Hechos 11:20 - Triqui de San Juan Copala20 Tza̱j ne̱ do̱j tuviꞌ nij soꞌ me síí cavii Chipre do̱ꞌ, estadó Cirene do̱ꞌ, ne̱ nij soꞌ roꞌ, caꞌanj chumanꞌ Antioquía, ne̱ nda̱a rihaan nij síí yaníj síí aꞌmii xnaꞌánj griego nataꞌ nij soꞌ nana̱ sa̱ꞌ cheꞌé Jesús Si̱j ꞌNi̱j Raꞌa man níꞌ a. အခန်းကိုကြည့်ပါ။ |
Hechos 11:20
28 ပူးပေါင်းရင်းမြစ်များ
Dan me se cheꞌé snana̱ síí cuꞌna̱j Esteban me se quiꞌyaj ndoꞌo nii sayuun man nij síí israelitá noco̱ꞌ man Jesús a. Cheꞌé dan tanáj nij soꞌ chumanꞌ Jerusalén, ne̱ cunánj nij soꞌ caꞌanj nij soꞌ nda̱a estadó cuꞌna̱j Fenicia do̱ꞌ, nda̱a yoꞌóó ta̱j rihaan na yaꞌa̱nj cuꞌna̱j Chipre do̱ꞌ, nda̱a chumanꞌ Antioquía do̱ꞌ a. Tza̱j ne̱ ina̱nj rihaan nij yuvii̱ israelitá nataꞌ nij soꞌ snana̱ Jesús, ne̱ ne nata̱ꞌ nij soꞌ rihaan nij síí yaníj maꞌ.
ne̱ nariꞌ Bernabé man Saulo, ga̱a ne̱ nica̱j Bernabé man Saulo caꞌnaꞌ soꞌ chumanꞌ Antioquía a. Ne̱ dan me se ꞌo̱ yoꞌ roꞌ, yáán ro̱j soꞌ ga̱ xꞌneꞌ nij síí noco̱ꞌ man Jesucristó ya̱nj chumanꞌ Antioquía, ne̱ tucuꞌyón ro̱j soꞌ snana̱ Yaꞌanj man queꞌe̱e̱ ndoꞌo nij yuvii̱ ma̱n yoꞌ a. Ne̱ nij síí ma̱n chumanꞌ Antioquía me nij síí guun cheꞌe̱ tucuꞌnáj “cristiano” man nij síí tucuꞌyón snana̱ Jesucristó a. ꞌO̱ se nana̱ “cristiano” me raj cata̱a nij síí chéé stucua̱nj Cristó a.
Dan me se xꞌneꞌ nij síí noco̱ꞌ man Jesucristó ya̱nj chumanꞌ Antioquía roꞌ, taꞌa̱j nij soꞌ me síí nataꞌ snana̱ Yaꞌanj, ne̱ ꞌó taꞌa̱j nij soꞌ me síí tucuꞌyón snana̱ Yaꞌanj rihaan yuvii̱ a. Ne̱ síí cuꞌna̱j Bernabé do̱ꞌ, síí cuꞌna̱j Simón tucuꞌnáj nii Síí Chro̱n do̱ꞌ, síí cuꞌna̱j Lucio síí cavii estadó Cirene do̱ꞌ, síí cuꞌna̱j Manaén síí cachij rcuaꞌa̱a̱n ga̱ rey cuꞌna̱j Herodes do̱ꞌ, síí cuꞌna̱j Saulo do̱ꞌ, me nij síí cata̱ ro̱j suun sa̱ꞌ yoꞌ a.
Ga̱a ne̱ chumanꞌ Atalia roꞌ, cavii ro̱j soꞌ rihoo chéé rihaan na, quinanꞌ ro̱j soꞌ nda̱a chumanꞌ Antioquía na̱j estadó Siria a. Ne̱ chumanꞌ Antioquía roꞌ, me rej cavii ro̱j soꞌ asino ya̱a̱n ga̱a cachíín niꞌya̱j nij síí noco̱ꞌ man Jesucristó rihaan Yaꞌanj se vaa ra̱cuíj Yaꞌanj man ro̱j soꞌ quiꞌya̱j ro̱j soꞌ suun caꞌmi̱i̱ natáj snana̱ Yaꞌanj rihaan yuvii̱ a. Ne̱ nihánj me se quisíj suun yoꞌ, quiꞌyaj ro̱j soꞌ na̱nj ado̱nj.
Ga̱a ne̱ guun rá nij síí ata̱ suun caꞌa̱nj nata̱ꞌ snana̱ Jesucristó do̱ꞌ, ꞌó nij síí tumé sa̱ꞌ rihaan Yaꞌanj man yuvii̱ do̱ꞌ, nu̱ꞌ xꞌneꞌ yuvii̱ noco̱ꞌ man Cristó ya̱nj chumanꞌ Jerusalén do̱ꞌ, nari̱i̱ nij soꞌ do̱j tuviꞌ maꞌa̱n nij soꞌ caꞌa̱nj nij soꞌ nda̱a chumanꞌ Antioquía ga̱ ro̱j síí cuꞌna̱j Pabló do̱ꞌ, Bernabé do̱ꞌ a. Ga̱a ne̱ narii nij soꞌ man Judas síí tucuꞌnáj nii Barsabás do̱ꞌ, man Silas do̱ꞌ, se vaa caꞌa̱nj ro̱j soꞌ a. ꞌO̱ se síí noco̱o me ro̱j soꞌ rihaan nij tinúú ro̱j soꞌ a.
Ga̱a ne̱ quiꞌyaj cunuda̱nj nij soꞌ yanj cartá caꞌa̱nj ni̱caj nij síí caꞌa̱nj chumanꞌ Antioquía, ne̱ nihánj me se vaa taj yanj cartá yoꞌ a: “Nihánj me yanj cartá ꞌyaj núj si̱j ata̱ suun caꞌa̱nj nata̱ꞌ snana̱ Jesucristó do̱ꞌ, si̱j tumé sa̱ꞌ rihaan Yaꞌanj man nij síí noco̱ꞌ man Jesucristó do̱ꞌ a. Tinúú soj me núj, ne̱ caꞌne̱j núj yanj nihánj rihaan nij soj si̱j yaníj noco̱ꞌ man Jesucristó ya̱nj chumanꞌ Antioquía do̱ꞌ, estadó Siria do̱ꞌ, estadó Cilicia do̱ꞌ a. Veꞌé cuma̱n soj rá núj a.
Dan me se ma̱n ndoꞌo síí chru̱u̱n yanj ne̱ chumanꞌ Atenas, ne̱ taꞌa̱j nij soꞌ me síí tucuꞌyón snana̱ síí cuꞌna̱j Epicuro, ne̱ ꞌó taꞌa̱j nij soꞌ cuꞌna̱j estoico a. Ne̱ do̱j tuviꞌ nij soꞌ aꞌmii anó tuviꞌ ga̱ Pabló a. Dan me se taꞌa̱j nij soꞌ cataj a: ―Me taj síí nihánj tuꞌva rmaꞌa̱n soꞌ da̱nj, rá soj ga̱ ―taj nij soꞌ, xnáꞌanj nij soꞌ man tuviꞌ nij soꞌ, niꞌya̱j nij soꞌ man Pabló a. Ne̱ ꞌó taꞌa̱j nij soꞌ cataj a: ―Síí aꞌmii natáj snana̱ yaꞌanj curuviꞌ naca̱ me soꞌ na̱nj á ―taj ꞌó taꞌa̱j nij yuvii̱, ese nataꞌ Pabló nana̱ sa̱ꞌ cheꞌé Jesús rihaan nij soꞌ, ne̱ nataꞌ Pabló se vaa caꞌve̱e cunu̱u iꞌna̱ꞌ uún nij síí caviꞌ a.
Ne̱ ꞌo̱ soꞌ roꞌ, me síí cuꞌna̱j José, ne̱ nij síí ata̱ suun caꞌa̱nj nata̱ꞌ snana̱ Jesús me se tucuꞌnáj nij soꞌ Bernabé man soꞌ a. Ne̱ nana̱ Bernabé me raj cata̱a síí ꞌyaj nariꞌ nucuaj yuvii̱ a. Ne̱ ꞌo̱ taꞌníí taꞌnij siꞌno̱ síí cuꞌna̱j Leví síí cayáán ga̱a naá me soꞌ, ne̱ cavii soꞌ rej cuꞌna̱j Chipre a.
Güii dan me se uun ri̱i̱ doj nij síí tucuꞌyón snana̱ Jesús, ne̱ dan me se nij caꞌmii nij síí aꞌmii xnaꞌánj griego niꞌya̱j nij soꞌ man nij síí aꞌmii xnaꞌánj hebreo cheꞌé se chá rqué nij síí aꞌmii xnaꞌánj hebreo man nij chana̱ caviꞌ nica̱ da̱j a̱ güii a. ꞌO̱ se ne cuya̱a̱n rqué nij síí aꞌmii xnaꞌánj hebreo se chá man nij chana̱ aꞌmii xnaꞌánj griego, taj nij síí aꞌmii xnaꞌánj griego a.
Dan me se guun niha̱ꞌ rá cunuda̱nj nij yuvii̱ ga̱a cuno nij yuvii̱ nana̱ yoꞌ, ne̱ narii nij yuvii̱ man chi̱j tinúú nij soꞌ a. Ne̱ ꞌo̱ soꞌ me síí cuꞌna̱j Esteban, ne̱ soꞌ roꞌ, me síí nucua̱j uxrá rá niꞌya̱j man Yaꞌanj, ne̱ nu̱u̱ ndoꞌo Nimán Yaꞌanj nimán soꞌ a. Ne̱ narii uún nij soꞌ man síí cuꞌna̱j Felipé do̱ꞌ, Prócoro do̱ꞌ, Nicanor do̱ꞌ, Timón do̱ꞌ, Parmenas do̱ꞌ, Nicolás do̱ꞌ a. Ne̱ né si̱j israelitá me Nicolás, ma̱an se síí guun rá canoco̱ꞌ stucua̱nj nij síí israelitá guun soꞌ, ne̱ síí cavii chumanꞌ Antioquía me soꞌ uún a.
Tza̱j ne̱ naxuma̱a̱n queꞌe̱e̱ yuvii̱, ne̱ taꞌa̱j nij soꞌ me síí ꞌanj veꞌ tucuꞌyón yuvii̱ stucua̱nj Moisés rej nuu chre̱ꞌ nij síí quiꞌyaj canaán cu̱riha̱nj rihaan se‑ruꞌve̱e̱ nij soꞌ a. Ne̱ ꞌó taꞌa̱j nij soꞌ me síí cavii chumanꞌ Cirene, ne̱ ꞌó taꞌa̱j nij soꞌ me síí cavii chumanꞌ Alejandría, ne̱ ꞌó taꞌa̱j nij soꞌ me síí cavii rej cuꞌna̱j Cilicia do̱ꞌ, rej cuꞌna̱j Asia do̱ꞌ a. Dan me se caꞌmii canó tuviꞌ ta̱ranꞌ nij soꞌ ga̱ Esteban,
ကြော်ငြာတွေ