Hechos 12:4 - Triqui de San Juan Copala

⁴ Dan me se caxríj nij tanuu tagaꞌ man Pedró, ne̱ caꞌneꞌ Herodes suun rihaan xnu̱ꞌ ya̱a̱n (16) tanuu se vaa tu̱mé nij tanuu man Pedró, ne̱ caꞌa̱nj ya̱ xꞌneꞌ me nij tanuu yoꞌ a. ꞌO̱ se guun rá Herodes se vaa nda̱a cache̱n Chaꞌanj Pascuá, ga̱a ne̱ quiri̱i̱ soꞌ man Pedró ne̱ ti̱haa̱n soꞌ man Pedró rihaan nij yuvii̱ israelitá, rá soꞌ a.

Hechos 12:4 ပူးပေါင်းရင်းမြစ်များ

San Mateo 24:9

’Ga̱a ne̱ caꞌa̱nj ni̱caj yuvii̱ man taꞌa̱j soj rihaan nij síí nica̱j suun, ne̱ quira̱nꞌ taꞌa̱j soj sayuun ne̱ cavi̱ꞌ taꞌa̱j soj na̱nj á. Ne̱ nachri̱ꞌ cunuda̱nj nij xꞌneꞌ nij yuvii̱ aꞌmii ꞌo̱ ꞌo̱ xnaꞌánj ni̱ꞌyaj nij soꞌ man soj, cheꞌé se me soj síí noco̱ꞌ manj ado̱nj.

San Mateo 26:5

Tza̱j ne̱ cataj nij soꞌ a: ―Se̱ taꞌaa níꞌ man soꞌ ga̱a anuû chaꞌanj maꞌ. Sese da̱nj quiꞌya̱j níꞌ, ne̱ caꞌma̱an rá nij yuvii̱, ne̱ gu̱un sayuun, quiꞌya̱j nij yuvii̱ na̱nj ado̱nj ―taj nij soꞌ a.

San Marcos 14:1

Dan me se rque vi̱j güii ca̱nuû Chaꞌanj Pascuá chaꞌanj chá nij yuvii̱ israelitá rachrúún ne atúj levadura, ne̱ dan me se ꞌo̱ guun rá nij xrej ata̱ suun noco̱o ga̱ nij síí naquiꞌyaj cu̱u stucua̱nj Moisés se vaa tiha̱ꞌ yuꞌunj nij soꞌ man Jesús, ne̱ ta̱ꞌaa yuve̱ nij soꞌ man Jesús, ne̱ cavi̱ꞌ Jesús, quiꞌya̱j nij soꞌ, rá nij soꞌ a.

San Lucas 21:12

’Tza̱j ne̱ asa̱ꞌ ataa gu̱un nu̱ꞌ sayuun yoꞌ, ne̱ quita̱j riꞌyunj nii man soj, ne̱ ta̱ꞌaa nii man soj, ne̱ canoco̱ꞌ nii man soj quiꞌya̱j nii sayuun man soj, ne̱ ta̱cuachén nii man soj rihaan nij síí ma̱n rá veꞌ nuu chre̱ꞌ níꞌ tu̱cuꞌyón níꞌ stucua̱nj Moisés, ne̱ caxri̱i̱ nii tagaꞌ man soj, ne̱ ta̱cuachén nii man soj rihaan nij síí nica̱j suun, cheꞌé se si̱j noco̱ꞌ manj me soj a.

San Lucas 22:33

Ga̱a ne̱ cataj soꞌ rihaan Jesús a: ―Tza̱j ne̱ a̱j caꞌnéé nimanj ꞌo̱ cache̱e̱ ꞌu̱nj ga̱ so̱ꞌ, Señor. Caꞌve̱e se caxri̱i̱ nii tagaꞌ mán so̱ꞌ caꞌve̱e se ticavi̱ꞌ nii mán so̱ꞌ caꞌve̱e se, tza̱j ne̱ se̱ tanáj xco̱ ꞌu̱nj mán so̱ꞌ maꞌ ―taj soꞌ rihaan Jesús a.

San Juan 19:23

Dan me se ga̱a quisíj cachrón nij tanuu man Jesús rihaan rcutze̱, ne̱ nica̱j nij soꞌ saga̱nꞌ Jesús, ne̱ cuxraꞌ taꞌa̱j nij soꞌ saga̱nꞌ Jesús, ne̱ nica̱j ꞌo̱ ꞌo̱ tanuu taꞌa̱j saga̱nꞌ Jesús yoꞌ a. Ne̱ vaa se‑co̱toó Jesús cotoó xca̱a̱n uún a. Ne̱ xa̱ꞌ se‑co̱toó soꞌ, tza̱j ne̱ taj va̱j rej nuvá nii se‑co̱toó soꞌ maꞌ. Ma̱an se o̱rúnꞌ yatzéj me yoꞌ ga̱a canánj nii man yoꞌ a.

San Juan 21:18

Cuano̱ nihánj me se cata̱j yá yá ꞌu̱nj rihaan so̱ꞌ se vaa ga̱a mé so̱ꞌ síí tachru̱u̱, ne̱ numíj ma̱ꞌán so̱ꞌ yatzéj catuún so̱ꞌ, ne̱ chéé so̱ꞌ me rej maꞌa̱n guun rá so̱ꞌ a. Tza̱j ne̱ asa̱ꞌ guún so̱ꞌ chii nga̱, ne̱ ti̱cúnꞌ so̱ꞌ raꞌá so̱ꞌ, ne̱ ꞌó soꞌ nu̱míj catuún so̱ꞌ, ne̱ ni̱caj soꞌ mán so̱ꞌ caꞌa̱nj soꞌ me rej maꞌa̱n rá soꞌ caꞌa̱nj soꞌ, ne̱ nda̱ꞌ se naꞌvej rá so̱ꞌ caꞌa̱nj so̱ꞌ, tza̱j ne̱ va̱j so̱ꞌ ado̱nj ―taj Jesús rihaan Pedró a.

Hechos 12:3

Dan me se xcaj Herodes cuentá se vaa guun niha̱ꞌ rá nij yuvii̱ israelitá se vaa caviꞌ Jacobo, ne̱ cheꞌé dan taꞌaa nij tanuu man Pedró, quiꞌyaj uún soꞌ a. Ga̱a canuû chaꞌanj chá nij yuvii̱ israelitá rachrúún ne atúj levadura me quiꞌyaj Herodes da̱nj a.

Hechos 12:5

Dan me se Pedró roꞌ, ꞌni̱j soꞌ tagaꞌ rej tumé nij tanuu man soꞌ, tza̱j ne̱ ꞌo̱ na̱nj cachíín niꞌya̱j ndoꞌo xꞌneꞌ nij síí noco̱ꞌ man Jesucristó rihaan Yaꞌanj cheꞌé soꞌ a.

Hechos 4:28

Tza̱j ne̱ quiꞌyaj nij soꞌ ina̱nj se vaa guun rá ma̱ꞌán so̱ꞌ asi̱j naá se vaa quiꞌya̱j nij soꞌ, ne̱ ma̱ꞌán so̱ꞌ me síí quiꞌyaj guun nu̱ꞌ nihánj a.

Hechos 4:3

Ne̱ dan me se taꞌaa nij soꞌ man ro̱j soꞌ, ne̱ caxríj nij soꞌ tagaꞌ man ro̱j soꞌ ꞌo̱ yanꞌ a. ꞌO̱ se a̱j tiꞌnuu me orá yoꞌ a.

Hechos 5:18

Dan me se caꞌnéé nij soꞌ tanuu ta̱ꞌaa man nij síí ata̱ suun caꞌa̱nj nata̱ꞌ snana̱ Jesús, ga̱a ne̱ caxríj nij soꞌ tagaꞌ man nij soꞌ a.

Hechos 8:3

Tza̱j ne̱ síí cuꞌna̱j Saulo me se síí ta̱j riꞌyunj man xꞌneꞌ nij síí noco̱ꞌ man Jesús me soꞌ, ne̱ quiꞌyaj ndoꞌo soꞌ sayuun man nij soꞌ a. Dan me se cuchiꞌ soꞌ veꞌ ya̱nj ꞌo̱ ꞌo̱ nij síí noco̱ꞌ man Jesús, ne̱ taꞌaa soꞌ man nij soꞌ, ne̱ dan me se nu̱ꞌ snóꞌo nu̱ꞌ chana̱ nu̱ꞌ taꞌaa soꞌ, ne̱ caxríj soꞌ tagaꞌ man nij soꞌ a.