Hechos 12:15 - Triqui de San Juan Copala

¹⁵ Tza̱j ne̱ nij síí ma̱n rá veꞌ taj rihaan noꞌ a: ―Snúú so̱ꞌ á ―taj taꞌa̱j nij soꞌ rihaan noꞌ a. Tza̱j ne̱ taj se quiꞌyáꞌ caꞌne̱ꞌ rá noꞌ a. ꞌO̱ se ꞌo̱ cataj noꞌ se vaa ya̱ nicu̱nꞌ Pedró taꞌyaa a. Ga̱a ne̱ cataj ꞌó nij soꞌ rihaan noꞌ a: ―Na̱nj se‑mo̱zó Yaꞌanj tumé man Pedró me síí nicu̱nꞌ rihaan taꞌyaa na̱nj á ―taj ꞌó nij soꞌ rihaan noꞌ a.

Hechos 12:15 ပူးပေါင်းရင်းမြစ်များ

San Mateo 18:10

’Tu̱mé soj man soj se̱ cataj soj se vaa taj yuꞌvee nó ꞌo̱ tuviꞌ soj síí nica̱ꞌ nimán maꞌ. ꞌO̱ se cata̱j xnaꞌanj ꞌu̱nj rihaan soj cuano̱ se vaa vaa se‑mo̱zó Réé ꞌu̱nj síí nicu̱nꞌ xta̱ꞌ tumé man ꞌo̱ ꞌo̱ nij soꞌ na̱nj ado̱nj. Ne̱ niga̱nj nicunꞌ nij soꞌ rihaan Réj, ne̱ uno Réj nu̱ꞌ nana̱ nataꞌ nij soꞌ rihaan Réj a.

San Marcos 16:14

Cachén do̱j, ga̱a ne̱ yáán xa̱a̱n nij síí tucuꞌyón snana̱ Jesús rihaan mesá, ne̱ curuviꞌ maꞌa̱n Jesús rihaan nij soꞌ, ne̱ caxríj yuva̱a̱ soꞌ man nij soꞌ se vaa guun nichra̱j rá nij soꞌ ne̱ ne cuchuma̱n rá nij soꞌ snana̱ nij síí queneꞌen se vaa a̱j cunuu iꞌna̱ꞌ uún soꞌ a.

San Lucas 22:59

Dan me se cachén ꞌó orá uún, ga̱a ne̱ nucua̱j caꞌmii ꞌó soꞌ a: ―Ya̱ uxrá si̱j cachéé ga̱ Jesús me síí nihánj na̱nj ado̱nj. ꞌO̱ se si̱j cavii estadó Galilea me ro̱j soꞌ ga̱ Jesús chugua̱nj ―taj ꞌó soꞌ a.

San Lucas 24:11

Ne̱ ga̱a cuno nij síí cuneꞌ Jesús snana̱ nij chana̱, ga̱a ne̱ nana̱ snúú rmaꞌa̱n me nana̱ yoꞌ, rá nij síí cuneꞌ Jesús, ne̱ ne cuchuma̱n rá nij soꞌ snana̱ nij noꞌ maꞌ.

Hechos 12:16

Ne̱ Pedró roꞌ, ꞌo̱ nicunꞌ soꞌ xeꞌ ticaꞌmii soꞌ taꞌyaa a. Ga̱a ne̱ caꞌnaꞌ nij soꞌ, ne̱ caꞌnúj nij soꞌ, ne̱ queneꞌen nij soꞌ man Pedró, ga̱a ne̱ caꞌanj ndoꞌo rá nij soꞌ niꞌya̱j nij soꞌ man Pedró a.

Hechos 26:24

Dan me se ga̱a caꞌmii soꞌ da̱nj rihaan rey cuꞌna̱j Agripa, ne̱ caguáj síí cuꞌna̱j Festo, cataj soꞌ a: ―Snúú so̱ꞌ, Pablo. Cheꞌé se tucuꞌyón ndoꞌo so̱ꞌ yanj roꞌ, cheꞌé dan guun snu̱j raá so̱ꞌ na̱nj á ―taj soꞌ rihaan Pabló a.