Hechos 13:27 - Triqui de San Juan Copala

²⁷ ꞌO̱ se tuviꞌ níꞌ síí ya̱nj chumanꞌ Jerusalén do̱ꞌ, nij síí uun chij rihaan nij soꞌ do̱ꞌ, ne xca̱j nij soꞌ cuentá cheꞌé Jesús, ne̱ cutaꞌ nij soꞌ cacunꞌ xráá soꞌ se vaa no̱ xcúún soꞌ ticavi̱ꞌ nii man soꞌ a. Ga̱a quiꞌyaj nij soꞌ da̱nj, ne̱ quisíj ya̱ nu̱ꞌ snana̱ nij síí nataꞌ snana̱ Yaꞌanj ga̱a naá nana̱ nayaa níꞌ da̱j a̱ güii naránj rá na̱nj á.

Hechos 13:27 ပူးပေါင်းရင်းမြစ်များ

San Mateo 22:29

Ga̱a ne̱ cataj Jesús rihaan nij soꞌ a: ―Ne neꞌen uxrá soj maꞌ. ꞌO̱ se ne neꞌen soj me taj Danj Yaꞌanj, ne̱ ne neꞌen soj se vaa nucua̱j ndoꞌo Yaꞌanj maꞌ.

San Lucas 22:34

Tza̱j ne̱ cataj Jesús rihaan Pedró a: ―Nihánj me cata̱j ꞌu̱nj rihaan so̱ꞌ da̱j qui̱ꞌyáá so̱ꞌ, Pedro. Neꞌén ꞌu̱nj se vaa asa̱ꞌ ataa cagua̱j taꞌloo nii̱ corá, ne̱ vaꞌnu̱j cata̱j so̱ꞌ se vaa ne neꞌén so̱ꞌ manj maꞌ ―taj Jesús rihaan Pedró a.

San Lucas 23:13

Dan me se canacúún síí cuꞌna̱j Pilató man nij xrej ata̱ suun noco̱o do̱ꞌ, man nij síí uun chij rihaan nij yuvii̱ israelitá do̱ꞌ, man maꞌa̱n nij yuvii̱ do̱ꞌ, se vaa caꞌna̱ꞌ nij soꞌ cunu̱u chre̱ꞌ nij soꞌ rihaan soꞌ a.

San Lucas 24:20

Ne̱ dan me se caꞌneꞌ nij xrej ata̱ suun noco̱o caꞌneꞌ nij síí nica̱j suun caꞌneꞌ suun se vaa cavi̱ꞌ soꞌ, ga̱a ne̱ cachrón nii man soꞌ rihaan rcutze̱ a.

San Juan 15:21

Dan me se quiꞌya̱j nij soꞌ nu̱ꞌ se nij yoꞌ man soj cheꞌé se‑chu̱vií ꞌu̱nj, cheꞌé se ne neꞌen nij soꞌ man síí caꞌnéé manj chugua̱nj.

San Juan 16:3

Da̱nj quiꞌya̱j nii, cheꞌé se ne neꞌen uxrá nii man Réj Yaꞌanj do̱ꞌ, man ma̱ꞌanj do̱ꞌ maꞌ.

San Juan 5:39

Dan me se ya̱nj uxrá nayaa soj Danj Yaꞌanj, cheꞌé se me rá soj xca̱j soj cuentá da̱j quiꞌya̱j soj ne̱ caꞌve̱e ca̱yáán soj ga̱ Yaꞌanj nu̱ꞌ cavii nu̱ꞌ caꞌanj na̱nj á. Ne̱ veé maꞌa̱n Danj Yaꞌanj taj xnaꞌanj cheꞌé ꞌu̱nj a.

San Juan 8:28

Cheꞌé dan cataj Jesús rihaan nij soꞌ a: ―Asa̱ꞌ quisíj naxca̱j soj mán ꞌu̱nj cano̱j rihaan rcutze̱, ga̱a ne̱ xca̱j ya̱ soj cuentá se vaa ya̱ ya̱ Si̱j Caꞌnéé Yaꞌanj Ni̱caj Yuꞌunj man Yuvii̱ mej ado̱nj. Ne̱ ne ꞌyáá ꞌu̱nj se vaa avii ina̱nj raa̱ ma̱ꞌanj maꞌ. ꞌO̱ se aꞌmii ꞌu̱nj nda̱a vaa tucuꞌyón Réj manj ado̱nj.

Hechos 15:21

ꞌO̱ se da̱j a̱ güii cueta̱nꞌ naránj rá níꞌ me se ma̱n ndoꞌo tuviꞌ níꞌ si̱j israelitá nayaa snana̱ Moisés, ne̱ aꞌmii natáj nii cheꞌé stucua̱nj soꞌ rá veꞌ tucuꞌyón níꞌ tucuáán yoꞌ da̱j a̱ chumanꞌ a. Ne̱ da̱nj ꞌyaj ina̱nj níꞌ si̱j israelitá asi̱j naá ndoꞌo a ―taj Jacobo rihaan ꞌó nij soꞌ a.

Hechos 28:23

Dan me se cachrón nij soꞌ güii caꞌna̱ꞌ uún nij soꞌ veꞌ ya̱nj Pabló, ne̱ güii yoꞌ me se caꞌnaꞌ queꞌe̱e̱ tuviꞌ nij soꞌ a. Ga̱a ne̱ nataꞌ Pabló rihaan nij soꞌ cheꞌé da̱j vaa uun chij Yaꞌanj a. Caꞌmii soꞌ cheꞌé stucua̱nj Moisés do̱ꞌ, cheꞌé nana̱ cachrón nij síí nataꞌ snana̱ Yaꞌanj ga̱a naá do̱ꞌ, cheꞌé se me ndoꞌo rá soꞌ gu̱un ya̱ rá nij soꞌ se vaa nana̱ cheꞌé Jesús me nana̱ ya̱ a. Dan me se asi̱j naꞌya̱a̱n guun cheꞌe̱ soꞌ caꞌmii soꞌ rihaan nij soꞌ, ne̱ nda̱a caꞌanj güii navij caꞌmii soꞌ ga̱ nij soꞌ a.

Hechos 3:17

’Ne̱ nihánj me se neꞌén ꞌu̱nj se vaa cheꞌé se ne queneꞌe̱n soj da̱j si̱j me Jesús, ne̱ cheꞌé dan caviꞌ soꞌ quiꞌyaj soj ga̱ nij síí uun chij rihaan soj na̱nj ado̱nj.

Romanos 11:25

Dan me se me raj xca̱j soj cuentá cheꞌé nana̱ sa̱ꞌ yuve̱ cataj xnaꞌanj Yaꞌanj rihaan níꞌ, tinu̱j, nocoj. Síj cuno soj nana̱ nihánj, ga̱a ne̱ se̱ guun caꞌmi̱i̱ xta̱ꞌ soj maꞌ. Cuano̱ nihánj me se naꞌvee xca̱j nij yuvii̱ israelitá cuentá cheꞌé se vaa quiꞌyaj Yaꞌanj cheꞌé nij soꞌ maꞌ. Cheꞌé dan vaa yaꞌnúj catu̱u̱ soj si̱j yaníj canoco̱ꞌ soj man Yaꞌanj ado̱nj. Ne̱ xa̱ꞌ nij síí yaníj narii Yaꞌanj, tza̱j ne̱ vaa güii canoco̱ꞌ cunuda̱nj nij soꞌ man Yaꞌanj, ga̱a ne̱ cuchuma̱n rá nij yuvii̱ israelitá ni̱ꞌyaj nij soꞌ man Yaꞌanj,

1 Corintios 2:8

Ne queneꞌe̱n nij síí uun chij ma̱n rihaan chumii̱ nihánj snana̱ Yaꞌanj nana̱ cu̱u yoꞌ maꞌ. Dan me se niꞌndaj ya̱ sa̱ꞌ veꞌé vaa Cristó, ne̱ sese cuno nij síí uun chij ma̱n rihaan chumii̱ nihánj snana̱ Yaꞌanj, ne̱ ne cachro̱n nij soꞌ man Cristó rihaan rcutze̱ asuun tza̱j maꞌ.

2 Corintios 3:14

Dan me se ne queneꞌe̱n nij soꞌ da̱j vaa canicunꞌ se chuguu̱n rihaan Moisés maꞌ. ꞌO̱ se ne gu̱un nucua̱j nij soꞌ xca̱j nij soꞌ cuentá a̱ maan ado̱nj. Ne̱ ina̱nj da̱nj vaa uún nij yuvii̱ israelitá nda̱a cuano̱ nihánj, ne̱ aráán rihaan nij soꞌ ga̱a nayaa nij soꞌ tucuáán cuchruj Yaꞌanj ga̱a naá, ne̱ taj se ꞌyáꞌ xca̱j nij soꞌ cuentá cheꞌé nana̱ yoꞌ a̱ maan ado̱nj. Ina̱nj nij síí noco̱ꞌ man Cristó me síí uun nucua̱j xca̱j cuentá cheꞌé nana̱ yoꞌ na̱nj á.

2 Corintios 4:4

Ne̱ xa̱ꞌ nij soꞌ, tza̱j ne̱ ne nocoꞌ nij soꞌ man Cristó maꞌ. ꞌO̱ se caráán xréé nij soꞌ, quiꞌyaj Síí Chre̱e síí noco̱ꞌ nij soꞌ man, ne̱ ne gu̱un nucua̱j nij soꞌ xca̱j nij soꞌ cuentá cheꞌé nana̱ sa̱ꞌ cheꞌé Cristó maꞌ. Ne neꞌen nij soꞌ se vaa niꞌndaj ya̱ veꞌé vaa Cristó maꞌ. Ne̱ xa̱ꞌ Cristó, tza̱j ne̱ ase vaa maꞌa̱n Yaꞌanj vaa soꞌ niꞌya̱j níꞌ man soꞌ ado̱nj.

1 Timoteo 1:13

Asino ya̱a̱n me se qui̱j uxrá caꞌmii ꞌu̱nj cheꞌé Cristó, ne̱ quiꞌyaj ndoꞌo ꞌu̱nj sayuun man nij síí noco̱ꞌ man soꞌ, ne̱ caꞌmii xta̱ꞌ ꞌu̱nj niꞌya̱j ꞌu̱nj man soꞌ, tza̱j ne̱ queneꞌen Cristó se vaa cheꞌé se ne queneꞌe̱n yá ꞌu̱nj da̱j vaa soꞌ roꞌ, cheꞌé dan ne cuchuma̱n rá ꞌu̱nj ni̱ꞌyaj ꞌu̱nj man soꞌ a. Tza̱j ne̱ cunuu ꞌe̱e̱ rá Cristó manj, ne̱ ne quiꞌya̱j soꞌ sayuun manj maꞌ.