Hechos 13:13 - Triqui de San Juan Copala

¹³ Dan me se cavii nij tuvi̱ꞌ Pabló chumanꞌ Pafos, ne̱ cavii nij soꞌ rque rihoo chéé rihaan na, ne̱ caꞌanj nij soꞌ nda̱a chumanꞌ Perge chumanꞌ na̱j estadó Panfilia a. Tza̱j ne̱ síí cuꞌna̱j Juan Marcos me se tanáj soꞌ man yavíj ro̱j soꞌ, ne̱ canica̱j soꞌ nanꞌ soꞌ chumanꞌ Jerusalén a.

Hechos 13:13 ပူးပေါင်းရင်းမြစ်များ

Hechos 12:12

Dan me se quisíj guun ya̱ ya̱ rá soꞌ, ga̱a ne̱ caꞌanj soꞌ veꞌ tucuá chana̱ cuꞌna̱j Mariá nii Juan síí tucuꞌnáj nii Marcos a. Ne̱ veꞌ yoꞌ me rej a̱j nuu chre̱ꞌ queꞌe̱e̱ yuvii̱, ne̱ achíín niꞌya̱j nij soꞌ rihaan Yaꞌanj a.

Hechos 15:36

Dan me se cachén do̱j güii, ga̱a ne̱ cataj Pabló rihaan Bernabé a: ―Ca̱nica̱j ro̱ꞌ caꞌa̱nj uún ro̱ꞌ cunuda̱nj nij chumanꞌ ya̱nj nij tinúú ro̱ꞌ nij síí nataꞌ ro̱ꞌ snana̱ Síí ꞌNi̱j Raꞌa man níꞌ rihaan, ga̱a ne̱ queneꞌe̱n ro̱ꞌ da̱j vaa mán nij soꞌ na̱nj ado̱nj ―taj Pabló rihaan Bernabé a.

Hechos 15:38

Tza̱j ne̱ ne caꞌve̱j rá Pabló caꞌa̱nj uún soꞌ ga̱ ro̱j soꞌ, cheꞌé se ga̱a rque̱ me se tanáj soꞌ man ro̱j soꞌ estadó Panfilia, ne̱ ne caꞌa̱nj soꞌ quiꞌya̱j soꞌ se‑su̱u̱n Yaꞌanj ga̱ ro̱j soꞌ maꞌ.

Hechos 2:10

Frigia do̱ꞌ, Panfilia do̱ꞌ, Egiptó do̱ꞌ, rej Libia na̱j nichru̱nꞌ Cirene do̱ꞌ, ne̱ taꞌa̱j níꞌ me síí ya̱nj chumanꞌ Romá uún a. ꞌO̱ se taꞌa̱j níꞌ me yuvii̱ israelitá, ne̱ ꞌó taꞌa̱j níꞌ me nij síí yaníj guun tuvi̱ꞌ ga̱ nij síí israelitá a.

Hechos 27:13

Dan me se cavii ꞌo̱ nana̱ catu̱nꞌ rej sur tuꞌva na yaꞌa̱nj, ne̱ guun rá nij soꞌ se vaa gu̱un nucua̱j nij soꞌ quiꞌya̱j nij soꞌ nda̱a vaa guun rá nij soꞌ a. Cheꞌé dan guun cheꞌe̱ rihoo caꞌanj rihoo, ne̱ nichru̱nꞌ yoꞌóó cuꞌna̱j Creta va̱j nij soꞌ quiꞌyaj nana̱ a.

Hechos 27:5

Ga̱a ne̱ cachén uún núj rihaan na yaꞌa̱nj, ne̱ cachén núj tuꞌva estadó Cilicia do̱ꞌ, estadó Panfilia do̱ꞌ, ne̱ cuchiꞌ núj nda̱a chumanꞌ Mira chumanꞌ na̱j estadó Lisia a.

Colosenses 4:10

A̱j neꞌen soj man síí cuꞌna̱j Aristarco uún a. Cuano̱ nihánj me se ꞌni̱j soꞌ tagaꞌ ga̱ ꞌu̱nj, ne̱ me rá soꞌ se vaa veꞌé cuma̱n soj a. Ne̱ vaa síí cuꞌna̱j Marcos tinúú tachru̱u̱ síí cuꞌna̱j Bernabé a. Veé da̱nj veꞌé cuma̱n soj, rá soꞌ uún a. A̱j cuchiꞌ nana̱ rihaan soj cheꞌé Marcos, se vaa sese cuchi̱ꞌ soꞌ chiháán soj, ne̱ veꞌé caꞌmi̱i̱ soj ga̱ soꞌ á.

2 Timoteo 4:11

Da̱j o̱rúnꞌ síí cuꞌna̱j Lucas nicunꞌ ga̱ ꞌu̱nj nihánj cuano̱ na̱nj ado̱nj. Ni̱caj so̱ꞌ man síí cuꞌna̱j Marcos caꞌna̱ꞌ so̱ꞌ á. ꞌO̱ se vaa ndoꞌo suun qui̱ꞌyáá ꞌu̱nj, ne̱ ra̱cuíj soꞌ manj, raj a.