Hechos 10:20 - Triqui de San Juan Copala

²⁰ Cuaj na̱xuma̱a̱n so̱ꞌ, nani̱j so̱ꞌ, ne̱ caꞌa̱nj so̱ꞌ ga̱ nij soꞌ á. Ne̱ se̱ guun vi̱j rá so̱ꞌ, ne̱ se̱ cataj so̱ꞌ se vaa ne nó xcúún so̱ꞌ caꞌa̱nj so̱ꞌ ga̱ nij soꞌ maꞌ. ꞌO̱ se ꞌu̱nj nihánj me síí caꞌnéé man nij soꞌ caꞌna̱ꞌ nij soꞌ ado̱nj ―taj Nimán Yaꞌanj rihaan Pedró a.

Hechos 10:20 ပူးပေါင်းရင်းမြစ်များ

San Marcos 16:15

Ga̱a ne̱ cataj Jesús rihaan nij soꞌ a: ―Caꞌa̱nj nij soj rihaan nu̱ꞌ cachra̱ꞌ chumii̱, ne̱ caꞌmi̱i̱ natáj soj nana̱ sa̱ꞌ cheꞌé ꞌu̱nj rihaan cunuda̱nj nij yuvii̱ a.

Hechos 10:21

Ga̱a ne̱ nanij Pedró nda̱a rej nicu̱nꞌ vaꞌnu̱j nij snóꞌo, ne̱ cataj soꞌ rihaan nij soꞌ a: ―ꞌU̱nj nihánj me síí nanoꞌ nij soj ado̱nj. Ne̱ me cheꞌé caꞌnaꞌ soj nihánj ga̱ ―taj Pedró, xnáꞌanj soꞌ man nij soꞌ a.

Hechos 11:12

Ga̱a ne̱ cataj xnaꞌanj Nimán Yaꞌanj rihanj se vaa caꞌa̱nj ꞌu̱nj ga̱ nij soꞌ, ne̱ se̱ guun vi̱j rá ꞌu̱nj maꞌ. Cheꞌé dan caꞌanj ꞌu̱nj ga̱ vaꞌnu̱j nij soꞌ, ne̱ vata̱nꞌ tinúú níꞌ síí nihánj roꞌ, me síí caꞌanj ga̱ ꞌu̱nj a. Ga̱a ne̱ catúj núj rá veꞌ tucuá síí canacúún manj a.

Hechos 13:4

Dan me se ga̱a caꞌnéé Nimán Yaꞌanj man ro̱j soꞌ caꞌa̱nj ro̱j soꞌ, ne̱ nanij ro̱j soꞌ chumanꞌ Seleucia, ga̱a ne̱ cavii ro̱j soꞌ rihoo chéé rihaan na caꞌanj ro̱j soꞌ nda̱a yoꞌóó ta̱j rihaan na yaꞌa̱nj cuꞌna̱j Chipre a.

Hechos 8:26

Ga̱a ne̱ caꞌmii ꞌo̱ se‑mo̱zó Yaꞌanj rihaan síí cuꞌna̱j Felipé, cataj soꞌ a: ―Cavi̱i̱ so̱ꞌ, caꞌa̱nj so̱ꞌ rej sur nda̱a chrej avii chumanꞌ Jerusalén ꞌanj nda̱a chumanꞌ cuꞌna̱j Gaza á ―taj se‑mo̱zó Yaꞌanj rihaan Felipé a. Dan me se chrej va̱j rej tacaan ina̱nj me chrej yoꞌ a.

Hechos 9:15

Ga̱a ne̱ cataj Síí ꞌNi̱j Raꞌa man níꞌ rihaan soꞌ a: ―Caꞌa̱nj so̱ꞌ cuaj á. ꞌO̱ se a̱j narii ꞌu̱nj man soꞌ cu̱nuû soꞌ rihanj, cheꞌé yan ni̱caj soꞌ se‑chu̱vií ꞌu̱nj caꞌa̱nj soꞌ rihaan nij síí yaníj do̱ꞌ, nij síí nica̱j suun rey do̱ꞌ, maꞌa̱n nij síí israelitá do̱ꞌ ado̱nj.

Hechos 9:17

Dan me se caꞌanj Ananías, ne̱ catúj soꞌ rá veꞌ yoꞌ, ne̱ cutaꞌ raꞌa soꞌ raa̱ Saulo, ne̱ cataj soꞌ a: ―Jesús Si̱j ꞌNi̱j Raꞌa man níꞌ caꞌnéé manj caꞌna̱j rihaan so̱ꞌ nihánj, tinu̱j. Ne̱ soꞌ roꞌ, me síí queneꞌén so̱ꞌ ga̱a va̱j so̱ꞌ chrej ga̱a caꞌnáꞌ so̱ꞌ nihánj á. Ne̱ me rá soꞌ curuvi̱ꞌ uún rihaan so̱ꞌ ne̱ cara̱a ndoꞌo Nimán Yaꞌanj nimán so̱ꞌ ado̱nj ―taj Ananías rihaan soꞌ a.

Santiago 1:6

Tza̱j ne̱ ꞌo̱ cuchuma̱n ya̱ rá síí achíín niꞌya̱j rihaan Yaꞌanj ni̱ꞌyaj soꞌ man Yaꞌanj, ne̱ se̱ guun vi̱j rá soꞌ maꞌ. Tza̱j ne̱ sese guun vi̱j nimán ꞌo̱ soꞌ, ne̱ ase chéé nuû na yaꞌa̱nj ga̱a oꞌ nana̱ rihaan na yaꞌa̱nj roꞌ, da̱nj vaa nimán síí uun vi̱j nimán, chéé nuû uxrá nimán soꞌ uún,