Hebreos 7:3 - Triqui de San Juan Copala

³ Ne̱ xa̱ꞌ soꞌ, tza̱j ne̱ taj va̱j a̱ ꞌó nana̱ aꞌmii cheꞌé rej soꞌ do̱ꞌ, nii soꞌ do̱ꞌ, xi̱i soꞌ do̱ꞌ maꞌ. Ne̱ taj va̱j a̱ ꞌó nana̱ aꞌmii me güii caꞌngaa soꞌ do̱ꞌ, me güii caviꞌ soꞌ do̱ꞌ a̱ maꞌ. Dan me se ase vaa maꞌa̱n Taꞌníí Yaꞌanj vaa soꞌ, ne̱ xrej me soꞌ nu̱ꞌ cavii nu̱ꞌ caꞌanj na̱nj ado̱nj.

Hebreos 7:3 ပူးပေါင်းရင်းမြစ်များ

San Mateo 4:3

Dan me se cuchiꞌ Síí Chre̱e rihaan Jesús, ga̱a ne̱ guun rá soꞌ tiha̱ꞌ yuꞌunj soꞌ man Jesús ado̱nj. Cheꞌé dan cataj soꞌ rihaan Jesús a: ―Sese ya̱ ya̱ Taꞌni̱j Yaꞌanj mé so̱ꞌ, ne̱ cata̱j so̱ꞌ rihaan nij yahij nihánj se vaa gu̱un nij yoꞌ rachrúún cha̱ so̱ꞌ á ―taj Síí Chre̱e rihaan Jesús a.

Hebreos 4:14

Tza̱j ne̱ vaa ꞌo̱ xrej sa̱ꞌ xrej ata̱ suun noco̱o doj nica̱j yuꞌunj man níꞌ ado̱nj. Ne̱ si̱j cavii xta̱ꞌ doj rihaan rej xta̱ꞌ me soꞌ, ne̱ Jesús Taꞌníí Yaꞌanj ya̱ me soꞌ na̱nj chugua̱nj. Cheꞌé dan ni̱caj xraan níꞌ tucuáán noco̱ꞌ níꞌ á.

Hebreos 7:1

Dan me se xa̱ꞌ xrej cuꞌna̱j Melquisedec, síí cayáán ga̱a naá, tza̱j ne̱ síí nica̱j suun rey uun chij rihaan chumanꞌ cuꞌna̱j Salem me soꞌ, ne̱ xrej me uún soꞌ rihaan Yaꞌanj Si̱j Uun Chij Doj ado̱nj. Ga̱a nanica̱j síí cuꞌna̱j Abraham ꞌnaꞌ nique soꞌ ga̱a quisíj quiꞌyaj canaán soꞌ man nij síí nica̱j suun rey síí cunuꞌ ga̱ soꞌ, ne̱ dan me se caꞌanj cara̱nꞌ síí cuꞌna̱j Melquisedec man soꞌ chrej ꞌnaꞌ nique soꞌ, ne̱ veꞌé cataj Melquisedec se vaa me rá soꞌ quiꞌya̱j Yaꞌanj se lu̱j ga̱ síí cuꞌna̱j Abraham yoꞌ a.

Hebreos 7:17

ꞌO̱ se taj Danj Yaꞌanj cheꞌé xrej naca̱ yoꞌ a: Xrej mé so̱ꞌ nu̱ꞌ cavii nu̱ꞌ caꞌanj a. Dan me se ase vaa xrej cuꞌna̱j Melquisedec xrej cayáán ga̱a naá roꞌ, da̱nj vaa ma̱ꞌán so̱ꞌ á, taj Danj Yaꞌanj a.

Hebreos 7:2

Ga̱a ne̱ xa̱ꞌ nij rasu̱u̱n quiꞌyaj canaán Abraham roꞌ, rqué soꞌ ꞌo̱ rasu̱u̱n rihaan da̱j a̱ chi̱ꞌ rasu̱u̱n rihaan Melquisedec, ne̱ diezmo cuꞌna̱j yoꞌ a. Ne̱ se‑chuvi̱i Melquisedec me raj cata̱a rey ꞌyaj ina̱nj se sa̱ꞌ, ne̱ rey chumanꞌ Salem me uún soꞌ, ne̱ yoꞌ me raj cata̱a rey ꞌyaj mán dínj yuvii̱ a.

Hebreos 7:6

Tza̱j ne̱ né tuvi̱ꞌ nij soꞌ me síí cuꞌna̱j Melquisedec maꞌ. Tza̱j ne̱ soꞌ me síí caꞌnéj diezmo man Abraham chugua̱nj. Ne̱ nda̱ꞌ se si̱j cataꞌ tuꞌva Yaꞌanj se vaa cavi̱i̱ sa̱ꞌ me Abraham, tza̱j ne̱ cuno soꞌ snana̱ síí cuꞌna̱j Melquisedec se vaa quiꞌya̱j Yaꞌanj se lu̱j ga̱ soꞌ ado̱nj.