Hechos 13:41 - Triqui de San Juan Copala

⁴¹ Ne̱ soj si̱j aꞌngaꞌ naco̱o̱ niꞌya̱j manj, tza̱j ne̱ ni̱ꞌyaj soj á. Caꞌa̱nj rá soj, ne̱ quiri̱ꞌ nu̱ꞌ soj na̱nj ado̱nj. ꞌO̱ se ga̱a vaa iꞌna̱ꞌ soj nihánj, ne̱ qui̱ꞌyáj suun noco̱o, ne̱ caꞌve̱e se cata̱j xnaꞌanj ꞌo̱ soꞌ rihaan soj cheꞌé se vaa qui̱ꞌyáj, tza̱j ne̱ se̱ caꞌvee cuchuma̱n rá soj snana̱ soꞌ asuun maꞌ, taj Yaꞌanj rihaan soj a ―taj Pabló rihaan nij yuvii̱ cunuu chre̱ꞌ rá veꞌ yoꞌ a.

Hechos 13:41 ပူးပေါင်းရင်းမြစ်များ

San Lucas 16:14

Dan me se nij síí fariseo roꞌ, me síí me rá ga̱a̱ ndoꞌo saꞌanj rihaan, ne̱ ga̱a cuno nij soꞌ cunuda̱nj snana̱ Jesús nana̱ cheꞌé rasu̱u̱n ma̱n rihaan chumii̱ nihánj, ga̱a ne̱ caꞌngaꞌ naco̱o̱ nij soꞌ niꞌya̱j nij soꞌ man Jesús a.

San Lucas 23:35

Ne̱ canicunꞌ queꞌe̱e̱ yuvii̱ niꞌya̱j da̱j quira̱nꞌ Jesús a. Dan me se caꞌngaꞌ naco̱o̱ nij síí uun chij, cataj nij soꞌ a: ―Tinanii soꞌ man ꞌó yuvii̱ rihaan sayuun, rá soꞌ á. Ti̱nanii soꞌ man maꞌa̱n soꞌ ya̱j vi̱j. Sese si̱j narii Yaꞌanj me soꞌ do̱ꞌ, sese Si̱j Caꞌnéé Yaꞌanj Ti̱nanii man Yuvii̱ rihaan Sayuun me soꞌ do̱ꞌ, ne̱ caꞌve̱e ti̱nanii soꞌ man maꞌa̱n soꞌ a ―taj nij síí uun chij niꞌya̱j nij soꞌ man Jesús a.

Hechos 13:47

ꞌO̱ se Yaꞌanj Si̱j ꞌNi̱j Raꞌa man níꞌ me síí caꞌneꞌ suun rihaan núj quiꞌya̱j núj da̱nj ado̱nj. Dan me se cataj Síí ꞌNi̱j Raꞌa man níꞌ a: A̱j cunéꞌ ꞌu̱nj mán so̱ꞌ se vaa guún so̱ꞌ yaꞌan chuguu̱n rihaan nij síí yaníj ne̱ caꞌve̱e xca̱j nij soꞌ cuentá, qui̱ꞌyáá so̱ꞌ, ga̱a ne̱ nani̱i̱ yuvii̱ ya̱nj chumanꞌ na̱j nu̱ꞌ rihaan chumii̱ rihaan sayuun, qui̱ꞌyáá so̱ꞌ á. Nihánj me snana̱ Yaꞌanj nana̱ cataj Yaꞌanj rihaan núj na̱nj á ―taj ro̱j soꞌ rihaan nij yuvii̱ israelitá yoꞌ a.

Hechos 22:21

Tza̱j ne̱ cataj soꞌ a: “Caꞌa̱nj so̱ꞌ á. ꞌO̱ se ꞌu̱nj caꞌne̱j mán so̱ꞌ caꞌa̱nj so̱ꞌ ga̱nꞌ rihaan nij síí yaníj a”, taj soꞌ rihanj a ―taj Pabló rihaan nij síí israelitá yoꞌ se‑xnaꞌa̱nj nij soꞌ a.

Hechos 3:23

Ne̱ dan me se a̱ me maꞌa̱n síí naꞌvej rá cuno̱ snana̱ síí nata̱ꞌ snana̱ Yaꞌanj yoꞌ, ne̱ nu̱ꞌ quiri̱i̱ yaníj nii man soꞌ scaꞌnúj níꞌ si̱j israelitá, ne̱ quiri̱ꞌ nu̱ꞌ soꞌ na̱nj ado̱nj”, taj Moisés ga̱a naá a.

Hechos 6:14

ꞌO̱ se cuno núj se vaa cataj soꞌ se vaa Jesús síí cavii chumanꞌ Nazaret me síí tiri̱ꞌ nu̱ꞌ nuvií noco̱o nihánj, ne̱ natuna̱ soꞌ tucuáán cuchruj síí cuꞌna̱j Moisés cheꞌé níꞌ ado̱nj ―taj nij soꞌ, caꞌmii ne̱ nij soꞌ niꞌya̱j nij soꞌ man Esteban yoꞌ a.

1 Tesalonicenses 2:16

Dan me se me rá núj nata̱ꞌ núj snana̱ Yaꞌanj rihaan soj si̱j yaníj cheꞌé yan nani̱i̱ soj rihaan chrej chiꞌi̱i̱ do̱ꞌ, rihaan sayuun do̱ꞌ a. Tza̱j ne̱ aráán ndoꞌo nij síí israelitá yoꞌ chrej rihaan núj, ne̱ guun noco̱o uxrá cacunꞌ quita̱j xráá nij soꞌ nu̱ꞌ cavii nu̱ꞌ caꞌanj ado̱nj. Cheꞌé dan ꞌo̱ caꞌmaan rá Yaꞌanj niꞌya̱j Yaꞌanj man nij soꞌ, ne̱ yu̱u̱n cheꞌe̱ quiranꞌ nij soꞌ sayuun, quiꞌyaj Yaꞌanj na̱nj ado̱nj.

1 Pedro 4:17

ꞌO̱ se ya̱j me se a̱j guun cheꞌe̱ Yaꞌanj aꞌneꞌ Yaꞌanj cacunꞌ cheꞌé níꞌ si̱j tucua̱ Yaꞌanj a. Cheꞌé dan neꞌen níꞌ se vaa nij doj quira̱nꞌ nij síí naꞌvej rá cuno̱ snana̱ Yaꞌanj nana̱ sa̱ꞌ asa̱ꞌ caꞌneꞌ Yaꞌanj cacunꞌ cheꞌé nij soꞌ chugua̱nj.