Hechos 10:24 - Triqui de San Juan Copala

²⁴ Ne̱ ꞌó güii me se catúj nij soꞌ chumanꞌ Cesarea, ne̱ Cornelió me se naꞌvi̱j ndoꞌo soꞌ caꞌna̱ꞌ nij soꞌ, ne̱ a̱j canacúún soꞌ man nij tuviꞌ soꞌ do̱ꞌ, man nij síí aꞌmii sa̱ꞌ ga̱ soꞌ do̱ꞌ, se vaa cunu̱u chre̱ꞌ nij soꞌ rá veꞌ tucuá soꞌ a.

Hechos 10:24 ပူးပေါင်းရင်းမြစ်များ

San Mateo 16:13

Ga̱a ne̱ caꞌanj Jesús rej na̱j chumanꞌ cuꞌna̱j Cesarea de Filipo, ga̱a ne̱ xnáꞌanj soꞌ man nij síí tucuꞌyón snana̱ soꞌ, cataj soꞌ a: ―Da̱j taj nij yuvii̱ cheꞌé ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ ga̱. Ne̱ me síí mé ꞌu̱nj, taj nij yuvii̱ ga̱ ―taj Jesús, xnáꞌanj soꞌ man nij soꞌ a.

San Lucas 5:29

Ga̱a ne̱ canuû chaꞌanj naco̱o tucuá Leví cheꞌé Jesús, quiꞌyaj Leví a. Ne̱ ma̱n queꞌe̱e̱ ndoꞌo tuviꞌ soꞌ síí aꞌnéj impuestó do̱ꞌ, queꞌe̱e̱ ꞌó yuvii̱ do̱ꞌ, mán tucuá Leví, ne̱ ya̱nj nij soꞌ ga̱ nij tuvi̱ꞌ Jesús a.

Hechos 10:1

Dan me se yáán ꞌo̱ síí cuꞌna̱j Cornelió chumanꞌ Cesarea, ne̱ soꞌ me tanuu capitán romanó ꞌni̱j raꞌa cientó tanuu, ne̱ taꞌa̱j xꞌneꞌ tanuu cuꞌna̱j Italiano me nij soꞌ a.

Hechos 10:27

Dan me se nanó Pedró cuentó ga̱ Cornelió, ne̱ catúj Pedró rá veꞌ, ga̱a ne̱ queneꞌen soꞌ se vaa a̱j nuu chre̱ꞌ queꞌe̱e̱ yuvii̱ rá veꞌ yoꞌ a.

Hechos 8:40

Tza̱j ne̱ Felipé me se a̱j nuû soꞌ chumanꞌ Azoto a. Ga̱a ne̱ nu̱ꞌ nij chumanꞌ na̱j rej va̱j soꞌ roꞌ, nataꞌ soꞌ nana̱ sa̱ꞌ cheꞌé Jesús rihaan nij yuvii̱, ne̱ da̱nj quiꞌyaj soꞌ nda̱a se cuchiꞌ soꞌ nda̱a chumanꞌ Cesarea a.