Hechos 1:8 - Triqui de San Juan Copala

⁸ Tza̱j ne̱ asa̱ꞌ nanij Nimán Yaꞌanj catu̱u̱ soꞌ nimán soj, ne̱ quiri̱ꞌ ndoꞌo soj rej nucua̱j, ga̱a ne̱ gu̱un soj síí nata̱ꞌ snana̱j rihaan yuvii̱ ado̱nj. Dan me se chumanꞌ Jerusalén do̱ꞌ, nu̱ꞌ estadó Judea do̱ꞌ, nda̱a chumanꞌ Samaria do̱ꞌ, caꞌve̱e se nda̱a chumanꞌ ga̱nꞌ doj na̱j rihaan chumii̱ nihánj, tza̱j ne̱ caꞌa̱nj soj nata̱ꞌ soj snana̱j ado̱nj ―taj Jesús rihaan nij soꞌ a.

Hechos 1:8 ပူးပေါင်းရင်းမြစ်များ

San Mateo 24:14

Ne̱ caꞌmi̱i̱ natáj yuvii̱ nana̱ sa̱ꞌ nihánj nana̱ cheꞌé da̱j vaa uun chij Yaꞌanj cuno̱ yuvii̱ ma̱n nu̱ꞌ chumii̱, ne̱ xca̱j cunuda̱nj nij xꞌneꞌ nij yuvii̱ ino̱ vaa stucua̱nj cuentá cheꞌé nana̱ sa̱ꞌ a. Síj ga̱a ne̱ caꞌve̱e navi̱j chumii̱ nihánj na̱nj ado̱nj ―taj Jesús rihaan nij síí tucuꞌyón snana̱ soꞌ a.

San Mateo 28:19

Cheꞌé dan caꞌa̱nj soj rihaan ꞌo̱ ꞌo̱ nij xꞌneꞌ yuvii̱ ino̱ vaa stucua̱nj, ne̱ ti̱haa̱n soj man nij soꞌ cheꞌé rej gu̱un nij soꞌ síí tucuꞌyón snana̱j, quiꞌya̱j soj á. Ne̱ cuta̱ꞌ ne soj man nij soꞌ, ne̱ cata̱ꞌ tuꞌva soj se‑chuvi̱i Réé ꞌu̱nj Yaꞌanj do̱ꞌ, se‑chu̱vií ꞌu̱nj Taꞌni̱j Yaꞌanj do̱ꞌ, se‑chuvi̱i Nimán Yaꞌanj do̱ꞌ, ga̱a cuta̱ꞌ ne soj man nij soꞌ á.

San Marcos 16:15

Ga̱a ne̱ cataj Jesús rihaan nij soꞌ a: ―Caꞌa̱nj nij soj rihaan nu̱ꞌ cachra̱ꞌ chumii̱, ne̱ caꞌmi̱i̱ natáj soj nana̱ sa̱ꞌ cheꞌé ꞌu̱nj rihaan cunuda̱nj nij yuvii̱ a.

San Lucas 1:35

Ga̱a ne̱ cataj se‑mo̱zó Yaꞌanj rihaan Mariá a: ―Nani̱j Nimán Yaꞌanj catu̱u̱ soꞌ nimán so̱ꞌ, ne̱ ca̱ráán se‑nucua̱j Yaꞌanj Si̱j Uun Chij Doj mán so̱ꞌ ga̱ scachu̱nꞌ soꞌ, ne̱ cheꞌé dan cuchru̱j so̱ꞌ neꞌej sa̱ꞌ ina̱nj rihaan Yaꞌanj, ne̱ Taꞌníí Yaꞌanj me neꞌej cuchru̱j so̱ꞌ, cata̱j yuvii̱ a.

San Lucas 10:19

Cuno̱ soj caꞌmi̱j á. ꞌU̱nj roꞌ, me síí quiꞌya̱j gu̱un nucua̱j soj quiꞌya̱j canaán soj rihaan da̱j a̱ se chiꞌi̱i̱ a. Caꞌve̱e se ruꞌma̱an cheꞌé soj ꞌo̱ xcuáá do̱ꞌ, ꞌo̱ xcuun do̱ꞌ, tza̱j ne̱ taj se quiꞌya̱j xoꞌ man soj maꞌ. Quiꞌya̱j canaán soj rihaan nu̱ꞌ se nucua̱j nica̱j Síí Chre̱e síí ta̱j riꞌyunj niꞌya̱j man níꞌ, ne̱ a̱ ꞌó xcoꞌ se̱ quiꞌyaj chiꞌi̱i̱ a̱ ꞌó rasu̱u̱n man soj maꞌ.

San Lucas 24:29

Ga̱a ne̱ rquee̱ ro̱j soꞌ man Jesús a: ―Quina̱j chríí so̱ꞌ ga̱ rój, cheꞌé se a̱j caꞌanj güii, ne̱ vaj so̱ꞌ chrej, ne̱ gu̱un rmi̱ꞌ na̱nj á ―taj ro̱j soꞌ rihaan Jesús a. Ga̱a ne̱ quináj soꞌ ga̱ ro̱j soꞌ, ne̱ catúj soꞌ chumanꞌ cara̱nꞌ soꞌ ga̱ ro̱j soꞌ a.

San Juan 15:27

Ne̱ cata̱j xnaꞌanj maꞌa̱n soj cheꞌej, cheꞌé se asi̱j tacoo cachéé soj ga̱j ado̱nj.

Hechos 1:22

ꞌO̱ se ꞌo̱ síí chéé ga̱ núj asi̱j cutaꞌ ne Juan man Jesús nda̱a güii cavii soꞌ quinanꞌ soꞌ xta̱ꞌ roꞌ, nari̱i̱ núj ne̱ ca̱ta̱ soꞌ suun ga̱ núj se vaa caꞌa̱nj nata̱ꞌ soꞌ rihaan yuvii̱ se vaa cunuu iꞌna̱ꞌ uún Jesús á ―taj Pedró rihaan cunuda̱nj nij síí cunuu chre̱ꞌ a.

Hechos 1:5

ꞌO̱ se Juan roꞌ, me síí cutaꞌ ne man yuvii̱ na u̱u̱n, tza̱j ne̱ soj me se cata̱ꞌ ne nimán soj ga̱ maꞌa̱n Nimán Yaꞌanj rque do̱j güii ado̱nj ―taj Jesús rihaan nij síí cuneꞌ soꞌ a.

Hechos 13:31

Ga̱a ne̱ rque queꞌe̱e̱ güii curuviꞌ soꞌ rihaan nij síí cavii ga̱ soꞌ estadó Galilea caꞌanj chumanꞌ Jerusalén ga̱ soꞌ a. Ne̱ ya̱j me se guun maꞌa̱n nij soꞌ síí nataꞌ cheꞌé soꞌ rihaan nij yuvii̱ ado̱nj.

Hechos 2:32

’Dan me se ya̱ ya̱ cunuu iꞌna̱ꞌ uún Jesús, quiꞌyaj Yaꞌanj, ne̱ ta̱ranꞌ núj me síí queneꞌen se vaa cunuu iꞌna̱ꞌ uún soꞌ ado̱nj.

Hechos 22:15

Ga̱a ne̱ guún so̱ꞌ síí neꞌen cheꞌé soꞌ, ne̱ dan me se caꞌa̱nj so̱ꞌ, ne̱ nata̱ꞌ so̱ꞌ rihaan nu̱ꞌ nij yuvii̱ cheꞌé se vaa queneꞌén so̱ꞌ do̱ꞌ, cheꞌé nij nana̱ cunó so̱ꞌ do̱ꞌ a.

Hechos 3:15

Ne̱ ticaviꞌ soj man Jesús síí uun nucua̱j quiꞌya̱j ga̱a̱ iꞌna̱ꞌ nimán níꞌ a. Ne̱ Yaꞌanj roꞌ, quiꞌyaj cunuu iꞌna̱ꞌ uún Jesús, ne̱ maꞌa̱n núj me síí queneꞌen se vaa cunuu iꞌna̱ꞌ uún soꞌ na̱nj ado̱nj.

Hechos 4:33

Ne̱ nij síí ata̱ suun caꞌa̱nj nata̱ꞌ snana̱ Jesús rihaan yuvii̱ me se nucua̱j ndoꞌo nataꞌ nij soꞌ se vaa cunuu iꞌna̱ꞌ uún Jesús Si̱j ꞌNi̱j Raꞌa man níꞌ a. Ne̱ quiꞌyaj ndoꞌo Yaꞌanj se lu̱j cheꞌé cunuda̱nj nij soꞌ a.

Hechos 5:32

Ne̱ núj me síí nataꞌ nana̱ nihánj, ne̱ Nimán Yaꞌanj uún me se tihaa̱n soꞌ se vaa ya̱ vaa nana̱ nihánj ado̱nj. Ne̱ xa̱ꞌ Nimán Yaꞌanj, tza̱j ne̱ rqué Yaꞌanj Nimán soꞌ man nij yuvii̱ uno rihaan soꞌ a ―taj nij soꞌ rihaan nij síí uun chij rihaan nij yuvii̱ israelitá a.

Hechos 6:8

Dan me se síí cuꞌna̱j Esteban me se quiꞌyaj uxrá Yaꞌanj se lu̱j ga̱ soꞌ, ne̱ guun nucua̱j ndoꞌo soꞌ, ne̱ dan me se quiꞌyaj ndoꞌo soꞌ suun sa̱ꞌ noco̱o quiꞌyaj se vaa caꞌanj rá nij yuvii̱ a.

Hechos 8:1

Ne̱ síí cuꞌna̱j Saulo yoꞌ roꞌ, cuna̱j quiranꞌ Esteban rá soꞌ a. Ne̱ güii dan me se guun cheꞌe̱ nii quiꞌyaj ndoꞌo nii sayuun man xꞌneꞌ nij síí noco̱ꞌ man Jesús síí ma̱n chumanꞌ Jerusalén a. Dan me se cunánj nij soꞌ chumanꞌ Jerusalén, ne̱ chaꞌnuu̱ nij soꞌ nu̱ꞌ estadó Judea do̱ꞌ, estadó cuꞌna̱j Samaria do̱ꞌ a. Tza̱j ne̱ o̱rúnꞌ maꞌa̱n nij síí cuneꞌ Jesús caꞌa̱nj nata̱ꞌ snana̱ soꞌ roꞌ, me nij síí ꞌo̱ quináj chumanꞌ Jerusalén a.

Romanos 10:18

Tza̱j ne̱ xnáꞌanj ꞌu̱nj sese ataa cuchi̱ꞌ nana̱ sa̱ꞌ rihaan nij yuvii̱ israelitá a. Ya̱ ya̱ a̱j cuchiꞌ nana̱ sa̱ꞌ rihaan nij yuvii̱ israelitá na̱nj á. Dan me se taj Danj Yaꞌanj a: A̱j cuno cunuda̱nj nij yuvii̱ ma̱n rihaan yoꞌóó snana̱ Yaꞌanj nana̱ sa̱ꞌ, ne̱ cuchiꞌ snana̱ soꞌ nda̱a nu̱ꞌ rihaan chumii̱ a. Da̱nj aꞌmii Danj Yaꞌanj á.

Romanos 15:19

Dan me se guun nu̱cuáá ꞌu̱nj ꞌyáá ꞌu̱nj da̱j a̱ nij suun sa̱ꞌ noco̱o, ꞌyaj snucua̱j Nimán Yaꞌanj a. Ga̱a ne̱ xcaj yuvii̱ ya̱nj nu̱ꞌ anica̱j chumanꞌ Jerusalén cuentá cheꞌé nana̱ sa̱ꞌ cheꞌé Cristó, ne̱ nda̱a yuvii̱ ya̱nj ꞌó nij chumanꞌ ga̱nꞌ doj nda̱a estadó cuꞌna̱j Ilírico roꞌ, xcaj cuentá cheꞌé nana̱ sa̱ꞌ cheꞌé Cristó, quiꞌyáj a.

Colosenses 1:23

Dan me se cavi̱i̱ sa̱ꞌ soj, sese ꞌo̱ canoco̱ꞌ soj stucua̱nj Cristó na̱nj ado̱nj. Raan canoco̱ꞌ soj man soꞌ á. A̱j cuno soj nana̱ sa̱ꞌ cheꞌé Cristó, ne̱ cheꞌé dan uun ya̱ rá soj se vaa cavi̱i̱ sa̱ꞌ soj, ne̱ se̱ guun cata̱j soj se vaa ne ya̱ vaa nana̱ sa̱ꞌ cuno soj maꞌ. ꞌO̱ se nana̱ caꞌmii natáj nii rihaan cunuda̱nj nij yuvii̱ ma̱n rihaan chumii̱ me nana̱ sa̱ꞌ yoꞌ, ne̱ ꞌu̱nj nihánj guun ꞌo̱ síí aꞌmii natáj snana̱ Yaꞌanj nana̱ sa̱ꞌ yoꞌ rihaan yuvii̱ na̱nj ado̱nj.