Hechos 13:32 - Triqui de San Juan Copala

³² ’Ne̱ nihánj me se nataꞌ núj nana̱ sa̱ꞌ rihaan nij soj se vaa a̱j quiꞌyaj Yaꞌanj nu̱ꞌ nda̱a vaa cataꞌ tuꞌva soꞌ rihaan xi̱i níꞌ ga̱a naá a.

Hechos 13:32 ပူးပေါင်းရင်းမြစ်များ

San Lucas 1:19

Ga̱a ne̱ cataj se‑mo̱zó Yaꞌanj rihaan Zacarías a: ―Gabriel síí nicu̱nꞌ rihaan Yaꞌanj mé ꞌu̱nj ado̱nj. Maꞌa̱n Yaꞌanj me síí caꞌnéé manj caꞌna̱j caꞌmi̱j ga̱ so̱ꞌ ado̱nj. Caꞌneꞌ soꞌ suun rihanj se vaa cata̱j xnaꞌanj ꞌu̱nj nana̱ sa̱ꞌ nihánj rihaan so̱ꞌ,

San Lucas 2:10

Ga̱a ne̱ cataj se‑mo̱zó Yaꞌanj rihaan nij soꞌ a: ―Se̱ cuchuꞌviꞌ soj maꞌ. Cuno̱ soj á. Caꞌnáꞌ ꞌu̱nj nata̱ꞌ ꞌu̱nj ꞌo̱ nana̱ sa̱ꞌ rihaan soj cheꞌé rasu̱u̱n quiꞌya̱j gu̱un niha̱ꞌ uxrá rá nimán ta̱ranꞌ nij yuvii̱ na̱nj ado̱nj.

Hechos 10:36

A̱j neꞌen nij soj nana̱ sa̱ꞌ caꞌnéé Yaꞌanj rihaan núj si̱j israelitá se vaa veꞌé naca̱j Yaꞌanj man núj cheꞌé se vaa quiꞌyaj Jesucristó cheꞌé núj, ne̱ Jesucristó roꞌ, me Síí ꞌNi̱j Raꞌa man cunuda̱nj yuvii̱ ado̱nj.

Hechos 13:23

’Ne̱ scaꞌnúj nij taꞌníí taꞌnij siꞌno̱ David roꞌ, rqué Yaꞌanj Síí Tinanii man Yuvii̱ rihaan Sayuun man níꞌ si̱j israelitá, nda̱a vaa cataꞌ tuꞌva Yaꞌanj asi̱j naá, ne̱ Jesús me soꞌ a.

Hechos 13:38

’Xca̱j nij soj cuentá se vaa cuano̱ nihánj me se nataꞌ núj nana̱ rihaan soj se vaa cheꞌé se vaa quiꞌyaj Jesús roꞌ, cheꞌé dan caꞌve̱e tinavi̱j Yaꞌanj cacunꞌ tumé níꞌ, tinu̱j.

Hechos 14:15

cataj ro̱j soꞌ a: ―Se̱ guun quiꞌya̱j nij soj da̱nj maꞌ. ꞌO̱ se cuya̱a̱n yuvii̱ me níꞌ, ne̱ nihánj me se ꞌnaꞌ núj nata̱ꞌ núj snana̱ Yaꞌanj nana̱ sa̱ꞌ rihaan nij soj, cheꞌé rej ta̱náj soj tucuáán niꞌyo̱n rmaꞌa̱n noco̱ꞌ soj cuano̱ nihánj ne̱ ca̱nica̱j soj canoco̱ꞌ soj Yaꞌanj síí vaa iꞌna̱ꞌ ya̱ na̱nj á. Ne̱ soꞌ roꞌ, me síí quiꞌyaj nu̱ꞌ rej xta̱ꞌ do̱ꞌ, nu̱ꞌ rihaan yoꞌóó do̱ꞌ, nu̱ꞌ na yaꞌa̱nj do̱ꞌ, ne̱ nu̱ꞌ rasu̱u̱n quiꞌyaj soꞌ ado̱nj.

Hechos 26:6

Ne̱ nihánj me se cutaꞌ nij síí israelitá cacunꞌ xráj, ne̱ nicúnꞌ ꞌu̱nj nihánj rihaan so̱ꞌ, cheꞌé se uun ya̱ raj se vaa quiꞌya̱j Yaꞌanj nu̱ꞌ nda̱a vaa cataꞌ tuꞌva soꞌ rihaan xi̱i níꞌ ga̱a naá a.

Hechos 3:19

’Cheꞌé dan ca̱nica̱j nimán soj canoco̱ꞌ soj chrej sa̱ꞌ, ga̱a ne̱ caꞌve̱e tinavi̱j Yaꞌanj cacunꞌ tumé soj á. Ga̱a ne̱ caꞌve̱e quisi̱j güii cunu̱u cui̱j rá ta̱ranꞌ níꞌ si̱j israelitá, quiꞌya̱j Síí ꞌNi̱j Raꞌa man níꞌ a.

Hechos 5:42

Ne̱ da̱j a̱ güii me se cunuu chre̱ꞌ nij síí cuneꞌ Jesús rej ya̱nj nuvií noco̱o do̱ꞌ, rá veꞌ tucuá nij soꞌ do̱ꞌ, ne̱ ꞌo̱ tucuꞌyón nij soꞌ man nij yuvii̱, ne̱ nataꞌ nij soꞌ nana̱ sa̱ꞌ se vaa Jesús me Síí Caꞌnéé Yaꞌanj Ti̱nanii man Yuvii̱ rihaan Sayuun a.

Romanos 1:2

Dan me se cataꞌ tuꞌva Yaꞌanj rihaan nij síí nataꞌ snana̱ Yaꞌanj ga̱a naá se vaa vaa güii ti̱nanii ya̱ Yaꞌanj man yuvii̱ rihaan sayuun, ne̱ cachrón nij soꞌ nana̱ caꞌmii Yaꞌanj rihaan Yanj Gue̱e̱ na̱nj ado̱nj.

Romanos 10:15

Ne̱ asa̱ꞌ cuchi̱ꞌ síí aꞌmii natáj rihaan yuvii̱, sese se̱ caꞌnéé nii man soꞌ ga̱an. Dan me se aꞌmii uún Danj Yaꞌanj, taj yoꞌ a: “Veꞌé ndoꞌo ꞌyaj síí ꞌanj caꞌmi̱i̱ natáj nana̱ sa̱ꞌ ado̱nj.” Da̱nj taj Danj Yaꞌanj a.

Romanos 4:13

Dan me se neꞌen níꞌ se vaa cataꞌ tuꞌva Yaꞌanj rihaan síí cuꞌna̱j Abraham se vaa vaa güii, ne̱ ni̱caj yuꞌunj maꞌa̱n Abraham do̱ꞌ, ni̱caj yuꞌunj nij taꞌníí taꞌnij siꞌno̱ Abraham do̱ꞌ, man nu̱ꞌ chumii̱, ne̱ dan me se ya̱ ya̱ gu̱un yoꞌ toꞌóó nij soꞌ, cataj Yaꞌanj rihaan Abraham, ne̱ né cheꞌe̱ se canocoꞌ Abraham nu̱ꞌ stucua̱nj Moisés me caꞌmii Yaꞌanj da̱nj rihaan Abraham maꞌ. ꞌO̱ se a̱j cuchumán rá soꞌ cuno soꞌ nana̱ caꞌmii Yaꞌanj rihaan soꞌ, ne̱ cheꞌé dan cunuu sa̱ꞌ nimán soꞌ rihaan Yaꞌanj, ne̱ cheꞌé dan me cataj xnaꞌanj Yaꞌanj rihaan soꞌ se vaa ya̱ ya̱ ni̱caj yuꞌunj soꞌ man nu̱ꞌ chumii̱ ado̱nj.

Romanos 9:4

Dan me se yuvii̱ israelitá me nij soꞌ, ne̱ gu̱un taꞌni̱j Yaꞌanj man nij soꞌ, rá Yaꞌanj á. Queneꞌen nij soꞌ se vaa chuguu̱n ndoꞌo Yaꞌanj ga̱a canicunꞌ maꞌa̱n Yaꞌanj ga̱ nij soꞌ ga̱a naá, ne̱ cataꞌ tuꞌva Yaꞌanj rihaan nij soꞌ da̱j quiꞌya̱j Yaꞌanj cheꞌé nij soꞌ, ne̱ cataj xnaꞌanj Yaꞌanj rihaan nij soꞌ da̱j quiꞌya̱j maꞌa̱n nij soꞌ a. Tucuꞌyón Yaꞌanj man nij soꞌ da̱j quiꞌya̱j nij soꞌ ga̱a aráj gue̱e̱ nij soꞌ rihaan Yaꞌanj, ne̱ cataꞌ tuꞌva Yaꞌanj rihaan nij soꞌ se vaa ya̱ caꞌne̱j Yaꞌanj ꞌo̱ síí ti̱nanii man nij soꞌ rihaan sayuun a.