱a ne̱ cataj xnaꞌanj Nimán Yaꞌanj rihanj se vaa caꞌa̱nj ꞌu̱nj ga̱ nij soꞌ, ne̱ se̱ guun vi̱j rá ꞌu̱nj maꞌ. Cheꞌé dan caꞌanj ꞌu̱nj ga̱ vaꞌnu̱j nij soꞌ, ne̱ vata̱nꞌ tinúú níꞌ síí nihánj roꞌ, me síí caꞌanj ga̱ ꞌu̱nj a. Ga̱a ne̱ catúj núj rá veꞌ tucuá síí canacúún manj a.

Hechos 11:30

Ga̱a ne̱ goꞌ nij soꞌ saꞌanj yoꞌ ston Bernabé ga̱ Saulo, caxri̱i̱ ro̱j soꞌ ston nij síí tumé sa̱ꞌ rihaan Yaꞌanj man nij síí noco̱ꞌ man Cristó ya̱nj estadó Judea a.

Hechos 15:25

Tza̱j ne̱ cheꞌé se quiꞌyaj nij soꞌ da̱nj roꞌ, cheꞌé dan cuya̱a̱n guun rá núj nari̱i̱ núj do̱j tinúú núj cuchi̱ꞌ rihaan soj ga̱ ro̱j tinúú níꞌ síí ꞌe̱e̱ ndoꞌo rá núj síí cuꞌna̱j Bernabé ga̱ Pabló ado̱nj.

Hechos 15:27

Dan me se caꞌnéé núj man síí cuꞌna̱j Judas do̱ꞌ, Silas do̱ꞌ, se vaa caꞌa̱nj ro̱j soꞌ ga̱ Bernabé ga̱ Pabló, ne̱ maꞌa̱n ro̱j soꞌ nata̱ꞌ rihaan soj nda̱a vaa taj nana̱ no̱ rihaan yanj nihánj na̱nj á.

Hechos 15:4

Dan me se ga̱a cuchiꞌ nij soꞌ chumanꞌ Jerusalén, ga̱a ne̱ veꞌé caꞌmii xꞌneꞌ nij síí noco̱ꞌ man Jesucristó do̱ꞌ, nij síí ata̱ suun caꞌa̱nj nata̱ꞌ snana̱ Jesucristó do̱ꞌ, ꞌó nij síí tumé sa̱ꞌ rihaan Yaꞌanj man nij soꞌ do̱ꞌ, ga̱ nij soꞌ a. Ga̱a ne̱ cataj xnaꞌanj Pabló ga̱ Bernabé rihaan nij síí ya̱nj chumanꞌ Jerusalén yoꞌ cheꞌé nu̱ꞌ se vaa quiꞌyaj Yaꞌanj ga̱ nij tinu̱j nij soꞌ a.

Hechos 16:4

Dan me se ga̱a cachén nij soꞌ nu̱ꞌ nij chumanꞌ, ne̱ cataj xnaꞌanj nij soꞌ rihaan nij yuvii̱ noco̱ꞌ man Jesucristó se vaa cuno̱ nij yuvii̱ snana̱ nij síí ata̱ suun caꞌa̱nj nata̱ꞌ snana̱ Jesucristó do̱ꞌ, ꞌó nij síí ya̱nj chumanꞌ Jerusalén tumé sa̱ꞌ rihaan Yaꞌanj man nij yuvii̱ noco̱ꞌ man Jesucristó do̱ꞌ, nana̱ naquiꞌyaj cu̱u nij soꞌ cheꞌé nij síí yaníj cuno̱ nij soꞌ a.

Hechos 21:18

Ne̱ ꞌó güii me se caꞌanj ni̱ꞌyaj núj ga̱ Pabló man síí cuꞌna̱j Jacobo ne̱ catúj núj rque ꞌo̱ veꞌ ne̱ soꞌ, ne̱ nariꞌ chre̱ꞌ núj man nu̱ꞌ nij síí tumé sa̱ꞌ rihaan Yaꞌanj man nij yuvii̱ noco̱ꞌ man Cristó ga̱ Jacobo a.

1 Corintios 1:1

ꞌU̱nj roꞌ, me síí cuꞌna̱j Pabló, ne̱ me rá Yaꞌanj cata̱j xnaꞌanj ꞌu̱nj rihaan yuvii̱ cheꞌé Jesucristó, ne̱ cheꞌé dan cuneꞌ Cristó Jesús mán ꞌu̱nj caꞌa̱nj nata̱ꞌ ꞌu̱nj snana̱ soꞌ rihaan yuvii̱ a. Ne̱ ya̱nj tinúú níꞌ síí cuꞌna̱j Sóstenes ga̱j nihánj,

2 Corintios 11:5

Taj cheꞌé tiha̱ꞌ yuꞌunj nij síí caꞌnaꞌ man soj maꞌ. ꞌO̱ se si̱j sa̱ꞌ ndoꞌo me nij soꞌ, rá soj, ne̱ síí cuneꞌ Jesucristó caꞌa̱nj nata̱ꞌ snana̱ soꞌ me nij soꞌ, rá soj, tza̱j ne̱ né si̱j sa̱ꞌ doj me nij soꞌ rihaan ꞌu̱nj, rá ꞌu̱nj a̱ maꞌ.

Gálatas 2:5

Tza̱j ne̱ núj me se a̱ ꞌó xcoꞌ nii ne cuno̱ núj rihaan nij soꞌ a̱ maꞌ. ꞌO̱ se guun rá núj se vaa veꞌé ya̱ quina̱j nu̱ꞌ nana̱ sa̱ꞌ nana̱ ya̱ rihaan soj, rá núj ado̱nj.

Judas 1:3

Tinu̱j, nocoj, guun ndoꞌo raj cachro̱nj nana̱ rihaan yanj caꞌne̱j ꞌu̱nj rihaan soj cheꞌé da̱j vaa nanii ta̱ranꞌ níꞌ rihaan chrej chiꞌi̱i̱ do̱ꞌ, rihaan sayuun do̱ꞌ, ꞌyaj Yaꞌanj ado̱nj. Tza̱j ne̱ ya̱j me se no̱ xcúnj cachro̱nj ꞌó nana̱ rihaan yanj, ne̱ cata̱j xnaꞌanj ꞌu̱nj rihaan soj se vaa te̱rquee̱ ndoꞌo soj canoco̱ꞌ xraan soj stucua̱nj Yaꞌanj tucuáán tacuachén nij síí caꞌmii natáj nana̱ sa̱ꞌ cheꞌé Cristó rihaan soj si̱j noco̱ꞌ man Yaꞌanj a.