Hebreos 7:25 - Triqui de San Juan Copala

²⁵ Dan me se ꞌo̱ vaa iꞌna̱ꞌ Jesús, ne̱ uun nucua̱j soꞌ ti̱nanii soꞌ rihaan sayuun nu̱ꞌ cavii nu̱ꞌ caꞌanj man nij síí uchiꞌ rihaan Yaꞌanj cheꞌé soꞌ ado̱nj. Da̱nj quiꞌya̱j soꞌ cheꞌé se ꞌo̱ vaa iꞌna̱ꞌ soꞌ, ne̱ achíín niꞌya̱j soꞌ rihaan Yaꞌanj cheꞌé nij soꞌ nu̱ꞌ cavii nu̱ꞌ caꞌanj ado̱nj.

Hebreos 7:25 ပူးပေါင်းရင်းမြစ်များ

Romanos 8:34

Taj va̱j yuvii̱ cuta̱ꞌ cacunꞌ xráá níꞌ si̱j narii Yaꞌanj man maꞌ. ꞌO̱ se caviꞌ Cristó cheꞌé níꞌ, ne̱ cunuu iꞌna̱ꞌ uún Cristó, ne̱ cuano̱ nicunꞌ soꞌ xꞌnúú Yaꞌanj rej nuva̱ꞌ Yaꞌanj, ne̱ maꞌa̱n soꞌ me síí achíín niꞌya̱j rihaan Yaꞌanj cheꞌé níꞌ ado̱nj.

1 Timoteo 2:5

ꞌO̱ se o̱rúnꞌ Yaꞌanj, ne̱ o̱rúnꞌ ꞌo̱ snóꞌo taj xnaꞌanj rihaan níꞌ da̱j vaa Yaꞌanj, ne̱ soꞌ me síí aꞌmii rihaan Yaꞌanj cheꞌé níꞌ, ne̱ Cristó Jesús me síí ꞌyaj da̱nj ado̱nj.

Judas 1:24

Cara̱a̱ cochro̱j soj rihaan síí uun nucua̱j ca̱ráán rihaan soj se̱ quiꞌyaj soj cacunꞌ do̱ꞌ, síí uun nucua̱j tu̱mé man soj nda̱a güii ca̱yáán soj rihaan soꞌ rej niꞌndaj ya̱ veꞌé vaa do̱ꞌ á. Rej yoꞌ me se ga̱a̱ nica̱ nimán soj, ne̱ ga̱a̱ niha̱ꞌ uxrá rá nimán soj ado̱nj.

San Juan 14:6

Ga̱a ne̱ cataj Jesús rihaan soꞌ a: ―Ma̱ꞌanj me guun chrej rihaan soj, ne̱ ma̱ꞌanj me nana̱ ya̱ cuno̱ soj, ne̱ ma̱ꞌanj me síí quiꞌya̱j ga̱a̱ iꞌna̱ꞌ nimán soj ado̱nj. Sese se̱ caꞌvej rá ꞌo̱ soꞌ canoco̱ꞌ soꞌ manj, ne̱ daj chiha̱a̱ míj se̱ cuchiꞌ soꞌ rihaan Réj Yaꞌanj a̱ maꞌ.

Efesios 2:18

ꞌO̱ se cheꞌé Cristó me se racuíj Nimán Yaꞌanj man níꞌ, ne̱ cheꞌé dan vaa yaꞌnúj rihaan ta̱ranꞌ níꞌ cachi̱nj niꞌya̱j maꞌa̱n níꞌ rihaan Rej níꞌ Yaꞌanj ado̱nj.

Romanos 5:2

Dan me se amán rá níꞌ niꞌya̱j níꞌ man Cristó, ne̱ cheꞌé dan guun cheꞌe̱ níꞌ nacaj níꞌ se lu̱j ꞌyaj Yaꞌanj cheꞌé níꞌ, ne̱ xraan nica̱j níꞌ se lu̱j yoꞌ a. Ne̱ ya̱j roꞌ, uun niha̱ꞌ ndoꞌo rá níꞌ cheꞌé se uun ya̱ rá níꞌ se vaa vaa güii ti̱haa̱n Yaꞌanj rihaan níꞌ nu̱ꞌ se vaa niꞌndaj ya̱ sa̱ꞌ veꞌé vaa soꞌ ado̱nj.

Hebreos 11:6

Tza̱j ne̱ síí ne amán rá niꞌya̱j man Yaꞌanj roꞌ, daj chiha̱a̱ míj se̱ caranꞌ rá Yaꞌanj ni̱ꞌyaj Yaꞌanj man soꞌ a̱ maꞌ. ꞌO̱ se síí me rá cuchi̱ꞌ rihaan Yaꞌanj roꞌ, no̱ xcúún soꞌ cuchuma̱n rá soꞌ se vaa ya̱ vaa Yaꞌanj, ne̱ na̱ruꞌvee maꞌa̱n Yaꞌanj rihaan nij síí nano̱ꞌ ya̱ man Yaꞌanj na̱nj á.

Efesios 3:20

Achíín ni̱ꞌyáá ꞌu̱nj rihaan síí nucua̱j ndoꞌo quiꞌya̱j doj a̱ rihaan da̱j a̱ se achíín níꞌ, nda̱a da̱j a̱ se nu̱u̱ raa̱ níꞌ, cheꞌé se ꞌyaj suun snucua̱j soꞌ nimán níꞌ ado̱nj.

Hebreos 9:24

ꞌO̱ se né nu̱vií cuneꞌ maꞌa̱n yuvii̱ me rej catúj Cristó maꞌ. ꞌO̱ se nuvií mantá yoꞌ roꞌ, ase vaa rej nicu̱nꞌ maꞌa̱n Yaꞌanj rej xta̱ꞌ vaa yoꞌ, tza̱j ne̱ né ya̱ ya̱ rej nicu̱nꞌ Yaꞌanj me yoꞌ maꞌ. Tza̱j ne̱ ya̱j me se catúj maꞌa̱n Cristó rej xta̱ꞌ yoꞌ, ne̱ cuano̱ nicunꞌ soꞌ rihaan maꞌa̱n Yaꞌanj, ne̱ achíín niꞌya̱j soꞌ rihaan Yaꞌanj cheꞌé níꞌ ado̱nj.

Hebreos 7:19

ꞌO̱ se taj va̱j a̱ doj rasu̱u̱n cunuu sa̱ꞌ quiꞌyaj stucua̱nj Moisés maꞌ. Dan me se navij tucuáán nga̱, ne̱ ꞌó tucuáán sa̱ꞌ naca̱ nocoꞌ níꞌ cuano̱, ne̱ uun ya̱ rá níꞌ se vaa cavi̱i̱ sa̱ꞌ níꞌ, quiꞌya̱j tucuáán naca̱ yoꞌ ado̱nj. ꞌO̱ se cheꞌé tucuáán naca̱ yoꞌ caꞌve̱e cuchi̱ꞌ maꞌa̱n níꞌ rihaan Yaꞌanj ado̱nj.

San Juan 14:13

’Ne̱ me maꞌa̱n rasu̱u̱n cachi̱nj soj cheꞌé se‑chu̱vií ꞌu̱nj, ne̱ nu̱ꞌ yoꞌ qui̱ꞌyáj cheꞌé soj ado̱nj. Nda̱a síj, ga̱a ne̱ veꞌé uxrá caꞌmi̱i̱ nii cheꞌé Réj Yaꞌanj, qui̱ꞌyáj na̱nj ado̱nj.

Hebreos 5:7

Dan me se ga̱a chéé Jesús rihaan chumii̱ nihánj, ne̱ nacúún soꞌ rihaan Yaꞌanj ne̱ cachíín niꞌya̱j uxrá soꞌ se vaa ti̱nanii Yaꞌanj man soꞌ se̱ caviꞌ soꞌ, ne̱ cheꞌé dan nda̱a taꞌvee maꞌa̱n soꞌ a. Cheꞌé se si̱j aráj cochro̱j ya̱ rihaan Yaꞌanj me soꞌ, cheꞌé dan cuno ya̱ Yaꞌanj caꞌmii soꞌ,

Hebreos 13:15

Cheꞌé se vaa quiꞌyaj Jesús roꞌ, cheꞌé dan ꞌo̱ cata̱j níꞌ rihaan Yaꞌanj se vaa síí sa̱ꞌ uxrá me Yaꞌanj na̱nj ado̱nj. Ne̱ dan me se né ina̱nj rasu̱u̱n ma̱n rihaan chumii̱ nihánj me se vaa rque̱ níꞌ man Yaꞌanj maꞌ. ꞌO̱ se nana̱ sa̱ꞌ avii tuꞌva níꞌ me se vaa rque̱ níꞌ man soꞌ ado̱nj.

Hebreos 7:16

Ne̱ ꞌó xrej naca̱ yoꞌ, tza̱j ne̱ ne gu̱un soꞌ xrej nda̱a vaa taj stucua̱nj Moisés se vaa ina̱nj taꞌníí taꞌnij siꞌno̱ síí cuꞌna̱j Leví gu̱un xrej maꞌ. Tana̱nj a̱ guun soꞌ xrej cheꞌé se gu̱un nucua̱j soꞌ ga̱a̱ iꞌna̱ꞌ soꞌ nu̱ꞌ cavii nu̱ꞌ caꞌanj, ne̱ daj chiha̱a̱ míj se̱ navij soꞌ maan ado̱nj.

Hebreos 2:18

ꞌO̱ se cheꞌé se quiranꞌ maꞌa̱n ya̱ soꞌ sayuun se vaa guun rá Síí Chre̱e caxri̱i̱ Síí Chre̱e chrej chiꞌi̱i̱ rque soꞌ roꞌ, cheꞌé dan gu̱un nucua̱j soꞌ ra̱cuíj soꞌ man níꞌ ga̱a uun rá Síí Chre̱e caxri̱i̱ Síí Chre̱e chrej chiꞌi̱i̱ rque maꞌa̱n níꞌ ado̱nj.

Filipenses 3:21

ne̱ ni̱caj soꞌ man níꞌ, ne̱ nda̱ꞌ se ninaj uxrá nee̱ man níꞌ cuano̱, tza̱j ne̱ natuna̱ soꞌ man yoꞌ, ne̱ ase vaa nee̱ man soꞌ nee̱ niꞌndaj ya̱ sa̱ꞌ roꞌ, da̱nj ina̱nj ga̱a̱ nee̱ man níꞌ, quiꞌya̱j soꞌ ado̱nj. Dan me se cheꞌé se me soꞌ síí gu̱un nucua̱j quiꞌya̱j canaán rihaan cunuda̱nj rasu̱u̱n, ne̱ quiri̱i̱ taꞌngaꞌ soꞌ rihaan cunuda̱nj rasu̱u̱n roꞌ, cheꞌé dan neꞌen níꞌ se vaa gu̱un nucua̱j soꞌ natuna̱ soꞌ man nee̱ man níꞌ ado̱nj.

San Juan 14:16

Ga̱a ne̱ cachi̱nj niꞌya̱j ma̱ꞌanj rihaan Réj Yaꞌanj, ga̱a ne̱ caꞌne̱j soꞌ ꞌó síí cuchi̱ꞌ rihaan soj, ne̱ ra̱cuíj ndoꞌo soꞌ man soj, ne̱ ca̱yáán soꞌ ga̱ soj nu̱ꞌ cavii nu̱ꞌ caꞌanj a.

2 Timoteo 1:12

Ma̱an cheꞌé dan ránꞌ ꞌu̱nj sayuun nihánj cuano̱, tza̱j ne̱ ne naꞌa̱j ꞌu̱nj a̱ doj se vaa ránꞌ ꞌu̱nj maꞌ. ꞌO̱ se neꞌén ꞌu̱nj se vaa Yaꞌanj me síí cuchumán raj niꞌya̱j ꞌu̱nj man, ne̱ guun ya̱ raj se vaa uun nucua̱j soꞌ tu̱mé soꞌ manj qui̱ꞌyáj nu̱ꞌ suun caꞌneꞌ soꞌ rihanj a. Ne̱ da̱nj ina̱nj quiꞌya̱j soꞌ, ra̱cuíj soꞌ manj nda̱a güii caꞌna̱ꞌ uún Cristó ado̱nj.

Hebreos 7:24

Tza̱j ne̱ Jesús me se daj chiha̱a̱ míj se̱ caviꞌ soꞌ maꞌ. Cheꞌé dan o̱rúnꞌ soꞌ me xrej quiꞌya̱j se‑su̱u̱n Yaꞌanj cheꞌé níꞌ nu̱ꞌ cavii nu̱ꞌ caꞌanj ado̱nj.

Efesios 3:12

Ne̱ cheꞌé se amán rá níꞌ niꞌya̱j níꞌ Cristó roꞌ, cheꞌé dan caꞌve̱e cachi̱nj niꞌya̱j maꞌa̱n níꞌ rihaan Yaꞌanj, ne̱ taj cheꞌé cuchuꞌvi̱ꞌ níꞌ caꞌmi̱i̱ níꞌ ga̱ Yaꞌanj maꞌ.

Hebreos 7:8

Ne̱ xa̱ꞌ nij taꞌníí taꞌnij siꞌno̱ síí cuꞌna̱j Leví, tza̱j ne̱ aꞌnéj nij soꞌ diezmo man yuvii̱, tza̱j ne̱ na̱nj yuvii̱ me nij soꞌ, ne̱ vaa güii cavi̱ꞌ nij soꞌ na̱nj á. Ne̱ xa̱ꞌ síí cuꞌna̱j Melquisedec, tza̱j ne̱ Danj Yaꞌanj taj se vaa ꞌo̱ vaa iꞌna̱ꞌ soꞌ na̱nj ado̱nj.

Romanos 5:10

Nda̱ꞌ se síí ta̱j riꞌyunj man Yaꞌanj me níꞌ ga̱a rque̱, tza̱j ne̱ caꞌnéé Yaꞌanj Taꞌníí Yaꞌanj cavi̱ꞌ soꞌ cheꞌé yuvii̱, ne̱ guun tuvi̱ꞌ níꞌ ga̱ Yaꞌanj, quiꞌyaj soꞌ a. Ne̱ cunuu iꞌna̱ꞌ uún Cristó, ne̱ cheꞌé dan neꞌen níꞌ se vaa ya̱ nani̱i̱ níꞌ rihaan sayuun ne̱ cavi̱i̱ sa̱ꞌ níꞌ vaa güii ado̱nj.

1 Corintios 1:21

ꞌO̱ se nij síí ma̱n rihaan chumii̱ nihánj roꞌ, ne cavi̱i̱ raa̱ nij soꞌ da̱j vaa Yaꞌanj maꞌ. Tza̱j ne̱ síí cu̱u raa̱ me Yaꞌanj, ne̱ maꞌa̱n Yaꞌanj caráán chrej rihaan nij soꞌ se̱ gaa na̱nj xca̱j nij soꞌ cuentá cheꞌé soꞌ ado̱nj. ꞌO̱ se me rá Yaꞌanj cuno̱ nij yuvii̱ nana̱ aꞌmii natáj núj, ne̱ sese cuno̱ nij yuvii̱, ne̱ ti̱nanii Yaꞌanj man nij yuvii̱ rihaan sayuun, ne̱ dan me se nda̱ꞌ se nana̱ snúú rmaꞌa̱n me nana̱ aꞌmii núj, rá taꞌa̱j nij yuvii̱, tza̱j ne̱ o̱rúnꞌ nana̱ yoꞌ me nana̱ ti̱nanii man yuvii̱ rihaan sayuun na̱nj ado̱nj.

Hebreos 2:9

Tza̱j ne̱ niꞌya̱j níꞌ man Jesús, ne̱ nda̱ꞌ se ya̱ ya̱ si̱j noco̱ꞌ doj guun soꞌ rihaan nij se‑mo̱zó Yaꞌanj rque do̱j yoꞌ, tza̱j ne̱ ya̱j me se a̱j niꞌndaj ya̱ sa̱ꞌ cavii soꞌ, ne̱ veꞌé ndoꞌo aráj cochro̱j nii man soꞌ, quiꞌyaj Yaꞌanj a. Ne̱ da̱nj cavii sa̱ꞌ soꞌ, cheꞌé se caviꞌ soꞌ a. ꞌO̱ se sese ne cavi̱ꞌ soꞌ, ne̱ ne caꞌve̱e nayo̱n soꞌ rihaan cunuda̱nj níꞌ a̱ maꞌ. Tza̱j ne̱ ya̱j me se quiꞌyaj ndoꞌo Yaꞌanj se lu̱j cheꞌé níꞌ se vaa nayón Jesús rihaan níꞌ na̱nj ado̱nj.