Hechos 14:21 - Triqui de San Juan Copala

²¹ Dan me se nataꞌ ndoꞌo síí cuꞌna̱j Pabló ga̱ Bernabé nana̱ sa̱ꞌ cheꞌé Jesucristó rihaan nij yuvii̱ ma̱n chumanꞌ Derbe yoꞌ, ne̱ cavii ndoꞌo síí tucuꞌyón snana̱ Jesucristó chumanꞌ Derbe yoꞌ, quiꞌyaj ro̱j soꞌ a. Ga̱a ne̱ canica̱j ro̱j soꞌ, caꞌanj ro̱j soꞌ chumanꞌ Listra do̱ꞌ, chumanꞌ Iconio do̱ꞌ, chumanꞌ Antioquía na̱j estadó Pisidia do̱ꞌ a.

Hechos 14:21 ပူးပေါင်းရင်းမြစ်များ

San Mateo 28:19

Cheꞌé dan caꞌa̱nj soj rihaan ꞌo̱ ꞌo̱ nij xꞌneꞌ yuvii̱ ino̱ vaa stucua̱nj, ne̱ ti̱haa̱n soj man nij soꞌ cheꞌé rej gu̱un nij soꞌ síí tucuꞌyón snana̱j, quiꞌya̱j soj á. Ne̱ cuta̱ꞌ ne soj man nij soꞌ, ne̱ cata̱ꞌ tuꞌva soj se‑chuvi̱i Réé ꞌu̱nj Yaꞌanj do̱ꞌ, se‑chu̱vií ꞌu̱nj Taꞌni̱j Yaꞌanj do̱ꞌ, se‑chuvi̱i Nimán Yaꞌanj do̱ꞌ, ga̱a cuta̱ꞌ ne soj man nij soꞌ á.

Hechos 13:14

Ga̱a ne̱ yavíj ro̱j soꞌ me se curiha̱nj ro̱j soꞌ chumanꞌ Perge, ne̱ caꞌanj ro̱j soꞌ chumanꞌ Antioquía na̱j estadó Pisidia a. Ne̱ güii naránj rá nij yuvii̱ israelitá me güii yoꞌ, ne̱ catúj ro̱j soꞌ rá veꞌ tucuꞌyón nij yuvii̱ israelitá stucua̱nj Moisés, ne̱ caꞌanj ca̱yáán ro̱j soꞌ a.

Hechos 13:51

Ga̱a ne̱ nacunanꞌ ro̱j soꞌ tacóó ro̱j soꞌ tucuayuu ro̱j soꞌ yoꞌóó tachru̱u̱ cavii chumanꞌ yoꞌ rihaan yoꞌóó, cheꞌé rej xca̱j nij síí ma̱n chumanꞌ yoꞌ cuentá se vaa maꞌa̱n nij soꞌ tumé cacunꞌ se vaa ne cuno̱ nij soꞌ snana̱ Yaꞌanj a. Ga̱a ne̱ caꞌanj ro̱j soꞌ chumanꞌ Iconio a.

Hechos 14:1

Dan me se ga̱a cuchiꞌ síí cuꞌna̱j Pabló ga̱ síí cuꞌna̱j Bernabé chumanꞌ Iconio, ne̱ catúj ro̱j soꞌ rá veꞌ tucuꞌyón nij yuvii̱ israelitá stucua̱nj Moisés nda̱a vaa uꞌyón ro̱j soꞌ ꞌyaj ro̱j soꞌ a. Ne̱ cheꞌé se veꞌé ndoꞌo nataꞌ ro̱j soꞌ snana̱ Yaꞌanj, cheꞌé dan cuchumán rá queꞌe̱e̱ uxrá yuvii̱ israelitá do̱ꞌ, yuvii̱ yaníj aꞌmii xnaꞌánj griego do̱ꞌ, niꞌya̱j nij soꞌ man Jesucristó a.

Hechos 14:15

cataj ro̱j soꞌ a: ―Se̱ guun quiꞌya̱j nij soj da̱nj maꞌ. ꞌO̱ se cuya̱a̱n yuvii̱ me níꞌ, ne̱ nihánj me se ꞌnaꞌ núj nata̱ꞌ núj snana̱ Yaꞌanj nana̱ sa̱ꞌ rihaan nij soj, cheꞌé rej ta̱náj soj tucuáán niꞌyo̱n rmaꞌa̱n noco̱ꞌ soj cuano̱ nihánj ne̱ ca̱nica̱j soj canoco̱ꞌ soj Yaꞌanj síí vaa iꞌna̱ꞌ ya̱ na̱nj á. Ne̱ soꞌ roꞌ, me síí quiꞌyaj nu̱ꞌ rej xta̱ꞌ do̱ꞌ, nu̱ꞌ rihaan yoꞌóó do̱ꞌ, nu̱ꞌ na yaꞌa̱nj do̱ꞌ, ne̱ nu̱ꞌ rasu̱u̱n quiꞌyaj soꞌ ado̱nj.

Hechos 14:19

Tza̱j ne̱ cavii síí israelitá chumanꞌ Antioquía do̱ꞌ, chumanꞌ Iconio do̱ꞌ, caꞌnaꞌ nij soꞌ chumanꞌ Listra, ne̱ caxríj nij soꞌ chrej rque nij yuvii̱ ma̱n chumanꞌ Listra a. Ne̱ cheꞌé dan goꞌ ndoꞌo nij yuvii̱ yahij man Pabló, ne̱ cuxuun nij yuvii̱ man soꞌ nda̱a tuꞌva chumanꞌ, cheꞌé se guun rá nij yuvii̱ se vaa caviꞌ soꞌ a.

Hechos 14:26

Ga̱a ne̱ chumanꞌ Atalia roꞌ, cavii ro̱j soꞌ rihoo chéé rihaan na, quinanꞌ ro̱j soꞌ nda̱a chumanꞌ Antioquía na̱j estadó Siria a. Ne̱ chumanꞌ Antioquía roꞌ, me rej cavii ro̱j soꞌ asino ya̱a̱n ga̱a cachíín niꞌya̱j nij síí noco̱ꞌ man Jesucristó rihaan Yaꞌanj se vaa ra̱cuíj Yaꞌanj man ro̱j soꞌ quiꞌya̱j ro̱j soꞌ suun caꞌmi̱i̱ natáj snana̱ Yaꞌanj rihaan yuvii̱ a. Ne̱ nihánj me se quisíj suun yoꞌ, quiꞌyaj ro̱j soꞌ na̱nj ado̱nj.

Hechos 14:6

Tza̱j ne̱ xcaj ro̱j soꞌ cuentá, ga̱a ne̱ cheꞌé dan cunánj ro̱j soꞌ, caꞌanj ro̱j soꞌ chumanꞌ Listra chumanꞌ na̱j estadó Licaonia do̱ꞌ, chumanꞌ Derbe ꞌó chumanꞌ na̱j estadó Licaonia do̱ꞌ, ꞌó nij chumanꞌ raꞌa̱ na̱j nichru̱nꞌ ga̱ ro̱j chumanꞌ yoꞌ do̱ꞌ,

Hechos 14:7

ne̱ va̱j ro̱j soꞌ nataꞌ ro̱j soꞌ nana̱ sa̱ꞌ cheꞌé Jesucristó rihaan nij yuvii̱ ya̱nj nij chumanꞌ yoꞌ a.

Hechos 14:8

Dan me se chumanꞌ Listra roꞌ, ne ꞌo̱ síí rengo̱ ne̱ síí rengo̱ me soꞌ asi̱j caꞌngaa soꞌ, ne̱ veé ꞌo̱ da̱nj vaa soꞌ, ne̱ daj chiha̱a̱ míj taj se quiꞌyáꞌ cache̱e̱ soꞌ maꞌ.

Hechos 15:36

Dan me se cachén do̱j güii, ga̱a ne̱ cataj Pabló rihaan Bernabé a: ―Ca̱nica̱j ro̱ꞌ caꞌa̱nj uún ro̱ꞌ cunuda̱nj nij chumanꞌ ya̱nj nij tinúú ro̱ꞌ nij síí nataꞌ ro̱ꞌ snana̱ Síí ꞌNi̱j Raꞌa man níꞌ rihaan, ga̱a ne̱ queneꞌe̱n ro̱ꞌ da̱j vaa mán nij soꞌ na̱nj ado̱nj ―taj Pabló rihaan Bernabé a.

Hechos 16:2

Ne̱ síí sa̱ꞌ me Timoteo, taj nij tinúú soꞌ síí ya̱nj chumanꞌ Listra do̱ꞌ, chumanꞌ Iconio do̱ꞌ a.

Hechos 2:47

Ne̱ cataj nij soꞌ se vaa sa̱ꞌ uxrá quiꞌyaj Yaꞌanj cheꞌé nij soꞌ, ne̱ caꞌmii sa̱ꞌ cunuda̱nj nij yuvii̱ ya̱nj chumanꞌ Jerusalén niꞌya̱j nij yuvii̱ man nij soꞌ a. Ne̱ da̱j a̱ güii cunuu chre̱ꞌ doj síí va̱j nani̱i̱ rihaan sayuun ga̱ nij soꞌ, quiꞌyaj Síí ꞌNi̱j Raꞌa man níꞌ a.

2 Timoteo 3:11

Ne̱ a̱j neꞌén so̱ꞌ da̱j vaa sayuun quiꞌyaj nii manj, ne̱ a̱j neꞌén so̱ꞌ nu̱ꞌ se vaa quiránꞌ ꞌu̱nj chumanꞌ Antioquía do̱ꞌ, chumanꞌ Iconio do̱ꞌ, chumanꞌ Listra do̱ꞌ, uún chugua̱nj. Tza̱j ne̱ Síí ꞌNi̱j Raꞌa man níꞌ me síí tinanii manj rihaan nu̱ꞌ sayuun quiránꞌ ꞌu̱nj ado̱nj.