Hechos 10:17 - Triqui de San Juan Copala

¹⁷ Dan me se nuchruj ra̱a̱ ndoꞌo Pedró cheꞌé rasu̱u̱n naquiꞌyaa rihaan soꞌ, ne̱ ma̱an orá dan nariꞌ nij snóꞌo caꞌnéé síí cuꞌna̱j Cornelió veꞌ tucuá Simón a. Dan me se canicunꞌ nij soꞌ taꞌyaa rihaan veꞌ yoꞌ,

Hechos 10:17 ပူးပေါင်းရင်းမြစ်များ

San Juan 13:12

Dan me se ga̱a quisíj naꞌnuꞌ Jesús tacóó nij soꞌ, ne̱ nanuû soꞌ se‑ro̱to̱ soꞌ, ne̱ caꞌanj ca̱yáán uún soꞌ rej ya̱nj nij soꞌ, ga̱a ne̱ xnáꞌanj soꞌ man nij soꞌ, cataj soꞌ a: ―Neꞌen soj me cheꞌé quiꞌyáj da̱nj man soj naꞌ.

Hechos 10:3

Dan me se agaꞌ vaꞌnu̱j rej caꞌanj güii ta̱ꞌ asuun me se curiha̱nj ranga̱ꞌ ꞌo̱ se‑mo̱zó Yaꞌanj rihaan soꞌ, ne̱ catúj se‑mo̱zó Yaꞌanj yoꞌ rej nicu̱nꞌ soꞌ, ne̱ cataj se‑mo̱zó Yaꞌanj a: ―Cornelio ―taj se‑mo̱zó Yaꞌanj rihaan soꞌ a.

Hechos 2:12

Dan me se caráyaꞌa̱nj uxrá cunuda̱nj nij yuvii̱ israelitá yoꞌ, ne̱ ne caꞌve̱e xca̱j nij soꞌ cuentá da̱j me cheꞌé guun da̱nj a. Ne̱ taꞌa̱j nij soꞌ xnáꞌanj man tuviꞌ, cataj nij soꞌ a: ―Me cheꞌé guun nu̱ꞌ da̱nj ga̱ ―taj taꞌa̱j nij soꞌ a.

Hechos 25:20

’Dan me se ne que̱neꞌén ꞌu̱nj da̱j naquiꞌya̱j cuj cheꞌé rasu̱u̱n vaa da̱nj maꞌ. Cheꞌé dan xnáꞌanj ꞌu̱nj man Pabló sese guun rá soꞌ caꞌa̱nj soꞌ chumanꞌ Jerusalén, ne̱ caꞌve̱e caꞌne̱ꞌ ꞌu̱nj cacunꞌ cheꞌé soꞌ cheꞌé nij rasu̱u̱n yoꞌ, taj ꞌu̱nj rihaan soꞌ a.

Hechos 5:24

Dan me se ga̱a cuno tanuu uun chij rihaan nij tanuu tumé nuvií noco̱o do̱ꞌ, ga̱a cuno nij xrej ata̱ suun noco̱o do̱ꞌ, nana̱ vaa da̱nj, ne̱ caꞌanj rá nij soꞌ, ne̱ ne queneꞌe̱n nij soꞌ da̱j gu̱un rej rihaan nij soꞌ a.

Hechos 9:10

Dan me se chumanꞌ Damasco roꞌ, yáán ꞌo̱ síí tucuꞌyón snana̱ Jesús, ne̱ Ananías cuꞌna̱j soꞌ a. Ne̱ naquiꞌyaa Jesús Si̱j ꞌNi̱j Raꞌa man níꞌ rihaan soꞌ, ne̱ cataj soꞌ a: ―Cu̱nó so̱ꞌ caꞌmi̱j, Ananías ―taj Síí ꞌNi̱j Raꞌa man níꞌ rihaan soꞌ a. ―Nihánj né ꞌu̱nj unó ꞌu̱nj aꞌmii so̱ꞌ á ―taj Ananías rihaan Síí ꞌNi̱j Raꞌa man níꞌ a.

Hechos 9:43

Dan me se guun ra̱a̱n Pedró queꞌe̱e̱ güii chumanꞌ Jope, ne̱ caranꞌ soꞌ tucuá ꞌo̱ síí cuꞌna̱j Simón, síí naquiꞌyaj laru̱u nuj xcuu a.

1 Pedro 1:11

Dan me se naquiꞌyaj cu̱u uxrá ya̱ nij soꞌ aman caꞌna̱ꞌ síí caꞌne̱j Yaꞌanj rihaan chumii̱ a. ꞌO̱ se nica̱j yuꞌunj Nimán Cristó man nij soꞌ, ne̱ maꞌa̱n Nimán Cristó cataj xnaꞌanj rihaan nij soꞌ da̱j quira̱nꞌ maꞌa̱n Cristó asa̱ꞌ caꞌnaꞌ soꞌ do̱ꞌ, cheꞌé suun niꞌndaj ya̱ sa̱ꞌ caꞌna̱ꞌ asa̱ꞌ quisíj quiranꞌ soꞌ sayuun do̱ꞌ a.