Hechos 1:16 - Triqui de San Juan Copala

¹⁶ ―Vaa cheꞌé quisi̱j ya̱ nu̱ꞌ nana̱ no̱ rihaan Danj Yaꞌanj nana̱ rqué Nimán Yaꞌanj caꞌmii rey cuꞌna̱j David nana̱ aꞌmii cheꞌé síí cuꞌna̱j Judas, ne̱ ya̱ da̱nj guun, tinu̱j, nocoj. Ne̱ dan me se ya̱ ya̱ guun soꞌ síí racuíj man nij síí ta̱ꞌaa man Jesús se vaa caꞌvee nariꞌ nij soꞌ man Jesús, quiꞌyaj Judas a.

Hechos 1:16 ပူးပေါင်းရင်းမြစ်များ

San Mateo 26:14

Ga̱a ne̱ cavii síí cuꞌna̱j Judas Iscariote, caꞌanj soꞌ rihaan nij xrej ata̱ suun noco̱o a. Dan me se ꞌo̱ chuvi̱j nij síí tucuꞌyón snana̱ Jesús me Judas yoꞌ a.

San Mateo 26:47

Dan me se nicu̱nꞌ Jesús caꞌmii soꞌ, ne̱ nu̱ꞌ caꞌnaꞌ síí cuꞌna̱j Judas ꞌo̱ chuvi̱j nij síí tucuꞌyón snana̱ Jesús, ne̱ caꞌnaꞌ uxrá yuvii̱ ga̱ soꞌ, ne̱ nica̱j nij yuvii̱ neê espadá do̱ꞌ, chruun do̱ꞌ a. Dan me se yuvii̱ caꞌnéé nij xrej ata̱ suun noco̱o do̱ꞌ, nij síí uun chij rihaan nij yuvii̱ israelitá do̱ꞌ, me nij soꞌ a.

San Mateo 26:54

Tza̱j ne̱ sese da̱nj qui̱ꞌyáj, ga̱a ne̱ asa̱ꞌ caꞌve̱e quisi̱j nu̱ꞌ nana̱ no̱ rihaan Danj Yaꞌanj nana̱ taj xnaꞌanj da̱j ga̱a̱ qui̱ránꞌ ꞌu̱nj ga̱ ―taj Jesús rihaan síí nica̱j neê espadá yoꞌ a.

San Mateo 26:56

Tza̱j ne̱ nihánj me se qui̱ránꞌ ꞌu̱nj nu̱ꞌ se vaa taj nana̱ cachrón nij síí nataꞌ snana̱ Yaꞌanj ga̱a naá rihaan yanj a ―taj Jesús a. Ga̱a ne̱ tanáj cunuda̱nj nij síí tucuꞌyón snana̱ Jesús man soꞌ, ne̱ cunánj nij soꞌ, caꞌanj nij soꞌ a.

San Marcos 12:36

ꞌO̱ se nuû Nimán Yaꞌanj nimán David, ne̱ cataj soꞌ a: Caꞌmii Yaꞌanj Si̱j ꞌNi̱j Raꞌa man níꞌ rihaan Síí ꞌNi̱j Raꞌa manj a: “Caꞌa̱nj ca̱yáán so̱ꞌ xꞌnúú ꞌu̱nj rej nuva̱ꞌ ꞌu̱nj, nda̱a se quisi̱j quiꞌya̱j canaán ꞌu̱nj rihaan ta̱ranꞌ nij síí ta̱j riꞌyunj mán so̱ꞌ, ne̱ quiri̱i̱ taꞌngáꞌ so̱ꞌ rihaan nij soꞌ ado̱nj”, taj David a.

San Marcos 14:43

Dan me se nicu̱nꞌ Jesús caꞌmii soꞌ, ne̱ nu̱ꞌ caꞌnaꞌ Judas ꞌo̱ nij chuvi̱j nij síí tucuꞌyón snana̱ Jesús, ne̱ caꞌnaꞌ uxrá yuvii̱ ga̱ soꞌ, ne̱ nica̱j nij yuvii̱ neê espadá do̱ꞌ, chruun do̱ꞌ a. Dan me se yuvii̱ caꞌnéé nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ, nij síí uun chij rihaan nij yuvii̱ israelitá do̱ꞌ, me nij soꞌ a.

San Lucas 22:47

Dan me se nicu̱nꞌ Jesús caꞌmii soꞌ, ne̱ nu̱ꞌ caꞌnaꞌ uxrá yuvii̱, ne̱ síí cuꞌna̱j Judas ꞌo̱ tuviꞌ chuvi̱j nij síí tucuꞌyón snana̱ Jesús me síí táá ya̱a̱n rihaan nij yuvii̱ a. Ne̱ nichrunꞌ Judas rihaan Jesús, cheꞌé rej cachro̱n tuꞌva̱ soꞌ xruu̱ Jesús a.

San Juan 10:35

Dan me se sese maꞌa̱n Yaꞌanj cataj se vaa nij síí caꞌmii snana̱ soꞌ me yaꞌanj uún, ga̱a ne̱ daj chiha̱a̱ míj se̱ caꞌvee ta̱náj xco̱ níꞌ snana̱ Yaꞌanj nana̱ no̱ rihaan yanj ga̱a maꞌ.

San Juan 13:18

’Tza̱j ne̱ ne caꞌmi̱j nana̱ nihánj cheꞌé ta̱ranꞌ nij soj maꞌ. Dan me se a̱j neꞌenj man soj si̱j narii ꞌu̱nj canoco̱ꞌ manj a. Tza̱j ne̱ vaa cheꞌé quisi̱j gue̱e̱ nana̱ nihánj nana̱ no̱ rihaan Danj Yaꞌanj ado̱nj: “Síí chá rachrúún ga̱j roꞌ, me síí guun rá ti̱guíj cheꞌé manj ado̱nj”, taj nana̱ no̱ rihaan Danj Yaꞌanj a.

San Juan 17:12

’Ga̱a cayáán ꞌu̱nj ga̱ nij soꞌ me se tumej man nij soꞌ cuno̱ nij soꞌ rihaan so̱ꞌ a. Cheꞌé se rqué so̱ꞌ man nij soꞌ rihanj roꞌ, cheꞌé dan veꞌé tumej man nij soꞌ a. Ne̱ a̱ ꞌó nij soꞌ ne caꞌa̱nj niꞌya̱, quiꞌyáj maꞌ. Tza̱j ne̱ queneꞌén so̱ꞌ se vaa caꞌa̱nj niꞌya̱ ꞌo̱ nij soꞌ, ne̱ o̱rúnꞌ soꞌ caꞌanj niꞌya̱, cheꞌé rej quisi̱j ya̱ nu̱ꞌ nana̱ no̱ rihaan dáán so̱ꞌ ado̱nj.

San Juan 19:36

ꞌO̱ se guun nu̱ꞌ nihánj cheꞌé rej quisi̱j ya̱ nu̱ꞌ nana̱ nihánj nana̱ no̱ rihaan Danj Yaꞌanj, se vaa taj yoꞌ a: “Se̱ cachranꞌ a̱ ꞌó cúú man soꞌ maꞌ”, taj nana̱ no̱ rihaan Danj Yaꞌanj a.

Hechos 1:20

―ꞌO̱ se rihaan yanj cuꞌna̱j Nij Chraꞌ Salmó nó nana̱ taj a: Cunu̱u taca̱an rej cayáán soꞌ, ne̱ se̱ cayáán a̱ doj yuvii̱ rej yoꞌ maꞌ, taj yanj chraꞌ yoꞌ, ne̱ taj uún yoꞌ a: Se‑su̱u̱n soꞌ roꞌ, naca̱j ꞌó soꞌ á, taj uún yanj yoꞌ a.

Hechos 13:15

Ne̱ quisíj nayaa nii stucua̱nj Moisés do̱ꞌ, snana̱ nij síí nataꞌ snana̱ Yaꞌanj ga̱a naá do̱ꞌ, ne̱ caꞌnéé nij síí ꞌni̱j raꞌa veꞌ yoꞌ nana̱ nihánj rihaan ro̱j soꞌ a: ―Sese vaa chrej nucua̱j me rá ro̱j so̱j nago̱ꞌ ro̱j so̱j rihaan nij yuvii̱ nuu chre̱ꞌ nihánj, ne̱ caꞌmi̱i̱ ro̱j so̱j, tinu̱j ―taj síí ꞌni̱j raꞌa veꞌ yoꞌ rihaan Pabló ga̱ Bernabé a.

Hechos 13:38

’Xca̱j nij soj cuentá se vaa cuano̱ nihánj me se nataꞌ núj nana̱ rihaan soj se vaa cheꞌé se vaa quiꞌyaj Jesús roꞌ, cheꞌé dan caꞌve̱e tinavi̱j Yaꞌanj cacunꞌ tumé níꞌ, tinu̱j.

Hechos 15:13

Dan me se ga̱a quisíj caꞌmii ro̱j soꞌ, ga̱a ne̱ caꞌmii síí cuꞌna̱j Jacobo, cataj soꞌ a: ―Cuno̱ nij soj caꞌmi̱j, tinu̱j:

Hechos 15:7

Dan me se caꞌmii caꞌmii nij soꞌ, ga̱a ne̱ canicunꞌ síí cuꞌna̱j Pedró, ne̱ cataj soꞌ a: ―Cuno̱ soj caꞌmi̱j, tinu̱j. A̱j neꞌen soj se vaa asi̱j naá do̱j caꞌnéé nimán Yaꞌanj se vaa cuno̱ nij síí yaníj nana̱ sa̱ꞌ cheꞌé Jesucristó ne̱ cuchuma̱n rá nij soꞌ, ne̱ narii soꞌ mán ꞌu̱nj nata̱ꞌ ꞌu̱nj nana̱ sa̱ꞌ yoꞌ rihaan nij soꞌ chugua̱nj.

Hechos 2:23

Dan me se tacuachén nii man soꞌ rihaan nij síí ta̱j riꞌyunj man soꞌ, ne̱ cachrón nij síí ne nocoꞌ man Yaꞌanj man soꞌ rihaan rcutze̱, ne̱ caviꞌ soꞌ, quiꞌyaj maꞌa̱n soj a. Ne̱ nu̱ꞌ nihánj me se vaa ꞌo̱ guun rá Yaꞌanj quira̱nꞌ soꞌ, ne̱ a̱j queneꞌen Yaꞌanj se vaa quira̱nꞌ soꞌ da̱nj na̱nj ado̱nj.

Hechos 2:37

Dan me se ga̱a cuno nij yuvii̱ nana̱ yoꞌ, ne̱ quinanó ndoꞌo rá nimán nij soꞌ, ne̱ xnáꞌanj nij soꞌ man Pedró ga̱ ꞌó nij síí ata̱ suun caꞌa̱nj nata̱ꞌ snana̱ Jesús, cataj nij soꞌ a: ―Ne̱ da̱j quiꞌya̱j núj, ga̱ tinu̱ꞌ ―taj nij soꞌ, xnáꞌanj nij soꞌ man nij tuvi̱ꞌ Pedró a.

Hechos 22:1

―Cuno̱ soj caꞌmi̱j, tinu̱j, taꞌnuj. Ne̱ nano̱ xre̱j soj se vaa caꞌmi̱i̱ naca̱j ꞌu̱nj manj á ―taj Pabló rihaan nij síí israelitá a.

Hechos 23:1

Dan me se niꞌya̱j uxrá Pabló man ta̱ranꞌ nij síí uun chij yoꞌ, ne̱ cataj soꞌ a: ―Cuno̱ nij soj caꞌmi̱j, tinu̱j. Nu̱ꞌ cavii nu̱ꞌ caꞌnaꞌ roꞌ, ina̱nj sa̱ꞌ uxrá ꞌyáá ꞌu̱nj rihaan Yaꞌanj, raj a. Taj cacunꞌ tumej maꞌ ―taj Pabló rihaan nij soꞌ a.

Hechos 23:6

Dan me se xcaj Pabló cuentá se vaa taꞌa̱j nij síí uun chij yoꞌ me síí saduceo ne̱ ꞌó taꞌa̱j nij soꞌ me síí fariseo, ne̱ cheꞌé dan caguáj soꞌ, cataj soꞌ rihaan cunuda̱nj nij soꞌ a: ―Síí fariseo mej, ne̱ taꞌníí síí fariseo mej, tinu̱j. Ne̱ nihánj me se cutaꞌ nii cacunꞌ xráj cheꞌé se ꞌu̱nj me síí naꞌvi̱j ya̱ se vaa cunu̱u iꞌna̱ꞌ uún nij síí caviꞌ vaa güii, quiꞌya̱j Yaꞌanj, tinu̱j ―taj Pabló rihaan cunuda̱nj nij soꞌ a.

Hechos 28:17

Dan me se cachén vaꞌnu̱j güii, ga̱a ne̱ canacúún Pabló man nij síí uun chij rihaan nij yuvii̱ israelitá ya̱nj chumanꞌ Romá se vaa cunu̱u chre̱ꞌ nij soꞌ ga̱ soꞌ a. Ne̱ ga̱a quisíj cunuu chre̱ꞌ nij soꞌ, ne̱ cataj soꞌ rihaan nij soꞌ a: ―Xa̱ꞌ ꞌu̱nj nihánj, tza̱j ne̱ taj va̱j cacunꞌ quiꞌyáá ꞌu̱nj rihaan tuviꞌ níꞌ si̱j israelitá do̱ꞌ, rihaan stucua̱nj xi̱i níꞌ nij síí ma̱n ga̱a naá do̱ꞌ, maan tinu̱j. Tza̱j ne̱ rej chumanꞌ Jerusalén roꞌ, taꞌaa nii manj ne̱ tacuachén nii manj rihaan nij síí romanó ado̱nj.

Hechos 28:25

Ne̱ ne gu̱un cuya̱a̱n rá cunuda̱nj nij soꞌ a̱ maꞌ. Ne̱ guun cheꞌe̱ nij soꞌ caꞌanj nij soꞌ a. Tza̱j ne̱ ga̱a ataa caꞌa̱nj nij soꞌ, ne̱ caꞌmii Pabló orúnꞌ nana̱ rihaan nij soꞌ, cataj soꞌ a: ―Cuna̱j uxrá vaa nana̱ nihánj nana̱ rqué Nimán Yaꞌanj rihaan xi̱i níꞌ ga̱a caꞌmii síí cuꞌna̱j Isaías síí nataꞌ snana̱ Yaꞌanj ga̱a naá rihaan nij soꞌ a. Ne̱ nihánj me nana̱ yoꞌ a:

Hechos 7:2

Ga̱a ne̱ cataj Esteban yoꞌ a: ―Cuno̱ soj caꞌmi̱j rihaan soj, tinu̱j, taꞌnuj. Dan me se ga̱a ataa ca̱yáán xi̱i níꞌ síí cuꞌna̱j Abraham chumanꞌ Harán, ne̱ Yaꞌanj niꞌndaj ya̱ sa̱ꞌ veꞌé vaa curuviꞌ rihaan soꞌ rej cuꞌna̱j Mesopotamia a.

1 Pedro 1:11

Dan me se naquiꞌyaj cu̱u uxrá ya̱ nij soꞌ aman caꞌna̱ꞌ síí caꞌne̱j Yaꞌanj rihaan chumii̱ a. ꞌO̱ se nica̱j yuꞌunj Nimán Cristó man nij soꞌ, ne̱ maꞌa̱n Nimán Cristó cataj xnaꞌanj rihaan nij soꞌ da̱j quira̱nꞌ maꞌa̱n Cristó asa̱ꞌ caꞌnaꞌ soꞌ do̱ꞌ, cheꞌé suun niꞌndaj ya̱ sa̱ꞌ caꞌna̱ꞌ asa̱ꞌ quisíj quiranꞌ soꞌ sayuun do̱ꞌ a.

2 Pedro 1:21

ꞌO̱ se a̱ ꞌó yuvii̱ ne quiꞌya̱j caꞌnaꞌ snana̱ Yaꞌanj rihaan chumii̱ nihánj cuno̱ ꞌó nij yuvii̱ maꞌ. Ma̱an se narii Yaꞌanj man nij yuvii̱ cata̱j xnaꞌanj nana̱ rqué Nimán Yaꞌanj man nij soꞌ na̱nj ado̱nj.

2 Pedro 2:21

Cavi̱i̱ sa̱ꞌ nij soꞌ doj sese ne queneꞌe̱n nij soꞌ stucua̱nj Yaꞌanj tucuáán nica̱ se vaa ya̱j queneꞌen nij soꞌ stucua̱nj Yaꞌanj, ga̱a ne̱ nanica̱j uún nij soꞌ tanáj nij soꞌ tucuáán gue̱e̱ nagoꞌ Yaꞌanj man nij soꞌ tza̱j ado̱nj.