Hechos 10:9 - Triqui de San Juan Copala

⁹ Ne̱ ꞌó güii me se va̱j vaꞌnu̱j nij soꞌ chrej, ne̱ ma̱an orá nichrunꞌ nij soꞌ chumanꞌ Jope me se cavii Pedró xráá veꞌ caranꞌ soꞌ, cachi̱nj niꞌya̱j soꞌ rihaan Yaꞌanj, ne̱ caxu̱j me yoꞌ a.

Hechos 10:9 ပူးပေါင်းရင်းမြစ်များ

San Mateo 20:5

’Ga̱a ne̱ caxu̱j do̱ꞌ, agaꞌ vaꞌnu̱j do̱ꞌ, curiha̱nj uún síí toꞌo̱j yoꞌ, ne̱ nariꞌ soꞌ doj síí quiꞌya̱j suun rihaan toꞌóó soꞌ, ne̱ caꞌnéé soꞌ man nij soꞌ quiꞌya̱j suun nij soꞌ rihaan toꞌóó soꞌ uún a.

San Mateo 24:17

Ne̱ síí ta̱j xráá veꞌ tucuá roꞌ, se̱ catúj soꞌ rá veꞌ tucuá soꞌ quiri̱i̱ soꞌ siꞌyaj soꞌ maꞌ.

San Mateo 27:45

Veé dan, ne̱ caxu̱j, ne̱ yu̱u̱n cheꞌe̱ guun rmi̱ꞌ nu̱ꞌ rihaan yoꞌóó nda̱a quisíj agaꞌ vaꞌnu̱j rej anocoꞌ güii a.

San Mateo 6:6

Tza̱j ne̱ so̱ꞌ roꞌ, ga̱a me rá so̱ꞌ cachi̱nj ni̱ꞌyáá so̱ꞌ rihaan Yaꞌanj, ne̱ asino catu̱u̱ so̱ꞌ rá veꞌ, ga̱a ne̱ ca̱ráán so̱ꞌ taꞌyaa, ga̱a ne̱ cachi̱nj niꞌya̱j yuve̱ so̱ꞌ rihaan Rej níꞌ Yaꞌanj á. Ne̱ Rej níꞌ Yaꞌanj me síí neꞌen se vaa achíín niꞌya̱j yuve̱ so̱ꞌ rihaan soꞌ, ga̱a ne̱ quiꞌya̱j soꞌ se lu̱j ga̱ so̱ꞌ ado̱nj.

San Marcos 1:35

Ga̱a ne̱ rej taxre̱j naxaga̱a̱ Jesús, ne̱ cavii soꞌ chumanꞌ Capernaum, ne̱ caꞌanj soꞌ rej tacaan ne̱ cachíín niꞌya̱j soꞌ rihaan Yaꞌanj a.

San Marcos 6:46

Dan me se caꞌanj nij soꞌ, ne̱ cataj Jesús rihaan nij yuvii̱ se vaa caꞌve̱e caꞌa̱nj nij yuvii̱ a. Ga̱a ne̱ cavii soꞌ raa̱ tacaan cachi̱nj niꞌya̱j soꞌ rihaan Yaꞌanj a.

Hechos 10:3

Dan me se agaꞌ vaꞌnu̱j rej caꞌanj güii ta̱ꞌ asuun me se curiha̱nj ranga̱ꞌ ꞌo̱ se‑mo̱zó Yaꞌanj rihaan soꞌ, ne̱ catúj se‑mo̱zó Yaꞌanj yoꞌ rej nicu̱nꞌ soꞌ, ne̱ cataj se‑mo̱zó Yaꞌanj a: ―Cornelio ―taj se‑mo̱zó Yaꞌanj rihaan soꞌ a.

Hechos 6:4

Ne̱ xa̱ꞌ núj, tza̱j ne̱ ina̱nj suun ꞌo̱ cachi̱nj niꞌya̱j rihaan Yaꞌanj quiꞌya̱j núj, ne̱ nata̱ꞌ núj snana̱ Yaꞌanj na̱nj á ―taj chuvi̱j nij síí cuneꞌ Jesús a.

Efesios 6:18

Ne̱ niga̱nj cachi̱nj niꞌya̱j uxrá soj rihaan Yaꞌanj, ne̱ ra̱cuíj Nimán Yaꞌanj man soj nacu̱nj soj ne̱ cachi̱nj niꞌya̱j soj ado̱nj. Se̱ caꞌneꞌ rá soj maꞌ. Tana̱nj ꞌo̱ cachi̱nj niꞌya̱j uxrá soj cheꞌé ta̱ranꞌ nij síí noco̱ꞌ man Cristó na̱nj á.

1 Timoteo 2:8

Dan me se me rej maꞌa̱n nuu chre̱ꞌ soj si̱j noco̱ꞌ man Cristó, ne̱ me rá ꞌu̱nj cachi̱nj niꞌya̱j nij snóꞌo rihaan Yaꞌanj, ne̱ naxca̱j raꞌa nij soꞌ rej xta̱ꞌ cachi̱nj niꞌya̱j nij soꞌ rihaan Yaꞌanj, ne̱ ꞌo̱ gu̱un rá nij soꞌ se vaa veꞌé canoco̱ꞌ nij soꞌ man Yaꞌanj, ne̱ se̱ caꞌmaan rá nij soꞌ do̱ꞌ, se̱ canó tuviꞌ nij soꞌ do̱ꞌ, se̱ caꞌmii cunuꞌ nij soꞌ do̱ꞌ, ꞌo̱ se sa̱ꞌ ina̱nj cachi̱nj niꞌya̱j nij soꞌ na̱nj ado̱nj.