Hechos 13:12 - Triqui de San Juan Copala

¹² Ne̱ ga̱a queneꞌen síí nica̱j suun gobernador yoꞌ da̱j quiranꞌ síí chru̱u̱n cuꞌna̱j Elimas yoꞌ, ga̱a ne̱ caráyaꞌa̱nj ndoꞌo soꞌ niꞌya̱j soꞌ stucua̱nj Síí ꞌNi̱j Raꞌa man níꞌ, ne̱ cuchumán rá soꞌ niꞌya̱j soꞌ man Jesucristó a.

Hechos 13:12 ပူးပေါင်းရင်းမြစ်များ

San Mateo 27:54

Veé dan, ne̱ nicu̱nꞌ tanuu capitán romanó ꞌni̱j raꞌa cientó tanuu, ne̱ nicu̱nꞌ ꞌó nij tanuu tumé man Jesús a. Ne̱ queneꞌen nij soꞌ cachén yuún, ne̱ queneꞌen nij soꞌ nu̱ꞌ se vaa guun, ne̱ cuchuꞌviꞌ ndoꞌo nij soꞌ, ne̱ dan me se cataj nij soꞌ a: ―Ya̱ ya̱ Taꞌni̱j Yaꞌanj me síí nihánj asânj ―taj nij soꞌ a.

San Lucas 4:22

Sa̱ꞌ uxrá caꞌmii Jesús, cataj nij yuvii̱, ne̱ caráyaꞌa̱nj nij soꞌ cuno nij soꞌ se vaa veꞌé uxrá vaa nana̱ caꞌmii Jesús a. Ga̱a ne̱ dan me se xnáꞌanj nij soꞌ man tuviꞌ nij soꞌ sese né taꞌni̱j José síí ya̱nj chiháán nij soꞌ me soꞌ a.

San Lucas 7:16

Ga̱a ne̱ caꞌanj rá ta̱ranꞌ nij yuvii̱ se vaa quiꞌyaj Jesús, ga̱a ne̱ veꞌé uxrá caꞌmii nij soꞌ cheꞌé Yaꞌanj cataj nij soꞌ se vaa caꞌnéé Yaꞌanj ꞌo̱ síí nataꞌ snana̱ soꞌ rihaan nij soꞌ a. Ne̱ cataj uún nij soꞌ se vaa caꞌnaꞌ Yaꞌanj ra̱cuíj Yaꞌanj man nij soꞌ si̱j noco̱ꞌ man Yaꞌanj a.

San Juan 7:46

Ga̱a ne̱ cataj nij tanuu a: ―Cuna̱j uxrá vaa nana̱ aꞌmii soꞌ, ne̱ taj va̱j ꞌó yuvii̱ neꞌen caꞌmi̱i̱ nana̱ aꞌmii soꞌ a̱ maꞌ ―taj nij tanuu yoꞌ a.

Hechos 13:48

Dan me se ga̱a cuno nij síí yaníj nana̱ yoꞌ, ne̱ guun niha̱ꞌ uxrá rá nij soꞌ, ne̱ veꞌé uxrá caꞌmii nij soꞌ cheꞌé snana̱ Yaꞌanj Si̱j ꞌNi̱j Raꞌa man níꞌ a. Ne̱ cunuda̱nj nij síí cuneꞌ Yaꞌanj ca̱yáán rihaan Yaꞌanj nu̱ꞌ cavii nu̱ꞌ caꞌanj roꞌ, cuchumán rá nij soꞌ nana̱ yoꞌ a.

Hechos 13:49

Ga̱a ne̱ chaꞌnuu̱ snana̱ Síí ꞌNi̱j Raꞌa man níꞌ rque nu̱ꞌ estadó yoꞌ a.

Hechos 13:7

Ne̱ soꞌ me síí uꞌyón ina̱nj chéé ga̱ síí nica̱j suun gobernador cuꞌna̱j Sergio Paulo, ne̱ síí cavii ndoꞌo raa̱ me Sergio Paulo yoꞌ a. Ne̱ soꞌ roꞌ, canacúún man ro̱j síí cuꞌna̱j Bernabé ga̱ Saulo se vaa caꞌna̱ꞌ ro̱j soꞌ rihaan soꞌ, cheꞌé se guun ndoꞌo rá soꞌ cuno̱ soꞌ snana̱ Yaꞌanj, ne̱ da̱nj quiꞌyaj ro̱j soꞌ a.

Hechos 13:8

Dan me se xa̱ꞌ síí chru̱u̱n cuꞌna̱j Barjesús, tza̱j ne̱ ꞌó se‑chuvi̱i soꞌ me Elimas, ne̱ nana̱ Elimas me raj cata̱a “síí chru̱u̱n” a. Dan me se guun rá Elimas ca̱ráán soꞌ chrej rihaan snana̱ Bernabé ga̱ Saulo a. ꞌO̱ se naꞌvej rá soꞌ cuchuma̱n rá Sergio Paulo maꞌ.

Hechos 15:35

Ne̱ guun ra̱a̱n Pabló do̱ꞌ, Bernabé do̱ꞌ, chumanꞌ Antioquía, ne̱ tucuꞌyón ro̱j soꞌ snana̱ Síí ꞌNi̱j Raꞌa man níꞌ nana̱ sa̱ꞌ rihaan yuvii̱ a. Ne̱ queꞌe̱e̱ ndoꞌo ꞌó nij yuvii̱ nataꞌ nana̱ sa̱ꞌ yoꞌ ga̱ ro̱j soꞌ a.

Hechos 15:36

Dan me se cachén do̱j güii, ga̱a ne̱ cataj Pabló rihaan Bernabé a: ―Ca̱nica̱j ro̱ꞌ caꞌa̱nj uún ro̱ꞌ cunuda̱nj nij chumanꞌ ya̱nj nij tinúú ro̱ꞌ nij síí nataꞌ ro̱ꞌ snana̱ Síí ꞌNi̱j Raꞌa man níꞌ rihaan, ga̱a ne̱ queneꞌe̱n ro̱ꞌ da̱j vaa mán nij soꞌ na̱nj ado̱nj ―taj Pabló rihaan Bernabé a.

Hechos 18:12

Dan me se yoꞌ dan me se síí cuꞌna̱j Galión me síí nica̱j suun gobernador uun chij rihaan estadó cuꞌna̱j Acaya a. Ne̱ naxuma̱a̱n yuvii̱ israelitá, ne̱ ꞌo̱ cuya̱a̱n me nimán nij soꞌ niꞌya̱j nij soꞌ man Pabló, ne̱ caꞌanj ni̱caj nij soꞌ man Pabló rihaan síí nica̱j suun cuꞌna̱j Galión yoꞌ, cheꞌé rej naquiꞌya̱j cu̱u soꞌ cheꞌé Pabló a.

Hechos 19:10

Ne̱ quisíj vi̱j ya̱ yoꞌ quiꞌyaj soꞌ da̱nj, ne̱ cheꞌé dan cunuda̱nj nij síí israelitá ga̱ nij síí yaníj aꞌmii xnaꞌánj griego ya̱nj estadó Asia xcaj cuentá cheꞌé snana̱ Jesús Si̱j ꞌNi̱j Raꞌa man níꞌ a.

Hechos 19:20

Veé dan me se chaꞌnuu̱ uxrá snana̱ Síí ꞌNi̱j Raꞌa man níꞌ, ne̱ nariꞌ nucuaj doj snana̱ soꞌ a.

Hechos 19:38

Dan me se xa̱ꞌ nij tuvi̱ꞌ síí cuꞌna̱j Demetrio, tza̱j ne̱ sese me rá nij tuvi̱ꞌ nij soꞌ cuta̱ꞌ nij soꞌ cacunꞌ xráá ꞌo̱ yuvii̱, ne̱ vaa yaꞌnúj rihaan nij soꞌ caꞌa̱nj nij soꞌ rihaan cuese̱, ne̱ caꞌve̱e cuta̱ꞌ nij soꞌ cacunꞌ xráá tuviꞌ nij soꞌ na̱nj á.

Hechos 19:7

Ne̱ cunuda̱nj nij snóꞌo me se quisíj ya̱ ꞌo̱ chuvi̱j nij soꞌ ta̱ꞌ asuun a.

Hechos 28:7

Dan me se nichru̱nꞌ rej yoꞌ me se na̱j toꞌóó síí uun chij doj rihaan yoꞌóó ta̱j rihaan na yaꞌa̱nj yoꞌ, ne̱ Publio cuꞌna̱j soꞌ a. Ne̱ nica̱j tuviꞌ soꞌ ga̱ núj, ne̱ vaꞌnu̱j güii veꞌé taj yaꞌanj soꞌ man núj a.

Hechos 6:10

tza̱j ne̱ ne caꞌve̱e quiꞌya̱j canaán snana̱ nij soꞌ rihaan snana̱ Esteban a̱ maꞌ. ꞌO̱ se racuíj ndoꞌo Nimán Yaꞌanj man Esteban, ne̱ cavii ndoꞌo nana̱ cu̱u raa̱ soꞌ, quiꞌyaj Nimán Yaꞌanj a.

Hechos 8:25

Dan me se caꞌmii ro̱j soꞌ cheꞌé se vaa quiꞌyaj Jesús queneꞌen ro̱j soꞌ, ne̱ nataꞌ ro̱j soꞌ snana̱ Yaꞌanj Si̱j ꞌNi̱j Raꞌa man níꞌ, ga̱a ne̱ quinanꞌ ro̱j soꞌ chumanꞌ Jerusalén, ne̱ nataꞌ ro̱j soꞌ nana̱ sa̱ꞌ cheꞌé Jesús rque queꞌe̱e̱ chumanꞌ na̱j estadó cuꞌna̱j Samaria a.