Hechos 11:9 - Triqui de San Juan Copala

⁹ Ga̱a ne̱ caꞌmii uún soꞌ rihanj, cataj soꞌ a: “Ne̱ sese Yaꞌanj me síí cataj se vaa cunuu sa̱ꞌ ꞌo̱ rasu̱u̱n, ne̱ se̱ guun cata̱j so̱ꞌ se vaa chiꞌi̱i̱ vaa rasu̱u̱n yoꞌ rihaan so̱ꞌ maꞌ”, cataj soꞌ rihanj a.

Hechos 11:9 ပူးပေါင်းရင်းမြစ်များ

San Marcos 7:19

ꞌO̱ se ne atúj yoꞌ nda̱a nimán yuvii̱ maꞌ. Tana̱nj achén yoꞌ rque yuvii̱, ne̱ uriha̱nj yoꞌ ga̱a reꞌé yuvii̱ na̱nj á ―taj Jesús a. Ne̱ nana̱ yoꞌ taj se vaa caꞌve̱e cha̱ yuvii̱ me maꞌa̱n rasu̱u̱n ne̱ né cacunꞌ me yoꞌ rihaan Yaꞌanj maꞌ.

Hechos 10:15

Ga̱a ne̱ caꞌmii uún síí caꞌmii ga̱ Pedró, cataj soꞌ a: ―Sese Yaꞌanj me síí cataj se vaa cunuu sa̱ꞌ ꞌo̱ rasu̱u̱n, ne̱ se̱ guun cata̱j so̱ꞌ se vaa chiꞌi̱i̱ vaa rasu̱u̱n yoꞌ rihaan so̱ꞌ maꞌ ―taj uún soꞌ rihaan Pedró a.

Hechos 10:28

Ga̱a ne̱ cataj Pedró rihaan nij yuvii̱ a: ―A̱j neꞌen nij soj stucua̱nj núj si̱j israelitá se vaa a̱ doj ne nó xcúún núj catu̱u̱ núj rej ma̱n soj si̱j yaníj, ne̱ ne nó xcúún núj cunu̱u chre̱ꞌ núj ga̱ soj maꞌ. Tza̱j ne̱ Yaꞌanj tihaa̱n rihaan ma̱ꞌanj se vaa se̱ caꞌvee cata̱j ꞌu̱nj se vaa nij vaa taꞌa̱j yuvii̱ rihaan soꞌ maꞌ.

Hechos 11:10

Dan me se quisíj vaꞌnu̱j caꞌmii soꞌ nana̱ vaa da̱nj rihanj, ga̱a ne̱ cavii uún nu̱ꞌ rasu̱u̱n yoꞌ rej xta̱ꞌ, caꞌanj yoꞌ a.

Hechos 11:8

Ga̱a ne̱ cataj ꞌu̱nj a: “Señor, se̱ guun maꞌ. ꞌO̱ se né xcu̱u chá me nij xoꞌ rihaan núj si̱j israelitá maꞌ. Xcuu vaa chiꞌi̱i̱ me nij xoꞌ rihaan núj na̱nj á. Nu̱ꞌ caꞌnaꞌ me se ne catu̱u̱ nee̱ xcuu vaa da̱nj tuꞌvaj maꞌ”, cataj ꞌu̱nj rihaan síí caꞌmii rihanj a.

Hechos 15:9

Dan me se cunuu sa̱ꞌ nimán nij síí yaníj rihaan Yaꞌanj cheꞌé se cuchumán rá nij soꞌ niꞌya̱j nij soꞌ man Jesucristó, ne̱ cuano̱ nihánj me se ꞌo̱ cuya̱a̱n vaa nij soꞌ ga̱ níꞌ rihaan Yaꞌanj na̱nj ado̱nj.

1 Timoteo 4:5

Neꞌen níꞌ da̱j taj snana̱ Yaꞌanj, ne̱ cheꞌé dan neꞌen níꞌ se vaa sese cachi̱nj niꞌya̱j níꞌ asino ya̱a̱n rihaan Yaꞌanj, ne̱ Yaꞌanj me síí naquiꞌya̱j sa̱ꞌ yoꞌ cha̱ níꞌ ado̱nj.