Hechos 10:3 - Triqui de San Juan Copala

³ Dan me se agaꞌ vaꞌnu̱j rej caꞌanj güii ta̱ꞌ asuun me se curiha̱nj ranga̱ꞌ ꞌo̱ se‑mo̱zó Yaꞌanj rihaan soꞌ, ne̱ catúj se‑mo̱zó Yaꞌanj yoꞌ rej nicu̱nꞌ soꞌ, ne̱ cataj se‑mo̱zó Yaꞌanj a: ―Cornelio ―taj se‑mo̱zó Yaꞌanj rihaan soꞌ a.

Hechos 10:3 ပူးပေါင်းရင်းမြစ်များ

San Mateo 27:46

Veé dan, ne̱ quisíj agaꞌ vaꞌnu̱j, ga̱a ne̱ nucua̱j ndoꞌo caguáj Jesús, cataj soꞌ a: ―Elí, Elí, lama sabactani ―taj soꞌ, caguáj soꞌ xnaꞌánj aꞌmii maꞌa̱n soꞌ, ne̱ nana̱ caguáj soꞌ me raj cata̱a a: Yaꞌanj noco̱ꞌ ꞌu̱nj mé so̱ꞌ á. Me cheꞌé tanáj u̱u̱n so̱ꞌ mán ꞌu̱nj ga̱, taj nana̱ caguáj Jesús a.

San Lucas 1:11

Dan me se curuviꞌ ꞌo̱ se‑mo̱zó Yaꞌanj rihaan Zacarías, ne̱ nicunꞌ mozó yoꞌ rej nuva̱ꞌ mesá altar acaa squíí xlá a.

San Lucas 2:13

Dan me se nu̱ꞌ navij caꞌmii se‑mo̱zó Yaꞌanj ga̱ nij soꞌ, ga̱a ne̱ veé ma̱an orá dan curuviꞌ ri̱i̱ uxrá doj nij se‑mo̱zó Yaꞌanj uún, ne̱ veꞌé uxrá caꞌmii nij soꞌ cheꞌé Yaꞌanj, cataj nij soꞌ a:

Hechos 10:17

Dan me se nuchruj ra̱a̱ ndoꞌo Pedró cheꞌé rasu̱u̱n naquiꞌyaa rihaan soꞌ, ne̱ ma̱an orá dan nariꞌ nij snóꞌo caꞌnéé síí cuꞌna̱j Cornelió veꞌ tucuá Simón a. Dan me se canicunꞌ nij soꞌ taꞌyaa rihaan veꞌ yoꞌ,

Hechos 10:19

Dan me se Pedró roꞌ, nuchruj ra̱a̱ cheꞌé nij rasu̱u̱n naquiꞌyaa rihaan soꞌ, ne̱ dan me se cataj Nimán Yaꞌanj rihaan soꞌ a: ―Nihánj me se caꞌnaꞌ vaꞌnu̱j snóꞌo nanoꞌ mán so̱ꞌ ado̱nj.

Hechos 10:30

Ga̱a ne̱ cataj Cornelió rihaan soꞌ a: ―Cachén caꞌa̱nj güii ne̱ ma̱an orá nihánj me ta̱ꞌ asuun, ne̱ agaꞌ vaꞌnu̱j me yoꞌ, ne̱ cachíín ni̱ꞌyáá ꞌu̱nj rihaan Yaꞌanj rá veꞌ tucuaj a. Ne̱ ta̱j niꞌyo̱n curiha̱nj ꞌo̱ snóꞌo nicu̱nꞌ rihanj, ne̱ yatzéj catzi̱i̱ chuguu̱n maꞌa̱n nuû soꞌ,

Hechos 10:9

Ne̱ ꞌó güii me se va̱j vaꞌnu̱j nij soꞌ chrej, ne̱ ma̱an orá nichrunꞌ nij soꞌ chumanꞌ Jope me se cavii Pedró xráá veꞌ caranꞌ soꞌ, cachi̱nj niꞌya̱j soꞌ rihaan Yaꞌanj, ne̱ caxu̱j me yoꞌ a.

Hechos 11:13

Ga̱a ne̱ nataꞌ síí ya̱nj veꞌ yoꞌ rihaan ꞌu̱nj se vaa a̱j queneꞌen soꞌ ꞌo̱ se‑mo̱zó Yaꞌanj rá veꞌ tucuá soꞌ, ne̱ dan me se curiha̱nj se‑mo̱zó Yaꞌanj yoꞌ rihaan soꞌ, ne̱ cataj yoꞌ a: “Caꞌne̱j so̱ꞌ nana̱ chumanꞌ Jope rihaan ꞌo̱ síí cuꞌna̱j Simón ne̱ ꞌó se‑chuvi̱i soꞌ me Pedró, ne̱ nacu̱nj so̱ꞌ man soꞌ caꞌna̱ꞌ soꞌ nihánj rihaan so̱ꞌ á.

Hechos 27:23

ꞌO̱ se ꞌu̱nj me síí noco̱ꞌ man Yaꞌanj, ne̱ ꞌyáj se‑su̱u̱n soꞌ, ne̱ nii̱ cuaꞌa̱a roꞌ, canicunꞌ ꞌo̱ se‑mo̱zó Yaꞌanj rihanj,

Hechos 3:1

Dan me se agaꞌ vaꞌnu̱j rej anocoꞌ güii me se cuchiꞌ síí cuꞌna̱j Pedró do̱ꞌ, síí cuꞌna̱j Juan do̱ꞌ, rej ya̱nj nuvií noco̱o, cheꞌé se orá achíín niꞌya̱j nii rihaan Yaꞌanj me yoꞌ a.

Hechos 5:19

Tza̱j ne̱ rej nii̱ me se caꞌnaꞌ ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ, ne̱ caꞌnúj soꞌ taꞌyaa tagaꞌ yoꞌ, ne̱ caꞌanj nica̱j soꞌ man nij soꞌ xeꞌ a. Ga̱a ne̱ cataj se‑mo̱zó Yaꞌanj yoꞌ rihaan nij soꞌ a:

Hechos 9:10

Dan me se chumanꞌ Damasco roꞌ, yáán ꞌo̱ síí tucuꞌyón snana̱ Jesús, ne̱ Ananías cuꞌna̱j soꞌ a. Ne̱ naquiꞌyaa Jesús Si̱j ꞌNi̱j Raꞌa man níꞌ rihaan soꞌ, ne̱ cataj soꞌ a: ―Cu̱nó so̱ꞌ caꞌmi̱j, Ananías ―taj Síí ꞌNi̱j Raꞌa man níꞌ rihaan soꞌ a. ―Nihánj né ꞌu̱nj unó ꞌu̱nj aꞌmii so̱ꞌ á ―taj Ananías rihaan Síí ꞌNi̱j Raꞌa man níꞌ a.

Hechos 9:4

Ga̱a ne̱ quinij soꞌ rihaan yoꞌóó, ne̱ dan me se cuno Saulo se vaa cataj ꞌo̱ soꞌ rihaan soꞌ a: ―Cu̱nó so̱ꞌ caꞌmi̱j, Saulo. Me cheꞌé ꞌyáá so̱ꞌ sayuun manj ga̱ ―taj nana̱ cuno Saulo a.

Hebreos 1:14

Dan me se xa̱ꞌ nij se‑mo̱zó Yaꞌanj, tza̱j ne̱ nana̱ u̱u̱n me nij soꞌ a. Síí nu̱u̱ rihaan Yaꞌanj me nij soꞌ, ne̱ aꞌnéé Yaꞌanj man nij soꞌ ra̱cuíj nij soꞌ man níꞌ si̱j nani̱i̱ rihaan sayuun ne̱ cavi̱i̱ sa̱ꞌ na̱nj ado̱nj.

Hebreos 1:4

Dan me se guun soꞌ síí sa̱ꞌ doj rihaan nij se‑mo̱zó Yaꞌanj, ne̱ noco̱o uxrá doj vaa suun ata̱ soꞌ rihaan suun ata̱ ta̱ranꞌ nij se‑mo̱zó Yaꞌanj na̱nj chugua̱nj.