Hechos 12:8 - Triqui de San Juan Copala

⁸ Ga̱a ne̱ cataj se‑mo̱zó Yaꞌanj rihaan Pedró a: ―Naquiꞌya̱j xraan so̱ꞌ catuún so̱ꞌ, ne̱ caxri̱i̱ so̱ꞌ canj tacóó so̱ꞌ á ―taj se‑mo̱zó Yaꞌanj rihaan soꞌ a. Ne̱ quiꞌyaj Pedró nda̱a vaa cataj se‑mo̱zó Yaꞌanj rihaan soꞌ a. Ga̱a ne̱ cataj uún se‑mo̱zó Yaꞌanj a: ―Ni̱quee so̱ꞌ roto̱ so̱ꞌ, ne̱ ca̱nocóꞌ so̱ꞌ manj á ―taj uún se‑mo̱zó Yaꞌanj rihaan soꞌ a.

Hechos 12:8 ပူးပေါင်းရင်းမြစ်များ

San Mateo 3:11

’ꞌU̱nj nihánj me se na u̱u̱n utaꞌ ne ꞌu̱nj man soj si̱j nuchranꞌ nimán canocoꞌ chrej sa̱ꞌ a. Tza̱j ne̱ vaa ꞌó síí caꞌna̱ꞌ, ne̱ si̱j nucua̱j doj me soꞌ rihanj a. Cheꞌé dan me a̱ doj ne nó xcúnj na̱chej nuj correá ꞌni̱j tacanj soꞌ maꞌ Ne̱ caꞌna̱ꞌ soꞌ, ne̱ cuta̱ꞌ ne soꞌ nimán soj ga̱ maꞌa̱n Nimán Yaꞌanj, ne̱ caxri̱i̱ yaꞌan soꞌ man soj si̱j naꞌvej rá cuno̱ rihaan Yaꞌanj, ne̱ caca̱a̱ soj ado̱nj.

San Marcos 6:9

Tza̱j ne̱ qui̱ꞌnij tacóó nij soꞌ canj, ne̱ o̱rúnꞌ yatzéj quita̱j xráá nij soꞌ, taj Jesús a.

San Lucas 12:37

Ne̱ cavi̱i̱ sa̱ꞌ uxrá nij mozó ꞌyaj da̱nj, cheꞌé se ne otoj nij soꞌ ga̱a namán se‑ruꞌve̱e̱ nij soꞌ a. Dan me se queneꞌe̱n ya̱ soꞌ se vaa ne otoj nij soꞌ maꞌ. Cata̱j yá ꞌu̱nj rihaan soj cuano̱ se vaa maꞌa̱n ruꞌvee yoꞌ roꞌ, naquiꞌya̱j sa̱ꞌ soꞌ man soꞌ, ne̱ ca̱yáán se‑mo̱zó soꞌ rihaan mesá, quiꞌya̱j soꞌ, ne̱ quiꞌya̱j chuvi̱i maꞌa̱n soꞌ cha̱ nij se‑mo̱zó soꞌ ado̱nj.

Hechos 12:7

Ne̱ ta̱j niꞌyo̱n curiha̱nj ꞌo̱ se‑mo̱zó Yaꞌanj rá veꞌ na̱j Pedró, ne̱ chuguu̱n ndoꞌo rá tagaꞌ yoꞌ a. Ga̱a ne̱ tinasquiꞌ se‑mo̱zó Yaꞌanj xꞌnúú Pedró, tinanuû soꞌ man Pedró, ne̱ cataj soꞌ a: ―ꞌO̱ na̱xaga̱a̱ so̱ꞌ cuaj, Pedro ―taj soꞌ rihaan Pedró a. Dan me se naxaga̱a̱ Pedró, ne̱ agaꞌ ne̱ꞌ numi̱i raꞌa soꞌ roꞌ, naxraꞌ yoꞌ, ne̱ quinij yoꞌ rihaan yoꞌóó a.

Hechos 12:9

Dan me se canocoꞌ Pedró man se‑mo̱zó Yaꞌanj, ne̱ curiha̱nj soꞌ tagaꞌ, tza̱j ne̱ ne queneꞌe̱n soꞌ sese ya̱ curiha̱nj soꞌ tagaꞌ quiꞌyaj se‑mo̱zó Yaꞌanj yoꞌ maꞌ. ꞌO̱ se ma̱an se quiꞌyaj maꞌa̱n rihaan soꞌ quiꞌyaj Yaꞌanj nu̱ꞌ se vaa quiꞌyaj se‑mo̱zó Yaꞌanj yoꞌ, rá soꞌ a.

Hechos 27:23

ꞌO̱ se ꞌu̱nj me síí noco̱ꞌ man Yaꞌanj, ne̱ ꞌyáj se‑su̱u̱n soꞌ, ne̱ nii̱ cuaꞌa̱a roꞌ, canicunꞌ ꞌo̱ se‑mo̱zó Yaꞌanj rihanj,

Hechos 8:26

Ga̱a ne̱ caꞌmii ꞌo̱ se‑mo̱zó Yaꞌanj rihaan síí cuꞌna̱j Felipé, cataj soꞌ a: ―Cavi̱i̱ so̱ꞌ, caꞌa̱nj so̱ꞌ rej sur nda̱a chrej avii chumanꞌ Jerusalén ꞌanj nda̱a chumanꞌ cuꞌna̱j Gaza á ―taj se‑mo̱zó Yaꞌanj rihaan Felipé a. Dan me se chrej va̱j rej tacaan ina̱nj me chrej yoꞌ a.